ଭତ୍ତା ପାଇଁ ଶିକାରେ ନଈ ପାର ହେଲେ ବୃଦ୍ଧ। କେନ୍ଦ୍ରାପଡ଼ା ରାଜନଗରରୁ ଆସିଲା କରୁଣ ଦୃଶ୍ୟ । ବ୍ୟାଙ୍କରୁ ନିରାଶ ହୋଇ ଫେରିଲେ ୮୮ ବର୍ଷୀୟ ବୃଦ୍ଧା ।
କନକ ବ୍ୟୁରୋ: ଭତ୍ତା ପାଇଁ ଦାରୁଣ ଦୁଃଖ । କେନ୍ଦ୍ରାପଡା ଜିଲ୍ଲାରୁ । ଭତ୍ତା ପାଇଁ ଜଣେ ୮୮ ବର୍ଷିୟ ବୃଦ୍ଧଙ୍କୁ ଶିକାର ଭାର କରି ନିଆଯାଉଛି । ଶିକାରେ ନଈ ପାର କରିନେଉଥିବାର ଭିଡିଓ କ୍ୟାମେରାରେ କଏଦ ହୋଇଛି । କେନ୍ଦ୍ରାପଡା ଜିଲ୍ଲା ଆଳି ବ୍ଲକର ଏକମାଣିଆ ପଂଚାୟତରୁ ଆସିଛି ଏଭଳି ଚିତ୍ର । ଏ ବୃଦ୍ଧ ଜଣଙ୍କ ହେଉଛନ୍ତି ଗଙ୍ଗାଧର ପରିଡା । ପରିବାର ଲୋକଙ୍କ ବିନା ସହଯୋଗରେ ସେ ନିତ୍ୟକର୍ମ ବି କରିପାରନ୍ତି ନାହିଁ । ହେଲେ ଭତ୍ତା ପାଇଁ ତାଙ୍କୁ ଭାରରେ ବୁହା ହୋଇ ବ୍ୟାଙ୍କ ଯିବାକୁ ପଡୁଛି । ହେଲେ ବ୍ୟାଙ୍କ ବନ୍ଦ ଥିବାରୁ ତାଙ୍କୁ ନିରାଶ ହୋଇ ଫେରିବାକୁ ପଡିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
କେବଳ ଏହି ବୃଦ୍ଧ ନୁହଁନ୍ତି ଏମାନଙ୍କ ଭଳି ଅନେକ ବରିଷ୍ଠ ଲୋକ ଭତ୍ତା ପାଇଁ ବିଭିନ୍ନ ଅସୁବିଧାର ସମ୍ମୁଖୀନ ହେଉଥିବା ଦେଖିବାକୁ ମିଳିଛି । ସବୁଠୁ ବଡ କଥା ହେଉଛି ଏମାନେ ଏତେ କଷ୍ଟରେ ବ୍ୟାଙ୍କରେ ପହଞ୍ଚିିବା ପରେ ବ୍ୟାଙ୍କ ବନ୍ଦ ଥିବା ଜାଣିବାକୁ ପାଇଥିଲେ । ଫଳରେ ନିରାଶ ହୋଇ ଘରକୁ ଫେରିବାକୁ ପଡିଥିଲା । ଏହି ପଞ୍ଚାୟତର ଶତାଧିକ ହିତାଧିକାରୀ ଭତ୍ତା ପାଇଁ ଏଭଳି ଅସୁବିଧାର ସାମ୍ନା କରୁଛନ୍ତି । ଅସହାୟ ଲୋକଙ୍କ ଘରେ ଭତା ପହଞ୍ଚାଇବାକୁ ସରକାର ବାରମ୍ବାର କହୁଥିଲେ ବି ସରକାରୀ କର୍ମଚାରୀ ଏହାକୁ ଖାତିର କରୁନାହାଁନ୍ତି । ଯେଉଁଥିପାଇଁ ଏଭଳି ଦୃଶ୍ୟ ଦେଖିବାକୁ ମିଳିଛିି । କିଛି ଦିନ ହେବ ନବରଙ୍ଗପୁରରେ ଜଣେ ୭୧ ବର୍ଷିୟ ବୃଦ୍ଧ ଭତ୍ତା ପାଇଁ ଚଉକି ଧରି ଯାଉଥିବାର ଖବର ଆସିଥିଲା ।