ରାଷ୍ଟ୍ରପତିଙ୍କୁ କ୍ଷମା ମାଗିଲେ କଂଗ୍ରେସ ସାଂସଦ ଅଧୀର ରଞ୍ଜନ । ଚିଠି ଲେଖି କହିଲେ ପାଟିରୁ ଖସି ଯାଇଥିଲା ଭୁଲ ଶବ୍ଦ, ସେଥିପାଇଁ ସେ ଦୁଃଖିତ ।
କନକ ବ୍ୟୁରୋ: ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ‘ରାଷ୍ଟ୍ରପତ୍ନୀ’ କହି ବିବାଦରେ ଫସିଥିବା କଂଗ୍ରେସ ସାଂସଦ ଅଧୀର ରଞ୍ଜନ ଚୌଧୁରୀ ନିଜର ବିବାଦୀୟ ମନ୍ତବ୍ୟ ପାଇଁ କ୍ଷମା ମାଗିଛନ୍ତି । ସାଂସଦ ବ୍ୟକ୍ତିଗତ ଭାବେ ରାଷ୍ଟ୍ରପତିଙ୍କ ନିକଟକୁ ଚିଠି ଲେଖି କ୍ଷମା ପ୍ରାର୍ଥନା କରିଛନ୍ତି । ତାଙ୍କ ପାଟିରୁ ଏହା ଭୁଲ ବଶତଃ ବାହାରି ଯାଇଥିବା ସେ ଚିଠିରେ ଉଲ୍ଲେଖ କରିଛନ୍ତି ଆଉ ଏଥିପାଇଁ ସେ କ୍ଷମା ମାଗୁଛନ୍ତି ବୋଲି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଉପରେ ଅଶୋଭନୀୟ ଶବ୍ଦର ପ୍ରୟୋଗ କରି ବିବାଦକୁ ଆସିଥିବା ଅଧୀର ରଞ୍ଜନଙ୍କ ବିରୋଧରେ ବିଜେପି ଜୋରଦାର ପ୍ରତିବାଦ କରିଥିଲା । ଜଣେ ସାଂସଦଙ୍କ ଦ୍ୱାରା ରାଷ୍ଟ୍ରପତିଙ୍କ ପ୍ରତି ଏଭଳି ଶବ୍ଦର ପ୍ରୟୋଗକୁ ବିଜେପି ବିରୋଧ କରିଥିଲା । ସେପଟେ ବିବାଦ ବଢୁଥିବା ଦେଖି କ୍ଷମା ମାଗିଛନ୍ତି ଅଧିର ରଞ୍ଜନ । ତେବେ ଅଧୀର ରଞ୍ଜନଙ୍କ ଏହି କ୍ଷମା ପ୍ରାର୍ଥନା ପରେ ବିବାଦ ଥମିଯିବ ବୋଲି ଆଶା କରାଯାଉଛି ।