ବିଜେପି ନେତା ଶ୍ରୀକାନ୍ତ ତ୍ୟାଗୀଙ୍କ ଘରେ ବୁଲିଲା ବୁଲଡୋଜର: ମହିଳାଙ୍କୁ ଅପଶବ୍ଦ କହିବା ସହ ଗାଳିଗୁଲଜ କରିଥିବା ଭିଡିଓ ହୋଇଥିଲା ଭାଇରାଲ
କନକ ବ୍ୟୁରୋ: ବିଜେପି ନେତାଙ୍କ ଘରେ ବୁଲିଲା ଯୋଗୀ ସରକାରର ବୁଲଡୋଜର । ଉତର ପ୍ରଦେଶ ନୋଏଡାର ବିଜେପି ନେତା ତଥା ବ୍ୟବସାୟୀ ଶ୍ରୀକାନ୍ତ ତ୍ୟାଗୀଙ୍କ ଘର ଭାଙ୍ଗିଛି ନୋଏଡା ପ୍ରଶାସନ । ଜିଏସଟିର ଏକ ଟିମ୍ ମଧ୍ୟ ଚଢାଉ କରିଥିବା ସୂଚନା ରହିଛି । ଆପାର୍ଟମେଂଟରେ ଗଛ ଲଗାଇବାକୁ ନେଇ ମହିଳାଙ୍କୁ ଶ୍ରୀକାନ୍ତ ତ୍ୟାଗୀ ଅପଶଦ୍ଦ କହିବା ସହିତ ଗାଳି ଗୁଲଜ କରିଥିଲେ । ସରକାର ନିଜ ଦଳର, କିଛି ହେବନି ଭାବି ବୋଧହୁଏ ମନଇଚ୍ଛା ଗାଳି ଗୁଲଜ କରିଥିଲେ ତ୍ୟାଗୀ । ଏବେ କିନ୍ତୁ ନୋଏଡା ପ୍ରଶାସନିକ ଅଧିକାରୀ ତାଙ୍କ ଘରେ ବୁଲଡୋଜର ଚଳାଇଛନ୍ତି । ଯାହାକୁ ପ୍ରଶଂସା କରିଛନ୍ତି ସୋସିଆଇଟି ସଦସ୍ୟ ।
Kanak News is now on WhatsApp
Join and get latest news updates delivered to you via WhatsApp
ସୋଶିଆଲ ମିଡିଆରେ ମହିଳାଙ୍କୁ ଅସଦାଚରଣ କରି ଚର୍ଚ୍ଚାକୁ ଆସିଥିବା ଏହି ବିଜେପି ନେତା ତଥା ବ୍ୟବସାୟୀ ଫେରାର ରହିଛନ୍ତି । ଉତ୍ତରାଖଣ୍ଡରେ ତ୍ୟାଗୀଙ୍କର ବ୍ୟବସାୟ ରହିଛି । ନିକଟରେ ସେ ସିଏନଜି ଲାଇସେନ୍ସ ମଧ୍ୟ ପାଇଛନ୍ତି । ମୋବାଇଲ ଟ୍ରାକ କରି ତ୍ୟାଗୀଙ୍କୁ ଖୋଜୁଛି ୟୁପି ପୋଲିସ । ଉତରାଣ୍ଡରେ ସେ ଥିବା ନେଇ ସୂଚନା ପାଇବା ପରେ ପୋଲିସ ତ୍ୟାଗୀଙ୍କ ନିକଟତର ହୋଇଥିଲା । କିନ୍ତୁ କୌଣସି ପ୍ରକାରେ ପୋଲିସକୁ ଚକମା ଦେଇ ତ୍ୟାଗୀ ଫେରାର ହୋଇଯାଇଛନ୍ତି ବୋଲି ସୂଚନା ରହିଛି ।
ଅନ୍ୟପଟେ ଗୁଣ୍ଡା ଲଗାଇ ତ୍ୟାଗୀ ସଂପୃକ୍ତ ମହିଳାଙ୍କୁ ଧମକ ଦେବାକୁ ପ୍ରୟାସ କରିବା ସହିତ ମହିଳା ଜଣଙ୍କ କେଉଁଠି ରହୁଛନ୍ତି ବୋଲି ଖୋଜିବାକୁ ପ୍ରୟାସ କରୁଛନ୍ତି ବୋଲି ସୋସାଇଟି ସଦସ୍ୟ କହିିଛନ୍ତି ।