ଶାହାରୁଖଙ୍କୁ ପଛରେ ପକାଇଲେ ବିରାଟ ! ଦେଶର ସବୁଠାରୁ ବଡ଼ ବ୍ରାଣ୍ଡ ହେଲେ ଭାରତର ରେକର୍ଡ ମ୍ୟାନ ।
ବଲିଉଡରେ ଆକ୍ଟର ହୁଅନ୍ତୁ କିମ୍ବା କ୍ରିକେଟର ନେମ ଏବଂ ଫେମରେ କିଏ କାହାଠାରୁ ମଧ୍ୟ କମ ନୁହଁନ୍ତି । ସବୁବେଳେ ଏ ସମସ୍ତେ କିଛି ନା କିଛି କାରଣକୁ ନେଇ ଚର୍ଚ୍ଚାରେ ରହିଥାନ୍ତି । ସେହିଭଳି ଘଟଣା ଦେଖାଦେଇଛି ବିରାଟ ଏବଂ ଶାହାରୁଖଙ୍କ ନିକଟରେ । ଭାରତର କ୍ରିକେଟ ଟିମର କ୍ୟାପଟେନ ବିରାଟ କୋହଲି ବଲିଉଡର ବାଦଶାହ ଶାହାରୁଖ ଖାନଙ୍କୁ ପଛରେ ପକାଇ ଦେଶର ସବୁଠାରୁ ବଡ଼ ସେଲିିବ୍ରିଟି ଭାଲ୍ୟୁର କ୍ରାଉନକୁ ନିଜ ନାଁରେ କରିଛନ୍ତି । ତାଙ୍କ ଭାଲ୍ୟୁ ୟୁଏସ ଡଲାରରେ ୧୪୪ ମିଲିୟନ ହୋଇସାରିଛି । ଏକ ରିପୋର୍ଟ ଅନୁସାରେ ବିରାଟ କୋହଲିଙ୍କ ଦାମ ପୂର୍ବ ବର୍ଷ ଅପେକ୍ଷା ଏ ବର୍ଷ ୫୬ ପ୍ରତିଶତକୁ ବୃଦ୍ଧି ହୋଇଛି । ଏଭଳି ଦାମ ବଢିବାର କାରଣ ହେଉଛି ପଡିଆରେ ଭଲ ପ୍ରଦର୍ଶନ ଏବଂ ଲୋକପ୍ରିୟତା ।
Kanak News is now on WhatsApp
Join and get latest news updates delivered to you via WhatsApp
ଭାରତ,ଜାପାନ ଏବଂ ଦକ୍ଷିଣ ପୂର୍ବ ଏସିଆର ମ୍ୟାନେଜିଙ୍ଗ ଡାଇରେକ୍ଟର ଏବଂ ସିଜନ ଲିଡର ବରୁଣ ଗୁପ୍ତାଙ୍କ କହିବା ଅନୁସାରେ ଯେବେଠାରୁ ସେ ତାଙ୍କର ରାକିଂଙ୍ଗ ପ୍ରକାଶ କରିଛନ୍ତି ସେହି ଦିନଠାରୁ ପ୍ରଥମେ ବିରାଟ କୋହଲି ଶାହାରୁଖ ଖାନଙ୍କୁ ରିପ୍ଲେସ କରିଛନ୍ତି । କୋହଲି ଗ୍ରାହକଙ୍କୁ କୌଣସି ବ୍ରାଣ୍ଡ ସହିତ ଏନଗେଜ ଏବଂ ଆକର୍ଷିକ କରୁଥିବା ପ୍ରଥମ ପସନ୍ଦ ହୋଇ ସାରିଛନ୍ତି । ଏହି କାରଣରୁ ସେ ଫିଲ୍ଡରେ ଏବଂ ଫିଲ୍ଡ ବାହାରେ ପ୍ରଶଂସିତ ହେଉଛନ୍ତି । ଏବେ ଶାହାରୁଖ ଖାନ ଦି୍ୱତୀୟ ସ୍ଥାନକୁ ଆସି ଯାଇଛନ୍ତି । ତାଙ୍କର ବ୍ରାଣ୍ଡ ଭାଲ୍ୟୁ ୟୁଏସ ଡଲାର ଅନୁସାରେ ୧୦୬ ମିଲିୟନ ହୋଇ ସାରିଛି ।
୨୦୧୬ ଅନୁସାରେ ତାଙ୍କ ବ୍ରାଣ୍ଡ ଭାଲ୍ୟୁରେ ୨୦ ପ୍ରତିଶତ ହ୍ରାସ ହୋଇଛି । ତୃତୀୟ ସ୍ଥାନରେ ଅଛନ୍ତି ଦୀପିକା ପାଦୁକୋନ ଏବଂ ତାଙ୍କ ବ୍ରାଣ୍ଡ ଭାଲ୍ୟୁ ହେଉଛି ୯୩ ପ୍ରତିଶତ । ଅକ୍ଟୋବର ୨୦୧୭ ପର୍ଯ୍ୟନ୍ତ ବିରାଟ ୨୦ ବ୍ରାଣ୍ଡସକୁ ସମର୍ଥନ କରୁଥିଲେ । ସେହି ସମୟରେ ଶାହାରୁଖ ଏବଂ ଦୀପିକାଙ୍କ ପାଖରେ ୨୧ ଏବଂ ୨୩ଟି ବ୍ରାଣ୍ଡ ରହିଛି । ଅକ୍ଷୟଙ୍କ ପାଖକୁ ୭ଟି ନୂଆ ଉତ୍ପାଦ ଆସିଛି ଏବଂ ତାଙ୍କ ବ୍ରାଣ୍ଡ ଭାଲ୍ୟୁ ୯୭ ପ୍ରତିଶତକୁ ବୃଦ୍ଧି ହୋଇଛି । ୨୦୧୭ ଅନୁସାରେ ତାଙ୍କ ବ୍ରାଣ୍ଡ ଭାଲ୍ୟୁ ୟୁଏସ ଡଲାର ଅନୁସାରେ ୪୭ ପ୍ରତିଶତ ରହିଥିଲା । ତେବେ ପି.ଭି. ସିନ୍ଧୁ ଟପ ୧୫ ସେଲିବ୍ରିଟିଙ୍କ ମଧ୍ୟରେ ନିଜକୁ ସାମିଲ କରିପାରିଛନ୍ତି ।