କଳିଯୁଗ ପୁଅର କଳାକାରନାମା ! ବାପା ମା’ଙ୍କ ଅନ୍ତରଙ୍ଗ ମୁହୂର୍ତ୍ତର ଭିଡିଓ କରି ପଠାଇଲା ସାଙ୍ଗକୁ
ନିଜ ବାପା ମା’ଙ୍କ ଅନ୍ତରଙ୍ଗ ମୁହୂର୍ତ୍ତର ଭିଡିଓ କରି ଫେସବୁକର ଜଣେ ସାଙ୍ଗ ପାଖକୁ ପଠାଇଲା ପୁଅ । ଘଟଣାଟି ଘଟିଛି ବେଙ୍ଗାଲୁରୁରେ । ଏବେ ଅଭିଯୋଗ ନେଇ ସାଇବର୍ କ୍ରାଇମ୍ ପୁଲିସର ଦ୍ୱାରସ୍ଥ ହୋଇଛନ୍ତି ଦମ୍ପତି ।
Kanak News is now on WhatsApp
Join and get latest news updates delivered to you via WhatsApp
ଦମ୍ପତିଙ୍କ ଅଭିଯୋଗ ଅନୁଯାୟୀ, ତାଙ୍କ ୧୩ ବର୍ଷିୟ ପୁଅ ଫେସ୍ବୁକ୍ ଆକାଉଣ୍ଟ୍ ଖୋଲିବା ପରେ ଜୁନ୍ ୨୦୧୬ରେ ‘ତେଜଲ୍ ପଟେଲ୍’ ପ୍ରୋଫାଇଲ୍ ନାଁରେ ଏକ ଫ୍ରେଣ୍ଡ୍ ରିକ୍ୱେଷ୍ଟ୍ ଆସିଥିଲା । ତେଜଲ୍ ନାମକ ଏହି ପିଲା ତାଙ୍କ ପୁଅ ସହ ଧୀରେ ଧୀରେ ଅଶ୍ଳୀଳ ଚାଟ୍ ଆରମ୍ଭ କରିଥିଲା । ଏହା ସହ ଅଶ୍ଳୀଳ ଭିଡିଓ, ଚାଇଲ୍ଡ୍ ପର୍ଣ୍ଣଗ୍ରାଫି କଟେଂଟ୍ ତାକୁ ପଠାଇବାକୁ ଲାଗିଲା ତେଜଲ୍ । ଏସବୁ ଏପ୍ରିଲ୍ ୨୦୧୭ ଶେଷ ପର୍ଯ୍ୟନ୍ତ ଚାଲିଥିଲା । ଧୀରେ ଧୀରେ ଉଭୟ ଫୋନରେ କଥା ହେବା ଆରମ୍ଭ କଲେ । ଏହା ଭିତରେ ତେଜଲ୍ ତାଙ୍କ ପୁଅକୁ ପରିବାର ସଦସ୍ୟ ଓ ବାପାମାଆଙ୍କ ନ୍ୟୁଡ୍ ଫଟୋ ଓ ଭିଡିଓ ପଠାଇବାକୁ କହିଥିଲା।
ପ୍ରଥମେ ଅରାଜି ଥିବା ପୁଅ କୌଣସିମତେ ବାପାମାଆଙ୍କ ଅନ୍ତରଙ୍ଗ ମୁହୂର୍ତ୍ତର ଭିଡିଓ ଉତ୍ତୋଳନ କରି ତେଜଲ୍ ପାଖକୁ ପଠାଇ ଦେଇଥିଲା । ଏବେ ଭିଡିଓ ପାଇବା ପରେ ବ୍ଲାକ୍ମେଲର୍ ପାଲଟି ଗଲା ତେଜଲ୍ । କୌଣସିମତେ ନାବାଳକର ପୁଅ ଠାରୁ ବାପା ମାଙ୍କ ନମ୍ବର ନେଇ ୧ କୋଟି ଟଙ୍କା ମାଗିଥିଲା । ନ ଦେଲେ ଫଟୋ ଓ ଭିଡିଓ ଆଡଲ୍ଟ୍ ୱେବ୍ସାଇଟ୍ରେ ଅପ୍ଲୋଡ୍ କରିଦେବା ଧମକ ଦେଲା ।
ତେବେ ପରିସ୍ଥିତିର ଗାମ୍ଭୀର୍ଯ୍ୟ ବୁଝିପାରି ପୁଅ ବାପାମାଆଙ୍କୁ ସବୁକଥା ଫିଟାଇ କହିଥିଲା । ଅଭିଯୋଗ ପରେ ପୁଲିସ ଆଇପି ଆଡ୍ରେସ୍ ଜରିଆରେ ଅଭିଯୁକ୍ତଙ୍କୁ ଠାବ କରିବାକୁ ଉଦ୍ୟମ କରୁଛି ।