ପଞ୍ଜାବ ନିର୍ବାଚନ ପୂର୍ବରୁ ଜାରି ରହିଛି ଶକ୍ତିପ୍ରଦର୍ଶନ: ପୂର୍ବ ଅମ୍ରିତସରରୁ ପ୍ରାର୍ଥୀପତ୍ର ଦାଖଲ କଲେ କଂଗ୍ରେସ ନେତା ନବଜୋତ ସିଂହ ସିଦ୍ଧୁ
କନକ ବ୍ୟୁରୋ: ପାଖେଇ ଆସୁଛି ବିଧାନସଭା ନିର୍ବାଚନ । ଯାହାକୁ ନେଇ ବିଭିନ୍ନ ରାଜନୈତିକ ଦଳ ଜୋର ସୋର ପ୍ରସ୍ତୁତି ଚଳାଇଛନ୍ତି । ଆମ ଆଦମି ପାର୍ଟିର ମୁଖ୍ୟମନ୍ତ୍ରୀ ଚେହେରା ଭଗୱନ୍ତ ମାନ ଧୁରି ବିଧାନସଭା ଆସନରୁ ନମିନେସନ ଭରିଛନ୍ତି । ସେହିପରି କଂଗ୍ରେସ ପ୍ରଦେଶ ଅଧ୍ୟକ୍ଷ ନବଜୋତ ସିଂ ସିଦ୍ଧୁ ପୁର୍ବ ଅମ୍ରିତସର ରୁ ନମିନେସନ ଭରିଛନ୍ତି । ଗୋଆର ପୁର୍ବତନ ମୁଖ୍ୟମନ୍ତ୍ରୀ ମନୋହର ପାରିକର ଙ୍କ ପୁଅ ପାଣାଜୀରୁ ସ୍ୱାଧୀନ ପ୍ରାର୍ଥୀ ଭବାରେ ନାମାଙ୍କନ ଦାଖଲ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ କଂଗ୍ରେସରେ ଯୋଗ ଦେଇଥିବା ବଲିଓଡ ଅଭିନେତା ସୋନୁ ତାଙ୍କ ଭଉଣୀ ମାଳବିକା ପାଇଁ ପ୍ରଚାର କରୁଥିବା ଦେଖିବାକୁ ମିଳିଛି । ପଞ୍ଜାବରେ ନିର୍ବାଚନୀ ତାରିଖ ପାଖେଇ ଆସୁଛି । ଯାହାକୁ ନେଇ ପ୍ରଚାର ପ୍ରସାର ମଧ୍ୟ ଜୋର ସୋରରେ ଚାଲିଛି । ଗୋଆ ବିଜୟ କରିବା ପାଇଁ ସମସ୍ତ ଦଳ ଅପ୍ରାଣ ଉଦ୍ୟମ କରୁଛନ୍ତି । ସେପଟେ କେନ୍ଦ୍ର ସରକାରଙ୍କ କୃଷି ଆଇନ ବିରୁଦ୍ଧରେ ଏକାଠି ଲଢେଇ କରିଥିବା କୃଷକ ମାନେ ପାଟି, ସମୁଦାୟ, ଓ ଜାତି ନାରେ ଅଲଗା ଅଲଗା ହୋଇଯାଇଛନ୍ତି । ସାରା ଦେଶରେ ଏକତାର ଉଦାହରଣ ପାଲିଟିଥିବା ପଞ୍ଜାବି କୃଷକ ଏବେ ନିଜ ଜାତି ଓ ସମ୍ପ୍ରଦାୟ ଆଧାରର ଭୋଟ ଦେବାକୁ ଯାଉଛନ୍ତି ।