କନକ ବ୍ୟୁରୋ : ସଲମାନ ଖାନଙ୍କୁ ହତ୍ୟା କରିଥାନ୍ତା ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇଙ୍କ ଗ୍ୟାଙ୍ଗ । ଏନେଇ ଲରେନ୍ସ ୪ ଲକ୍ଷ ଟଙ୍କା ବିନିମୟରେ ଏକ ବନ୍ଧୁକ କିଣିଥିବା କଥା ପୋଲିସ ଆଗରେ ସ୍ୱୀକାର କରିଛି । ଲରେନ୍ସଙ୍କ କହିବା ମୁତାବକ ୨୦୧୮ ମସିହାରେ ସେ ସଲମାନ ଖାନଙ୍କୁ ହତ୍ୟା କରିବାକୁ ସମ୍ପୂର୍ଣ୍ଣ ଯୋଜନା ପ୍ରସ୍ତୁତ କରିଥିଲା । ଏନେଇ ସେ ଏକ ସ୍ୱତନ୍ତ୍ର ବନ୍ଧୁକ ବି କିଣିଥିବା କଥା ପୋଲିସ ଆଗରେ କହିଛି । ଏନେଇ ତାକୁ ୪ ଲକ୍ଷ ଟଙ୍କା ଦେବାକୁ ପଡିଥିଲା ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ପଞ୍ଜାବୀ ଗାୟକ ସିଦ୍ଧୁ ମୁସେୱାଲାଙ୍କ ହତ୍ୟା ପରେ ପୋଲିସ ହେପାଜତରେ ରହିଛି ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇ । ଏହାପୂର୍ବରୁ ସେ ଦିଲ୍ଳୀ ପୋଲିସ ତାକୁ ପଚରା ଉଚରା କରିଥିଲା । ଦିଲ୍ଲୀ ପୋଲିସର ସ୍ୱତନ୍ତ୍ର ସେଲ ତରଫରୁ ଏକ ଜାତୀୟ ଗଣମାଧ୍ୟମକୁ ମିଳିଥିବା ସୂଚନା ମୁତାବକ ଲରେନ୍ସ ସଲମାନ ଖାନଙ୍କୁ ହତ୍ୟା କରିବା ପାଇଁ କାହିଁକି ଯୋଜନା କରିଥିଲା ତାହା ମଧ୍ୟ କହିଛି । ଲରେନ୍ସ କହିବା ମୁତାବକ କଳା ହରୀଣ ହତ୍ୟା ପରେ ସେ ସଲମାନଙ୍କ ଉପରେ ରାଗିଥିଲେ । କାରଣ ହରିଆଣା, ରାଜସ୍ଥାନ ଓ ପଞ୍ଜାବରେ ଥିବା ବିଷ୍ଣୋଇ ଗ୍ୟାଙ୍ଗର ଲୋକମାନେ କଳା ହରୀଣକୁ ଖୁବ ଭଲ ପାଉଥିଲେ ।
ପୋଲିସର ପଚରା ଉଚରା ବେଳେ ଲରେନ୍ସ କହିଛି କି ଏହି କାରଣରୁ ସେ ସଲମାନଙ୍କୁ ହତ୍ୟା କରିବାକୁ ଯୋଜାନ କରିଥିଲା । ଏନେଇ ସେ ରାଜଗଡରେ ରହୁଥିବା ସମ୍ପତ ନେହରାଙ୍କୁ ମେସେଜ ପଠାଇଥିଲା । ହେଲେ ନେହରାଙ୍କ ପାଖରେ କେବଳ ଗୋଟିଏ ରାଇଫଲ ଥିଲା, ଯାହା କି ଦୂରରୁ ଟାର୍ଗେଟ କରିବା ସମ୍ଭବ ନଥିଲା । ଏଣୁ ଦରରୂ ସଲମାନଙ୍କୁ ହତ୍ୟା କରିବା ପାଇଁ ଲରେନ୍ସ ୪ ଲକ୍ଷ ଟଙ୍କା ବିନିମୟରେ ଏକ ସ୍ୱତନ୍ତ୍ର ବନ୍ଧୁକ କିଣିଥିଲା ।