କିଛି ପ୍ରଭାବ ପକାଇ ପାରିବ ନାହିଁ ବିରୋଧୀଙ୍କ ମହାମେଣ୍ଟ : ପୁଣି ବିଜୟ ହାସଲ କରିବ ବିଜେପି, ରାଷ୍ଟ୍ରୀୟ ଅଧ୍ୟକ୍ଷଙ୍କ ଦୃଢ଼ୋକ୍ତି
କନକ ବ୍ୟୁରୋ : ୨୦୧୯ରେ ବିଜେପିର ବିଜୟ ସୁନିଶ୍ଚିତ । ଏକଥା ଆମେ ନୁହେଁ, ଏକଥା କହିଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ । ଅମିତ ଶାହ ବାରାଣାସୀରେ ଆୟୋଜିତ ‘ସୋସିଆଲ ମିଡ଼ିଆ ଭଭ୍ୟୁଂଟର ମିଟ’ରେ କାର୍ଯ୍ୟକର୍ତ୍ତାଙ୍କୁ ଆହ୍ନାନ ଦେଇଛନ୍ତି । ଅମିତ ଶାହା ଉକ୍ତ କାର୍ଯ୍ୟକ୍ରମରେ ଯୋଗଦେବା ସହ କହିଛନ୍ତି ବିଜେପିକୁ ହରାଇବା ପାଇଁ ହେଉଥିବା ମହାମେଂଟ ଦଳର ନିର୍ବାଚନ ପ୍ରଚାରରେ କୌଣସି ପ୍ରଭାବ ପକାଇ ପାରିବ ନାହିଁ । ଏପରିକି ୨୦୧୯ରେ ବିଜେପି ପୁଣି ବିଜୟ ହାସଲ କରିବ ବୋଲି ଦୃଢ଼ୋକ୍ତି କରିଛନ୍ତି । ସୋସିଆଲ ମିଡ଼ିଆକୁ ସବୁଠାରୁ ଶକ୍ତ ତଥା ମୁଖ୍ୟ ଅସ୍ତ୍ର ବୋଲିି କହିଛନ୍ତି ଶାହ । ଏହା ବ୍ୟତୀତ ଉକ୍ତ କାର୍ଯ୍ୟକ୍ରମରେ କାର୍ଯ୍ୟକର୍ତ୍ତାଙ୍କୁ ସୋସିଆଲ ମିଡ଼ିଆ ଯେପରି ହ୍ୱାଟସଆପ୍, ଫେସବୁକ୍, ଟ୍ୱଟିର ଆଦି ମାଧ୍ୟମରେ କେନ୍ଦ୍ର ଓ ରାଜ୍ୟର ବିଭିନ୍ନ ଯୋଜନାକୁ ଲୋକଙ୍କ ପାଖରେ ପହଞ୍ଚାଇବା ପାଇଁ ଉପଦେଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅମିତ ଶାହ ବଡ଼ା ଲାଲପୁର ସ୍ଥିତ ହସ୍ତକଳା ସଙ୍କୁଳରେ ଆୟୋଜିତ ସୋସିଆଲ ମିଡ଼ିଆ ଭଲ୍ୟୁଂଟର ମିଟରେ ଯୋଗ ଦେଇଛନ୍ତି । ଆଉ ସେଥିରେ ବିଜେପିର ଆଇଟି ବିଭାଗ ଓ ରାଜ୍ୟର ସୋସିଆଲ ମିଡ଼ିଆ ଭଲ୍ୟୁଂଟର ଟିମକୁ ୨୦୧୯ ନିର୍ବାଚନର ସବୁଠାରୁ ବଡ଼ ଅସ୍ତ୍ର ଭାବେ ସମ୍ବୋଧନ କରିଥିଲେ । ବିପକ୍ଷ ଦଳକୁ ସୋସିଆଲ ମିଡ଼ିଆ ମାଧ୍ୟମରେ ହିଁ ମାତ ଦିଆଯାଇପାରିବ ବୋଲି ଅମିତ କହିଛନ୍ତି । ଏହାବ୍ୟତୀତ ମିଡ଼ିଆ ଜରିଆରେ ଆକ୍ରମଣ କରୁଥିବା ବିପକ୍ଷ ଦଳକୁ ଉଚିତ ଜବାବ ଦେବା ପାଇଁ ମଧ୍ୟ ଆହ୍ୱାନ ଦେଇଥିଲେ । ବିପକ୍ଷ ଦଳର ଯେଉଁ ନେତାମନ୍ତ୍ରୀମାନେ ଖବରକାଗଜ କିମ୍ବା ଟିଭିରେ ବୟାନବାଦୀଜ କରୁଛନ୍ତି, ତାହାର ଉତ୍ତର ତୁରନ୍ତ ସୋସିଆଲ ମିଡ଼ିଆରେ ଦିଅ ବୋଲି କାର୍ଯ୍ୟକର୍ତ୍ତାକୁ କହିଛନ୍ତି ।
ଉତ୍ତର ପ୍ରଦେଶର କାନୁନ ବ୍ୟବସ୍ଥାରେ ସଠିକ ପରିବର୍ତ୍ତନ ହୋଇଛି ବୋଲି କହିଛନ୍ତି ଶାହ । ଏହା ବ୍ୟତୀରେ ଦିଲ୍ଲୀର ନିୟମକାନୁନ ବ୍ୟବସ୍ଥା ବିଗିଡ଼ି ଯାଇଛି, କାରଣ ୟୁପିର ସମସ୍ତ ଗୁଣ୍ଡା ଦିଲ୍ଲୀ ପହଞ୍ଚି ଯାଇଛନ୍ତି ବୋଲି ସେ କହିଛନ୍ତି । ଏହାସହ ବିଜେପିକୁ ଟାର୍ଗେଟ କରୁଥିବା ମହାମେଂଟର କୌଣସି ପ୍ରଭାବ ପଡ଼ିବ ନାହିଁ ଆଗାମୀ ନିର୍ବାଚନରେ ବୋଲି ସେ କହିଛନ୍ତି ।