କନକ ବ୍ୟୁରୋ : ବିମାନ ଭଡାକୁ ନେଇ ସରକାର ଲଗାଇଥିବା ବାଧ୍ୟତା ମୂଳକ ଫେୟାର କ୍ୟାପ ହଟାଇ ଦେବା ପରେ ଏବେ ବିମାନ କମ୍ପାନୀମାନେ ସେମାନଙ୍କ ଭଡା କମାଇଛନ୍ତି । ଗତମାସ ଯେଭଳି ଭାବେ ବିମାନଭଡା ଆକାଶଛୁଆଁ ହୋଇଥିଲା ଏହା ପରେ ସର୍ବନିମ୍ନ ସ୍ତରକୁ ଖସି ଆସିଛି ।
Kanak News is now on WhatsApp
Join and get latest news updates delivered to you via WhatsApp
ଏକ ଜାତୀୟ ଗଣମାଧ୍ୟମର ସୂଚନା ମୁତାବକ ଗତ ସପ୍ତାହରେ ସରକାର ବାଧ୍ୟତା ମୂଳକ ଫେୟାର କ୍ୟାପ ହଟାଇ ଦେଇଥିଲେ । ଫେୟାର କ୍ୟାପର ଅର୍ଥ ହେଉଛି ଧାର୍ଯ୍ୟ ହୋଇଥିବା ଭଡାର ସୀମା ଠାରୁ କମ୍ କିମ୍ବା ଅଧିକ ଦରରେ ଏୟାରଲାଇନ କମ୍ପାନୀମାନେ ଯାତ୍ରୀମାନଙ୍କୁ ଟିକେଟ ବିକ୍ରି କରିପାରିବେ ନାହିଁ । ଏହା ପୂର୍ବରୁ ବାଧ୍ୟତାମୂଳକ ଥିଲା । ହେଲେ ସରକାର ଏହି କଟକଣା ହଟାଇ ଦେବା ପରେ ଏବେ କମ୍ପାନୀମାନେ ଯାତ୍ରୀମାନଙ୍କୁ ଆକୃଷ୍ଟ କରିବାକୁ ପୁରା ପ୍ରସ୍ତୁତି ଆରମ୍ଭ କରିଦେଇଛନ୍ତି । ଏହି କ୍ରମରେ ଅକାଶା ଏୟାର, ଇଣ୍ଡିଗୋ, ଏୟାର ଏସିଆ, ଗୋ ଫାଷ୍ଟ ଓ ବିସ୍ତରା ଭଳି କମ୍ପାନୀମାନେ ଟିକେଟ ଦାମ କମ୍ କରିଛନ୍ତି ।
ସେପଟେ ଗୋଟିଏ ମାସ ପୂର୍ବରୁ ଆରମ୍ଭ ହୋଇଥିବା ଅକାଶା ଏୟାର ସବୁଠାରୁ ଆଗରେ ରହିଛି ଗତମାସ ମୁମ୍ବାଇରୁ ବେଙ୍ଗାଲୋର ପାଇଁ ଟିକେଟର ଦାମ ୩୯୪୮ ଟଙ୍କା ଥିବା ବେଳେ ଏହାକୁ ଏବେ ୨ ହଜାର ଟଙ୍କା କରିଛି । ସେହିଭଳି ମୁମ୍ବାଇରୁ ଅହମ୍ମଦାବାଦ ପାଇଁ ଟିକେଟର ଦାମ ଗତମାସ ୫୦୦୮ ଟଙ୍କା ରଖିଥିବା ବେଳେ ଏବେ ଏହି ଟିକେଟ ଉପରେ ୧୪୦୦ ଟଙ୍କା କମ କରିଛି ।