ସୋସିଆଲ୍ ମିଡିଆରେ ଅନେକ ଦିନ ପର୍ଯ୍ୟନ୍ତ ରାଜ୍ କରିଥିବା ‘ସୋନମ୍ ଗୁପ୍ତା’ ଏବେ ପୁଣି ଥରେ ଚର୍ଚ୍ଚାରେ । କାରଣ ଗୁଗୁଲରେ ସର୍ବାଧିକ ଖୋଜା ଯାଇଥିବା ବ୍ୟକ୍ତିତ୍ୱଙ୍କ ମଧ୍ୟରେ ୩ୟ ସ୍ଥାନରେ ଅଛନ୍ତି ଏହି ବେୱଫା ।ଏପରିକି ଅଲିମ୍ପିକ ମେଡାଲ୍ ଜିତିଥିବା ସାକ୍ଷୀ ମଲ୍ଲିକ ଓ ବଲିଉଡ୍ ଅଭିନେତ୍ରୀ ଦିଶା ପଟାନୀ ମଧ୍ୟ ଏହି ତାଲିକାରେ ସୋନମଙ୍କ ପଛରେ ରହି ଯାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିମୁଦ୍ରାକରଣ ପରେ ‘ସୋନମ୍ ଗୁପ୍ତା ବେୱଫା ହୈ’ ଲେଖା ହୋଇଥିବା ୧୦ଟଙ୍କିଆ ନୋଟ୍ ସୋସିଆଲ୍ ମିଡିଆରେ ଖୁବ୍ ଭାଇରାଲ୍ ହୋଇଥିଲା । ଆଉ ଏହି ବେୱଫାଙ୍କ ବିଷୟରେ ଜାଣିବା ପାଇଁ ଲୋକେ ଗୁଗୁଲରେ ଅନେକ ଖୋଜିଥିଲେ । ଯାହା ଫଳରେ ତାଙ୍କ ନାମ ଏହି ଟ୍ରେଡିଙ୍ଗ୍ ତାଲିକାର ୩ୟ ସ୍ଥାନକୁ ଚାଲିଆସିଛି ।
ଗୁଗୁଲ୍ ଇଣ୍ଡିଆ ପ୍ରକାଶ କରିଥିବା ୨୦୧୬ର ଟପ୍ ୧୦ ଜଣ ବ୍ୟକ୍ତିତ୍ୱଙ୍କ ଏହି ତାଲିକାର ପ୍ରଥମ ସ୍ଥାନରେ ଅଛନ୍ତି ଆମେରିକାର ନବ ନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍, ଦ୍ୱିତୀୟ ସ୍ଥାନରେ ଅଛନ୍ତି ପି.ଭି ସିନ୍ଧୁ । ୩ୟ ସ୍ଥାନରେ ସୋନମ୍ ଗୁପ୍ତା ଥିବା ବେଳେ ସାକ୍ଷୀ ମଲ୍ଲିକ ଓ ଦିଶା ପଟାନୀ ଯଥାକ୍ରମେ ୪ର୍ଥ ଓ ୫ମ ସ୍ଥାନରେ ଅଛନ୍ତି ।