‘ଆଉ ରାଜନୀତି କରିବିନି କିନ୍ତୁ ଶେଷ ଯାଏଁ ଲୋକଙ୍କ ସେବା କରିବି । ମୋର ସବୁ ସମ୍ପତ୍ତି ଟ୍ରଷ୍ଟକୁ ଦାନ କରିଦେବି’ : ରାସେଶ୍ୱରୀ ପାଣିଗ୍ରାହୀ
କନକ ବ୍ୟୁରୋ: ଆଜି ବିଜେଡିକୁ ଲାଗିଛି ଝଟକା । ସମ୍ବଲପୁରର ପୂର୍ବତନ ବିଧାୟିକା ତଥା ଲୋକପ୍ରିୟ ନେତା ରାସେଶ୍ୱରୀ ପାଣିଗ୍ରାହୀ ବିଜେଡିରୁ ଇସ୍ତଫା ଦେଇଛନ୍ତି । ଆଉ କାହିଁକି ଦଳ ଛାଡିଲେ ସେ ନେଇ ସାମ୍ବାଦିକ ସମ୍ମିଳନୀରେ ନିଜ ମନର କ୍ଷୋଭ ପ୍ରକାଶ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସାମ୍ବାଦିକ ସମ୍ମିଳନୀରେ ରାସେଶ୍ୱରୀ କହିଛନ୍ତି, ମୁଁ ୨୦୧୪ରୁ ୨୦୧୯ ଯାଏଁ ବିଧୟିକା ଥିବାବେଳେ ଲୋକଙ୍କ ବିକାଶ ପାଇଁ କାମ କରିଛି । ଲୋକଙ୍କ ସେବା ପାଇଁ ମୋତେ ଦିନ ରାତି ଦେଖାଯାଏନି । ଏହି ଲୋକସେବା ଦେଖି ମୋତେ ଦଳ ସ୍ୱାଗତ କରି ୨୦୧୪ରେ ଟିକେଟ୍ ଦେଇଥିଲା । ହେଲେ ଏବେ ଦଳ ସମ୍ବଲପୁରକୁ ଅଣଦେଖା କରିଛିି । ଏଠିକାର ପ୍ରାର୍ଥୀଙ୍କୁ ଟିକେଟ୍ ନଦେଇ ଅନ୍ୟ ସ୍ଥାନର ପ୍ରାର୍ଥୀଙ୍କୁ ଏଠାରୁ ପ୍ରାର୍ଥୀ କଲେ । ମୁଁ ସବୁବେଳେ ସମ୍ବଲପୁର ମାଟି ପାଇଁ କାମ କରିଛି । ମୋର କୌଣସି ବ୍ୟକ୍ତିଗତ ସ୍ୱାର୍ଥ ନାହିଁ । ଯେତେବେଳେ ଆମର କାର୍ଯ୍ୟକୁ ଅଣଦେଖା କରି ଅନ୍ୟ କାହାକୁ ଟିକେଟ୍ ଦିଆଗଲା ସମ୍ବଲପୁରର ଗାରୀମାକୁ ବେଖାତିର କରାଯାଇଛି । ଯାହା ମୋତେ ଭାରୀ କଷ୍ଟ ଦେଇଛି । ତେଣୁ ମୁଁ ଦଳରୁ ଇସ୍ତଫା ଦେଇଛି ।
ଯେହେତୁ ସେବା ମୋର ଲକ୍ଷ୍ୟ ତେଣୁ ଦଳରେ ଥିଲି ଲୋକଙ୍କ କାମ କରୁଥିଲି । ଶେଷ ଯାଏଁ ଲୋକଙ୍କ ସେବା କରିବି । ରାଜନୀତି ମୋର ଲକ୍ଷ୍ୟ ନଥିଲା । ତେଣୁ ବିଜେଡିରୁ ଇସ୍ତଫା ଦେବା ପରେ ମୋର ଆଉ କେଉଁ ଦଳକୁ ଯିବାର ନାହିଁ । ମୁଁ ଗରୀବ ମେଧାବୀ ଛାତ୍ରଛାତ୍ରୀଙ୍କ ପାଇର୍ ଏକ ଟ୍ୟ୍ଷଯ କରି ସେମାନଙ୍କୁ ସାହାଯ୍ୟ କରିଆସୁଛି । ତେଣୁ ରାଜନୀତି ନକଲେ ବି ଶେଷ ଯାଏଁ ଲୋକଙ୍କୁ ସାହାଯ୍ୟ କରିବି । ମୋର ଯାହାବି ସମ୍ପତ୍ତି ଅଛି ସେସବୁୁ ମୁଁ ମୋ ଅନ୍ତେ ଛାତ୍ରଛାତ୍ରୀଙ୍କ ପାଇଁ ଟ୍ରଷ୍ଟକୁ ଦାନ କରିବି ବୋଲି କହିଛନ୍ତିି ରାସେଶ୍ୱରୀ ପାଣିଗ୍ରାହୀ ।