କନକ ବ୍ୟୁରୋ: ଅମିତ ଶାହାଙ୍କ ଗସ୍ତକୁ ନେଇ ଗତକାଲି ସନ୍ଧ୍ୟାରୁ ଚଳଚଞ୍ଚଳ ହୋଇପଡିଥିଲା ରାଜଧାନୀ ଭୁବନେଶ୍ୱର । ସ୍ୱାଗତ ପାଇଁ ବିମାନ ବନ୍ଦରରେ ଦଳୀୟ କର୍ମୀଙ୍କ ଭିଡ ଜମିଥିଲା । ରାତି ଅନିଦ୍ରା ହୋଇ ଶାହାଙ୍କ ସ୍ୱାଗତ ପାଇଁ ଅପେକ୍ଷା କରି ରହିଥିଲେ ନେତା ଓ କର୍ମୀ । ଖାଲି ସେତିକି ନୁହେଁ ଅମିତ ଶାହାଙ୍କ ଗସ୍ତକୁ ନେଇ ରାତାରାତି ରାସ୍ତାକୁ ମଧ୍ୟ ସଫା କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ର ଗୃହମନ୍ତ୍ରୀ ତଥା ବିଜେପିର ଚାଣକ୍ୟ କୁହାଯାଉଥିବା ଅମିତ ଶାହାଙ୍କ ଝଲକ ଟିକିଏ ପାଇବା ପାଇଁ ଘଣ୍ଟା ଘଣ୍ଟା ଧରି ଅପେକ୍ଷା କରି ରହିଥିଲେ ଶହ ଶହ ବିଜେପି ନେତା ଓ କର୍ମୀ । ବିମାନବନ୍ଦରରୁ ବାହାରିବା ପରେ ଶାହା ବି ବ୍ୟାରିକେଡ ପାଖକୁ ଆସି କର୍ମୀଙ୍କ ସହ ହାତ ମିଳାଇଥିଲେ । କର୍ମୀଙ୍କୁ ହାତ ହଲାଇ ଅଭିନନ୍ଦନ ଜଣାଇଥିଲେ । ଯାହା କର୍ମୀଙ୍କ ଭିତରେ ଭରି ଦେଇଥିଲା ଜୋସ୍ ।
- ଶାହାଙ୍କ ପାଇଁ ରାତି ଅନିଦ୍ରା
- ଚାହିଁ ରହିଲେ ବିଜେପି କର୍ମୀ
ଅମିତ ଶାହା ଭୁବନେଶ୍ୱରରେ ଯେଉଁ ସମୟରେ ପହଁଚିବା କଥା ତାହା ବିଳମ୍ବ ହୋଇଥିଲା । ସେ ପହଁଚିବା ଯେତିକି ବିଳମ୍ବ ହେଉଥିଲା କର୍ମୀଙ୍କ ମଧ୍ୟରେ ସେତିକି ଉକ୍ରଣ୍ଠା ବଢ଼ୁଥିଲା । କେତେବେଳେ ଆସି ଭୁବନେଶ୍ୱରରେ ପହଁଚିବେ । ରାତି ବଢ଼ି ବଢ଼ି ଚାଲବା ସହ ବଢ଼ି ଚାଲିଥିଲା କର୍ମୀଙ୍କ ଗହଳି । ଏକପ୍ରକାର ଲୋକାରଣ୍ୟ ହୋଇଯାଇଥିଲା ବିମାନବନ୍ଦର ଅଂଚଳ ।
ଅନ୍ୟପଟେ ଶାହାଙ୍କ ଗସ୍ତ ଯୋଗୁଁ ଲିଙ୍ଗରାଜ ମନ୍ଦିରରେ ପ୍ରବଳ ଭିଡ ଦେଖିବାକୁ ମିଳିଥିଲା । ଗୋଟିଏ ପଟେ ଅମିତ ଶାହା ମହାପ୍ରଭୁ ଲିଙ୍ଗରାଜଙ୍କ ଦର୍ଶନ କରିବାର କାର୍ଯ୍ୟକ୍ରମ ଯୋଗୁଁ ୨୦ ମିନିଟ୍ ପର୍ଯ୍ୟନ୍ତ ସାଧାରଣ ଦର୍ଶନ ବନ୍ଦ ରହିିଥିଲା । ଫଳରେ ମନ୍ଦିର ବାହାରେ ବଢ଼ି ଚାଲିଥିଲା ଶ୍ରଦ୍ଧାଳୁଙ୍କ ଭିଡ । ଅନ୍ୟପଟେ ଶ୍ରାବଣ ଶେଷ ସୋମବାର ହୋଇଥିବାରୁ କାଉଡିଆ ଓ ଶ୍ରଦ୍ଧାଳୁଙ୍କ ଭିଡ ବି ପ୍ରବଳ ଥିଲା । ଶାହାଙ୍କ ଦେଖିବା ପାଇଁ ମଧ୍ୟ ବିଜେପି ନେତା ଓ କର୍ମୀ ମନ୍ଦିର ନିକଟରେ ଭିଡ ଜମାଇଥିଲେ । କେବଳ ଏତିକି ନୁହେଁ ଗୃହମନ୍ତ୍ରୀଙ୍କ ଗସ୍ତ ଭୁବନେଶ୍ୱର ଓ କଟକର ଟ୍ରାଫିକ ବ୍ୟବସ୍ଥାକୁ ପ୍ରଭାବିତ କରିଥିଲା ।
ସେପଟେ କଟକରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ନିଜେ ମଞ୍ଚ ତଳକୁ ଓହ୍ଲାଇ ସ୍ୱାଧୀନତା ସଂଗ୍ରାମୀ ଅନୁସ୍ୱୟା ପ୍ରସାଦ ପାଠକଙ୍କ ପତ୍ନୀ ବୀନିତା ପାଠକଙ୍କୁ ସମ୍ବର୍ଦ୍ଧିତ କରିଥିଲେ । ଉତ୍ତରୀୟ ଓ ମାନପତ୍ର ଦେଇ ତାଙ୍କୁ ସମ୍ମାନିତ କରିଥିଲେ ।