ଯାଆଁଳା ନିଶା ନିବାରଣ କେନ୍ଦ୍ରରେ ପୋଲିସର ତନାଘନା : ଅନ୍ତେବାସୀଙ୍କୁ ନିର୍ଯାତନା ନେଇ କର୍ମଚାରୀ ଓ ମାଲିକଙ୍କୁ ପଚରାଉଚରା
କନକ ବ୍ୟୁରୋ : ନିଶା ନିବାରଣ କେନ୍ଦ୍ରରେ ନିର୍ଯାତନା । ନିଶା ନିବାରଣ କେନ୍ଦ୍ରରେ ଅନ୍ତେବାସୀଙ୍କ ଉପରେ ହୋଇଥାଏ ଅକଥନୀୟ ଅତ୍ୟାଚାର । ଭିଡିଓ ସାମ୍ନାକୁ ଆସିବାର ଅନେକ ସମୟ ବିତି ସାରିଥିଲେ ବି ବର୍ତ୍ତମାନ ସୁଦ୍ଧା ପୋଲିସ କେନ୍ଦ୍ରରେ ପହଞ୍ଚି ନଥିବା ଅଭିଯୋଗ ହୋଇଛି । ନିଶା ନିବାରଣ କେନ୍ଦ୍ରରେ ଅନ୍ତେବାସୀଙ୍କ ଉପରେ ଅକଥନୀୟ ଅତ୍ୟାଚାର ଭିଡିଓ ସାମ୍ନାକୁ ଆସିଥିଲା ।
Kanak News is now on WhatsApp
Join and get latest news updates delivered to you via WhatsApp
ଭିଡିଓରେ କେନ୍ଦ୍ରରେ ଥିବା ଅନ୍ୟ ଅନ୍ତେବାସୀଙ୍କ ସମ୍ମୁଖରେ ଜଣେ ଅନ୍ତେବାସୀଙ୍କୁ କେନ୍ଦ୍ରର କର୍ମଚାରୀ ନିସ୍ତୁକ ମାଡ ମାରୁଥିବାର ଦେଖିବାକୁ ମିଳିଥିଲା । ମାଡ ଖାଉଥିବା ଅସହାୟ ଯୁବକ ଜଣକ ଭୁଲ ହୋଇ ଯାଇଛି କହି କାକୁତି ମିନତି ହୋଇଥିଲେ ବି ତାଙ୍କ ଗୁହାରି ନିଶାନିବାରଣ କେନ୍ଦ୍ରର କର୍ମଚାରୀଙ୍କ କାନକୁ ଶୁଭୁନାହିଁ । ଯୁବକଙ୍କ ଉପରେ ବସି ତାଙ୍କୁ ମାଡ ମାରି ଚାଲିଥିବା ଦେଖିବାକୁ ମିଳିଛି ଏହି ଭିଡିଓରେ । ଏଭଳି ଉଦବେଗଜନକ ଭିଡିଓ ସାମ୍ନାକୁ ଆସିବାର ଏତେ ସମୟ ବିତି ଯାଇଥିଲେ ବି ପୋଲିସ ଚୁପ୍ ରହିଛି ।