ସରକାରଙ୍କ ତରଫରୁ ଲୋକଙ୍କୁ ବଡ ଆଶ୍ୱସ୍ଥି, ଜନ୍ମ ଓ ମୃତ୍ୟୁ ପଞ୍ଜିକରଣ ବେଳେ ବାଧ୍ୟତାମୂଳକ ହେବ ନାହିଁ ଆଧାର କାର୍ଡ
କନକ ବ୍ୟୁରୋ : ଦେଶରେ ଜନ୍ମ ଓ ମୃତ୍ୟୁ ପଞ୍ଜିକରଣ ସମୟରେ ଆଧାର ପ୍ରମାଣୀକରଣ କରିବାକୁ କେନ୍ଦ୍ର ସରକାର ରେଜିଷ୍ଟାର ଜେନେରାଲଙ୍କ କାର୍ଯ୍ୟାଳୟକୁ ଅନୁମତି ଦେଇଛନ୍ତି । ତେବେ ଏଭଳି ପଞ୍ଜିକରଣ ପାଇଁ ଆଧାରକାର୍ଡ ବାଧ୍ୟତାମୂଳକ ହେବ ନାହିଁ । ଜୁନ ୨୭ ତାରିଖରେ ପ୍ରକାଶିତ ଏକ ବିଜ୍ଞପ୍ତିରେ କୁହାଯାଇଛି ଯେ ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତି ବିଦ୍ୟା ମନ୍ତ୍ରଣାଳୟ ଜନ୍ମ ଏବଂ ମୃତ୍ୟୁ ପଞ୍ଜିକରଣ ସମୟରେ ପ୍ରଦାନ କରାଯାଇଥିôବା ପରିଚୟ ବିବରଣୀକୁ ପ୍ରମାଣୀକରଣ କରିବା ପାଇଁ ଆଧାର ଡାଟାବେସ୍ ବ୍ୟବହାର କରିବାକୁ ରେଜିଷ୍ଟାର ଜେନେରାଲଙ୍କ କାର୍ଯ୍ୟାଳୟକୁ ଅନୁମତି ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଜନ୍ମ ଓ ମୃତ୍ୟୁ ପଞ୍ଜିକରଣ ଆଇନ ୧୯୬୯ କ୍ରମରେ ନିଯୁକ୍ତ ରେଜିଷ୍ଟାରଙ୍କୁ ରିପୋର୍ଟିଂ ଫର୍ମ, ଜନ୍ମ କିମ୍ବା ମୃତ୍ୟୁରେ ମାଗିଥିବା ଅନ୍ୟାନ୍ୟ ବିବରଣୀ ସହିତ ସଂଗ୍ରହ କରାଯାଉଥିବା ଆଧାର ନମ୍ବର ଯାଂଚ ପାଇଁ ସ୍ୱେଚ୍ଛାକୃତ ଭିତ୍ତିରେ ହଁ କିମ୍ବା ବିନା ଆଧାର ପ୍ରମାଣୀକରଣ କରିବାକୁ ଅନୁମତି ଦିଆଯିବ ।
ଜନ୍ମ କ୍ଷେତ୍ରରେ ଶିଶୁର ପିତା ମାତା ଏବଂ ସୂଚନାଦାତାଙ୍କ ପରିଚୟ ଏବଂ ଜନ୍ମ ଓ ମୃତ୍ୟୁ ପଞ୍ଜିକରଣ ସମୟରେ ପ୍ରଦାନ କରାଯାଇଥିବା ମାମଲାରେ ପିତାମାତା, ଜୀବନସାଥୀ ଏବଂ ସୂଚନାଦାତାଙ୍କ ପରିଚୟ ସ୍ଥାପିତ କରିବା ଉଦ୍ଦେଶ୍ୟରେ ଏହି ମାମଲା ହୋଇପାରେ ।
ରାଜ୍ୟ ସରକାର ଏବଂ କେନ୍ଦ୍ରଶାସିତ ଅଞ୍ଚଳର ପ୍ରଶାସନ ଆଧାର ପ୍ରମାଣୀକରଣର ବ୍ୟବହାର ସଂପର୍କରେ ମନ୍ତ୍ରଣାଳୟ ଦ୍ୱାରା ନିର୍ଦ୍ଧାରିତ ନିର୍ଦ୍ଦେଶାବଳୀ ଅନୁସରଣ କରିବେ । ୨୦୨୦ରେ ମନ୍ତ୍ରଣାଳୟ ନିୟମ ବିଜ୍ଞପ୍ତି ଜାରି କରି କହିଥିଲା ଯେ କେନ୍ଦ୍ର ସରକାର ସୁଶାସନ, ଜନସାଧାରଣଙ୍କ ଅର୍ଥର ପ୍ରବାହ ଏବଂ ସହଜ ଜୀବନଧାରଣକୁ ପ୍ରୋତ୍ସାହିତ କରିବା ପାଇଁ ଅନୁରୋଧକାରୀ ସଂସ୍ଥାଗୁଡିକ ଦ୍ୱାରା ଆଧାର ପ୍ରମାଣୀକରଣକୁ ଅନୁମତି ଦେଇପାରିବେ ।