କନକ ବ୍ୟୁରୋ : ପାଗ ବଦଳିଲା ନିଷ୍ପତି ବଦଳିଲା । ଆଜିଠୁ ଖୋଲିଲା ରାଜ୍ୟର ସମସ୍ତ ସ୍କୁଲ । ଖରାଦିନ ଛୁଟି ବଢାଇବା ନିଷ୍ପତି ବଦଳାଇଛନ୍ତି ରାଜ୍ୟ ସରକାର । ୨୬ ବଦଳରେ ଜୁନ୍ ୨୧ ଅର୍ଥାତ ଆଜିଠୁ ସ୍କୁଲ ଖୋଲିବ ବୋଲି ଗତକାଲି ସୂଚନା ଦେଇଥିଲେ ଗଣଶିକ୍ଷା ମନ୍ତ୍ରୀ । ପ୍ରାକ ମୌସୁମୀ ବର୍ଷା ଲାଗି ପାଗ ବଦଳିଥିବାରୁ ସ୍କୁଲ ଖୋଲିବାକୁ ସରକାର ନିଷ୍ପତି ନେଇଛନ୍ତି । ରାଜ୍ୟରେ ଖରା ଛୁଟି ୧୮ତାରିଖ ଯାଏଁ ଥିବା ବେଳେ ଗ୍ରୀଷ୍ମ ଲହରୀ ଜାରିରହିଥିବା ଯୋଗୁଁ ଏହାକୁ ୨୫ତାରିଖ ପର୍ଯ୍ୟନ୍ତ ବୃଦ୍ଧି କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଏବେ କିନ୍ତୁ ପାଗରେ ପରିବର୍ତନ ହୋଇଥିବା ଯୋଗୁଁ ୨୬ତାରିଖ ପରିବର୍ତେ ଆଜି ସ୍କୁଲ ଖୋଲିବାକୁ ସରକାର ନିଷ୍ପତି ନେଇଛନ୍ତି । ସମସ୍ତ ସରକାରୀ ବିଦ୍ୟାଳୟ ସମେତ ଅନୁଦାନପ୍ରାପ୍ତ, ଘରୋଇ ଓ ଇଂରାଜୀ ମାଧ୍ୟମ ବିଦ୍ୟାଳୟରେ ଶୁକ୍ରବାରଠାରୁ କ୍ଲାସ ଆରମ୍ଭ ହେବ। ସରକାରୀ ବିଦ୍ୟାଳୟ ଗୁଡ଼ିକରେ ପୂର୍ବଭଳି ସକାଳ ୧୦ଟାରୁ ଅପରାହ୍ନ ୪ଟା ପର୍ଯ୍ୟନ୍ତ ପାଠପଢ଼ା ଚାଲିବ। ଘରୋଇ ବିଦ୍ୟାଳୟ ଗୁଡ଼ିକରେ ପୂର୍ବ ନିର୍ଦ୍ଧାରିତ ସମୟରେ ଛାତ୍ରଛାତ୍ରୀ କ୍ଲାସ କରିବେ।