କରୋନା କାଳରେ କେମିତି ଅଛି ଦେଶରେ ମହିଳାଙ୍କ ସ୍ଥିତି ? ଆସିଲା ଉଦବେଗଜନକ ଚିତ୍ର; ଲକଡାଉନ ସମୟରେ ପାରିଶ୍ରମିକ ପାଇନାହାନ୍ତି ପ୍ରାୟ ସାଢେ ୬କୋଟି ମହିଳା
କନକ ବ୍ୟୁରୋ : କରୋନା ଭାଇରସ୍ କବଳରେ ସାରା ବିଶ୍ୱ । ଭାରତରେ ଏବେ କରୋନାର ଦ୍ୱିତୀୟ ଲହର ସରିନଥିବା ବେଳେ ତୃତୀୟ ଲହର ଆସିବା ନେଇ ଆଶଙ୍କା ସୃଷ୍ଟି ହେଲାଣି । କରୋନା ଯୋଗୁ ଅନେକ ନିଜର ଜୀବିକା ହରାଇଛନ୍ତି । କାମ ମିଳୁନଥିବାରୁ ଅନେକ ନାନା ଅସୁବିଧାର ସମ୍ମୁଖୀନ ହେଉଛନ୍ତି । ପୁରୁଷ ସହ ମହିଳାମାନେ ମଧ୍ୟ ଏପରି ଅସୁବିଧାରେ ପଡିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତଥ୍ୟ ଅନୁସାରେ, ପ୍ରଥମ ଲକଡାଉନ୍ ସମୟରେ ପାଖାପାଖି ୬.୪ କୋଟି ମହିଳା ମହାମାରୀ ପରେ ସେମାନଙ୍କ ପାରିଶ୍ରମିକ ପାଇନାହାନ୍ତି । ସେମାନଙ୍କ ଖାଦ୍ୟ କମାଇବା ସହ ଅତ୍ୟାବଶ୍ୟକ ସାମଗ୍ରୀ କିଣିବାରେ ମଧ୍ୟ କାଂଟଛାଟ କରିଛନ୍ତି । ୮.୭ ଲକ୍ଷ କର୍ମଜୀବୀ ମହିଳା ଅକ୍ଟୋବର ୨୦୨୦ ପରଠାରୁ କାମ ପାଇନାହାନ୍ତି । ୪.୩ କୋଟି ମହିଳା ସେମାନଙ୍କ ଚାକିରି ଓ ରୋଜଗାର ହରାଇଛନ୍ତି । ବର୍ତମାନ ସୁଦ୍ଧା ମାତ୍ର ୧.୫ କୋଟି ମହିଳା ସେମାନଙ୍କ ରୋଜଗାର ଫେରିପାଇଛନ୍ତି । କମ ରୋଜଗାର କରୁଥିବା ଘରର ୩.୨ କୋଟି ମହିଳା ସେମାନଙ୍କ ଖାଦ୍ୟ କମାଇ ଦେଇଛନ୍ତି ।
ଆଉ ୩.୨ କୋଟି ମହିଳା ଖାଦ୍ୟ କମାଇ ଦେଇଥିବାରୁ ଚିନ୍ତିତ ଅଛନ୍ତି । ସର୍ଭେକ୍ଷଣରୁ ଜଣାପଡ଼ିଛି କରୋନାର ଏହି କଷ୍ଟକର ସମୟରେ ପ୍ରାୟ ୧୬ ପ୍ରତିଶତ ମହିଳା ସେମାନଙ୍କ ଅସୁବିଧା ସମୟରେ ସାନିଟାରୀ ନାପକିନ୍ ମଧ୍ୟ ବ୍ୟବହାର କରିନାହାନ୍ତି । କରୋନାର ପ୍ରଥମ ଲହର ସମୟରେ ଗତ ବର୍ଷ ମାର୍ଚ୍ଚରୁ ନଭେମ୍ବର ମଧ୍ୟରେ ୩ ପ୍ରତିଶତ ମହିଳା ଗର୍ଭନିରୋଧ ବଟିକା ନେବା ପାଇଁ ସମର୍ଥ ହୋଇନାହାନ୍ତି ।