୫-ଟି କାର୍ଯ୍ୟ କହି ମାଟି ଚାଲାଣ ହେଉଥିବା ଅଭିଯୋଗ: ରାତିରେ ଜେସିବି, ଟ୍ରାକ୍ଟର ଲଗାଇ ସରକାରୀ ଜମିରୁ ମାଟି ଉଠାଉଛନ୍ତି ମାଫିଆ
କନକ ବ୍ୟୁରୋ: ୫ଟି କାର୍ଯ୍ୟ ନାଁ ଲୁଟ ହେଉଛି ମାଟି । ଧିରେ ଧିରେ ଲୋପ ପାଉଛି ଗୋଚର ଜମି । ସରକାରୀ କାମର ଆଳ ଦେଖାଇ ଲୋକଙ୍କୁ ଭୂଆଁ ବୁଲାଉଛନ୍ତି ମାଟି ମାଫିଆ । ନିରୀହ ଗ୍ରାମବାସୀଙ୍କୁ ନାଲି ଆଖି ଦେଖାଇ ରାତି ଅଧିଆ ଚାଲାଣ ହେଉଛି ମାଟି । ଜେସିବି, ଟ୍ରାକ୍ଟର ଲଗାଇ ସରକାରୀ ଜାଗାରୁ ହେଉଛି ବେଆଇନ ମାଟି ଚାଲାଣ । ଏଭଳି ଘଟଣା ଦେଖିବାକୁ ମିଳିଛି ବାଲେଶ୍ୱର ଜିଲ୍ଲା ବସ୍ତା ତହସିଲ ଅନ୍ତର୍ଗତ ନଟାକେଶ ମୌଜାରେ । ଗ୍ରାମବାସୀମାନେ ମାଟି ଉଠାଇବାକୁ ବିରୋଧ କରିବାରୁ ମାଫିଆମାନେ ଏହି ମାଟି ୫ଟି ଯୋଜନାରେ ନିର୍ମାଣ ହେଉଥିବା ସ୍ମାର୍ଟ ସ୍କୁଲକୁ ଯାଉଛି ବୋଲି କହି ଲୋକଙ୍କୁ ଭୁଆଁ ବୁଲାଇଥିବା ଅଭିଯୋଗ ହୋଇଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ନଟାକେଶ ଗ୍ରାମରେ ଅଧିକାଂଶ ଲୋକ ଗରିବ ସୀମାରେଖା ତଳେ ବସବାସ କରୁଥିବାରୁ ରାଜ୍ୟ ସରକାରଙ୍କ ମିଶନ ଶକ୍ତି ଯୋଜନାରେ ଋଣ ଆଣି ଗାଇ ଓ ଛେଳି ଚାଷ କରିଛନ୍ତି । ଏହି ଗାଈ ଓ ଛେଳିମାନଙ୍କୁ ଗ୍ରାମର ଗୋଚର ଜମି ପଡିଆରେ ଚରାଇଥାନ୍ତି । ହେଲେ ମାଫିଆମାନେ ଉକ୍ତ ଗୋଚର ପଡିଆକୁ ଖୋଳି ନେଉଥିବାରୁ ସେମାନେ ଗ୍ରାମବାସୀମାନେ ଗାଈ, ଛେଳି ଚରାଇବା ନେଇ ଚିନ୍ତାରେ ପଡିଯାଇଛନ୍ତି ।
ଯଦି ଏବାବଦରେ ପ୍ରଶାସନ କୌଣସି ପଦକ୍ଷେପ ନ ନିଅନ୍ତି, ତେବେ ସେମାନେ ଆଣିଥିବା ୠଣ ସୁଜିବେ ନାହିଁ ବୋଲି ଚେତାବନୀ ଦେଇଛନ୍ତି । ଏପଟେ ଜମିରୁ ମାଟି ଖୋଲିବା ପାଇଁ ତହସିଲ ପକ୍ଷରୁ କୌଣସି ଅନୁମତି ଦିଆଯାଇ ନାହିଁ କହିଛନ୍ତି ବସ୍ତା ତହସିଲଦାର । ରାଜସ୍ୱ ବିଭାଗ ଘଟଣାର ନିରପେକ୍ଷ ତଦନ୍ତ କରି ଅଭିଯୁକ୍ତଙ୍କ ବିରୋଧରେ କାର୍ଯ୍ୟନୁଷ୍ଠାନ ନେବା ପାଇଁ ସ୍ଥାନୀୟ ଅଂଚଳରେ ଦାବି ହୋଇଛି ।