ଚୀନ ରାଷ୍ଟ୍ରପତିଙ୍କ ଏକଛତ୍ରବାଦୀ ନୀତି । ବୈଠକରୁ ବିଦା ହେଲେ ପୂର୍ବ ରାଷ୍ଟ୍ରପତି, ପ୍ରଧାନମନ୍ତ୍ରୀଙ୍କ ମୁହଁ ଚୁପ୍
କନକ ବ୍ୟୁରୋ : ଚୀନ କମ୍ୟୁନିଷ୍ଟ ପାର୍ଟିର ୨୦ ତମ କଂଗ୍ରେସରେ ଜିନପିଙ୍ଗଙ୍କୁ ତୃତୀୟ ଥର ରାଷ୍ଟ୍ରପତି କରିବା ନେଇ ନିଷ୍ପତ୍ତି ହୋଇଛି । ହେଲେ ବୈଠକରେ ଯେଉଁ ଡ୍ରାମା ଦେଖିବାକୁ ମିଳିଛି ତାହା ଜିନପିଙ୍ଗଙ୍କ ଏକଛତ୍ରବାଦ ଶାସନକୁ ପଦାରେ ପକାଇଛି । ଚୀନର ପୂର୍ବତନ ରାଷ୍ଟ୍ରପତି ହୁ ଜିତାଓଙ୍କୁ ବୈଠକରୁ ଜୋର ଜବରଦସ୍ତ ବାହାର କରିଦିଆଯାଇଥିବାର ଦେଖିବାକୁ ମିଳିଛି । ଯେତେବେଳେ ତାଙ୍କୁ ବୈଠକରୁ ବାହାର କରାଗଲା ଠିକ୍ ସେତିକି ବେଳେ ଚୀନର ଗ୍ରେଟ୍ ହଲରେ ସମାପନ ସମାରୋହ ଚାଲିଥିଲା । ଏହି ଘଟଣାର ଭିଡିଓ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ଭିଡିଓରେ ଦେଖିବାକୁ ମିଳିଛି କି ସୁରକ୍ଷା କର୍ମୀମାନେ ଜି ଜିତାଓଙ୍କ ହାତ ଧରି ତାଙ୍କୁ ଜୋର ଜବରଦସ୍ତ ବୈଠକ ହଲରୁ ବାହାରକୁ ବାହାର କରିଦେଉଛନ୍ତି । ହେଲେ କେଉଁ କାରଣରୁ ତାଙ୍କୁ ବୈଠକରୁ ଜୋର ଜବରଦସ୍ତ ବାହାର କରାଗଲା ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ ।
କେବଳ ସେତିକି ନୁହେଁ ପାର୍ଟି କଂଗ୍ରେସ ପରେ ସି ଜିନପିଙ୍ଗଙ୍କ ଘୋର ବିରୋଧୀ କୁହାଯାଉଥିବା ପ୍ରଧାନମନ୍ତ୍ରୀ ଲି କେକିଆଙ୍ଗଙ୍କୁ ଦଳର କେନ୍ଦ୍ରୀୟ କମିଟିରୁ ବାହାର କରିଦିଆଯାଇଛି । ପାର୍ଟି କଂଗ୍ରେସରେ ନିଷ୍ପତ୍ତି ନିଆଯାଇଛି କି, ଚୀନର ପ୍ରଧାନମନ୍ତ୍ରୀ ଲି.କେକିଆଙ୍ଗଙ୍କୁ କମ୍ୟୁନିଷ୍ଟ ପାର୍ଟିର ମୁଖ୍ୟ ନେତୃତ୍ୱ ସେଣ୍ଟ୍ରାଲ କମିଟିରୁ ବାହାର କରିଦିଆଯିବ ।
କହିରଖୁ କି ଚୀନ କମ୍ୟୁନିଷ୍ଟ ପାର୍ଟିର ୨୦ ତମ କଂଗ୍ରେସ ପୂର୍ବରୁ ଆକଳନ କରାଯାଉଥିଲା କି, ରାଷ୍ଟ୍ରପତି ସି.ଜିନପିଙ୍ଗଙ୍କ ବ୍ୟତୀତ ଦଳର ଶୀର୍ଷ ନେତୃତ୍ୱରେ ବଡ ପରିବର୍ତ୍ତନ କରାଯିବ । ଯାହା କି ଆଜିର ବୈଠକରେ ଦେଖିବାକୁ ମିଳିଛି ।