ବିମାନରେ ପୁଣି ଯାତ୍ରୀଙ୍କ ଉପରେ ପରିସ୍ରା : ଆମେରିକାରେ ପଢୁଥିବା ଅଭିଯୁକ୍ତ ଛାତ୍ରଙ୍କୁ ଅଟକ ରଖି ପଚରାଉଚରା
କନକ ବ୍ୟୁରୋ : ପୁଣି ବିମାନରେ ସହ ଯାତ୍ରୀଙ୍କ ଉପରେ ପରିସ୍ରା ଗଲେ ଭାରତୀୟ ଛାତ୍ର । ଆମେରିକାରେ ଏକ ବିଶ୍ୱବିଦ୍ୟାଳୟରେ ପଢୁଥିବା ଜଣେ ଭାରତୀୟ ଛାତ୍ର ସହଯାତ୍ରୀଙ୍କ ଉପରେ ପରିସ୍ରା କରିବା ଅଭିଯୋଗରେ ତାଙ୍କୁ ଅଟକ ରଖିଛି ପୁଲିସ । ଆମେରିକାର ନ୍ୟୁୟର୍କରୁ ନୂଆଦିଲ୍ଲୀ ଆମେରିକାନ ଏୟାରଲାଇନ୍ସରେ ଆସୁଥିବା ଏହି ଛାତ୍ର ନିଶାଶକ୍ତ ଅବସ୍ଥାରେ ଜଣେ ଯାତ୍ରୀ ଉପରେ ପରିସ୍ରା କରିଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ବିମାନ ଦିଲ୍ଲୀ ଇନ୍ଦିରା ଗାନ୍ଧୀ ଏୟାରପୋର୍ଟରେ ପହଞ୍ଚିବା ପରେ ଆର୍ଯ୍ୟ ଭୋରା ନାମକ ଏକ ଛାତ୍ରଙ୍କୁ ଅଟକ ରଖି ପଚରାଉଚରା କରୁଥିବା ବିମାନ ବନ୍ଦର ଡିସିପି ସୂଚନା ଦେଇଛନ୍ତି । ସୂଚନା ମୁତାବକ ଆମେରିକା ଏୟାରଲାଇନ୍ସର ଏଏ୨୯୧ ବିମାନ ନ୍ୟୁୟର୍କରୁ ଶୁକ୍ରବାର ରାତି ୯ ଟା ୧୬ ମିନିଟରେ ଛାଡିଥିଲା । ତାହା ଶନିବାର ରାତି ପାୟ ୧୦ଟାରେ ଦିଲ୍ଲୀରେ ପହଞ୍ଚିଥିଲା । ଆର୍ଯ୍ୟ ନିଜ ସିଟରେ ଶୋଇଥିବା ପରିସ୍ରା କରିଥିଲେ, ଯାହା ଲିକ୍ ହୋଇ ପାଖରେ ବସିଥିବା ଜଣେ ଯାତ୍ରୀଙ୍କ ଉପରେ ପଡିଥିଲା ।