କନକ ବ୍ୟୁରୋ : ଦେଶର ଅର୍ଥନୀତିକୁ ନେଇ ପଛରେ ପଡିଯାଉଥିବା ବିଜେପି ସରକାରକୁ ପୁଣି ଟାର୍ଗେଟ କରିଛନ୍ତି ପୂର୍ବତନ ଅର୍ଥମନ୍ତ୍ରୀ ତଥା କଂଗ୍ରେସ ରାଜ୍ୟସଭା ସାଂସଦ ପି ଚିଦାମ୍ବରମ । କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ନାସାର ଏକ ପୋଷ୍ଟକୁ ତାଙ୍କ ଟୁଇଟ ଆକାଉଣ୍ଟରେ ସେୟାର କରିବା ପରେ ତାଙ୍କୁ କଟାକ୍ଷ କରିଛନ୍ତି ପୂର୍ବତନ ଅର୍ଥମନ୍ତ୍ରୀ । ଦୁଇଟି ଟୁଇଟ କରି ଏହି କଂଗ୍ରେସ ନେତା କହିଛନ୍ତି, ଯେଉଁଦିନ ଦେଶର ମୁଦ୍ରାସ୍ଫୀତି ୭ ପଏଣ୍ଟରୁ ଅଧିକ ଏବଂ ବେରୋଜଗାରୀ ୮ ପ୍ରତିଶତ ଛୁଉଁଛି ସେହିଦିନ ଅର୍ଥମନ୍ତ୍ରୀ ବୃହସ୍ପତି, ଶୁକ୍ର ଏବଂ ପ୍ଲୋଟ ଗ୍ରହର ଫଟୋ ଛାଡୁଛନ୍ତି, କିନ୍ତୁ ଆମେ ଏଥିରେ ଆଶ୍ଚର୍ଯ୍ୟ ହେବାର ନାହିଁ ବୋଲି ସେ କହିଛନ୍ତି । ଏଥିସହ ନିର୍ମଳା ସୀତାରମଣଙ୍କୁ ନୂଆ ଅର୍ଥନୈତିକ ଜ୍ୟୋତିଷ ମୁଖ୍ୟ ଭାବେ ନିଯୁକ୍ତ କରିବା ଦରକାର ବୋଲି କହିଛନ୍ତି ପି ଚିଦାମ୍ବରମ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଦେଶର ଅର୍ଥନୀତିକୁ ନେଇ କେନ୍ଦ୍ର ସରକାରଙ୍କୁ କଂଗ୍ରେସ ନେତା ଟାର୍ଗେଟ କରୁଥିବା ବେଳେ ଏଥିରେ ସାମିଲ ହୋଇଛନ୍ତି ଖୋଦ ବିଜେପି ସାଂସଦ । ବଜେପିରେ ଥାଇ ବି ଭିନ୍ନ ମତ ପାଇଁ ସବୁବେଳେ ଚର୍ଚ୍ଚାରେ ରହୁଥିବା ରାଜ୍ୟସଭା ସାଂସଦ ସୁବ୍ୟମଣ୍ୟନମ ସ୍ୱାମୀ ଦେଶର ଅର୍ଥନୀତିକୁ ନେଇ ସରକାରଙ୍କୁ ସମାଲୋଚନା କରିଛନ୍ତି । ସ୍ୱାମୀ ଏକ ଟୁଇଟ କରି କହିଛନ୍ତି, ଭାରତ ୧୯୩ ଦେଶ ମଧ୍ୟରୁ ଏବେ ୧୬୪ ତମ ବିକାଶଶୀଳ ଦେଶ ଭାବେ ଗଣାହେଉଛି । ୨୦୧୧ରେ ଭାରତ ବିଶ୍ୱର ତୃତୀୟ ବଡ ଅର୍ଥନୀତି ଥିବା ବେଳେ ୨୦୨୧ରେ ୧୬୪ ନମ୍ବରରେ ପହଂଚିଯାଇଛି ବୋଲି ସେ କହିଛନ୍ତି ।
ଅମିତ ମାଲଭ୍ୟ କହିଛନ୍ତି ୟୁପିଏ ସରକାରଙ୍କ ସମୟରେ ୨୦୦୯ରୁ ୨୦୧୩ ମଧ୍ୟରେ ମୁଦ୍ରାସ୍ଫୀତି ଦୁଇ ଅଙ୍କ ଉପରେ ଅବା ଦୁଇ ଅଙ୍କ ପାଖାପାଖି ରହୁଥିଲା । ତାହା ପୁଣି କିଛି ମାସ ପାଇଁ ନୁହେଁ ବଂର ବର୍ଷ ଶେଷ ପର୍ଯ୍ୟନ୍ତ ରହୁଥିଲା । କରୋନା ମହାମାରୀ ଏବଂ ଋଷ-ୟୁକ୍ରେନ ଯୁଦ୍ଧ ଯୋଗୁ ଏବେ ଦେଶର ମୁଦ୍ରାସ୍ଫୀତି ବଢିଛି । ହେଲେ ତାହା ୟୁପିଏ ସରକାର ସମୟ ଠାରୁ କମ ବୋଲି କହିଛନ୍ତି ଏହି ବିଜେପି ନେତା ।