କନକ ବ୍ୟୁରୋ: କେନ୍ଦ୍ର ରକ୍ଷାମନ୍ତ୍ରୀ ସେନାରେ‘ଅଗ୍ନିପଥ ନିଯୁକ୍ତ ’ ଯୋଜନାର ଘୋଷଣା କରିଛନ୍ତି । ଏହି ଯୋଜନା ଅଧିନରେ ଏବେ ସେନାରେ ଚାକିରି କରିବାକୁ ଯୋଗ୍ୟ ବିବେଚିତ ହେଉଥିବା ଯୁବକ ଯୁବତୀମାନଙ୍କୁ କେବଳ ୪ ବର୍ଷ ପାଇଁ ନିଯୁକ୍ତି ମିଳିବ । ଏନେଇ ସରକାର ଯୁକ୍ତିି ବାଢିଛନ୍ତି କି ଏହାଦ୍ୱାରା ସେନାରେ ଅଧିକ ଯୁବବର୍ଗ ରହିବେ । ଫଳରେ ସେନା ଅଧିକ ମଜବୁତ ହେବ । ଏହାସହ ସେନାରେ ଚାକିରି କରୁଥିବା ଲୋକଙ୍କୁ ପେନସନ ଦେବାକୁ ପଡିବ ନାହିଁ ଫଳରେ ସେନା ବଜେଟ ବି କମିବ । ହେଲେ ସେନାରେ ଏଭଳି ନିଯୁକ୍ତିକୁ ନେଇ ପ୍ରଶ୍ନ ଉଠାଇଛନ୍ତି ରକ୍ଷା ବିଶେଷଜ୍ଞ ।
Kanak News is now on WhatsApp
Join and get latest news updates delivered to you via WhatsApp
ଏକ ଜାତୀୟ ଗଣମାଧ୍ୟମ ସହ ଆଲୋଚନା ବେଳେ ରକ୍ଷା ବିଶେଷଜ୍ଞ ପି.କେ ସେହଗଲ କହିଛନ୍ତି କି, ଏହା ଏକ ଖରାପ ଯୋଜନା । ସେ କହିଛନ୍ତି କି ଦେଶରେ କୋଟି କୋଟ ଯୁବକ ଚାକିରି ସନ୍ଧାନରେ ଅଛନ୍ତି । ସରକାର ତେଣୁ ଏଭଳି ଯୋଜନା କରି ସେନାରେ ଏକାଥରକେ ୪୬ ହଜାର ନିଯୁକ୍ତି ଦେଇଦେବେ । ହେଲେ ୪ ବର୍ଷ ପରେ ସେମାନେ ନିରାଶ ହୋଇ ଫେରିବେ ।
ସେ ଆହୁରି କହିଛନ୍ତି କି ଆଜି ଯେଉଁ ବେକାର ଯୁବକ ଯୁବତୀମାନେ ସରକାରଙ୍କର ଏହି ଯୋଜନାକୁ ନେଇ ପ୍ରଶଂସା କରୁଛନ୍ତି ୪ ବର୍ଷ ପରେ ସେମାନେ ପୁଣି ଏହି ଯୋଜନାକୁ ପଶ୍ଚାତାପ କରିବେ । ସେମାନଙ୍କୁ ଅତିବେଶିରେ କେଉଁଠି ସିକ୍ୟୁରିଟି ଗାର୍ଡର ଜବ ମିଳିବ ଓ ତାହାକୁ ସେମାନେ ସହଜରେ ଗ୍ରହଣ କରିପାରିବେ ନାହିଁ । ପୁଣି ଦେଶରେ ବେରୋଜଗାରକୁ ନେଇ ସମାନ ପରିସ୍ଥିତି ଦେଖାଦେବ ।
ସେପଟେ ସେହଗଲ କହିଛନ୍ତି କି ସେନାରେ ଜଣେ ଦକ୍ଷ ସୈନିକ ହେବାକୁ ସର୍ବନିମ୍ନ ୭/୮ ବର୍ଷ ଲାଗିଥାଏ । ହେଲେ ସରକାରଙ୍କ ଯୋଜନା ମୁତାବକ ଏବେ ନିଯୁକ୍ତି ପାଇଲେ ସେମାନେ ୪ ବର୍ଷ ମଧ୍ୟରେ ଅବସର ନେଇଯିବେ । ତେଣୁ ସେନାକୁ ଉଚ୍ଚ ଅନୁଭୂତି ସମ୍ପର୍ଣ୍ଣ ସେନା ମିଳିବେ ନାହିଁ । ତେଣୁ ଆଗାମୀ ଦିନରେ ଯଦି ବଡ ଧରଣର ଯୁଦ୍ଧ ହୁଏ ତେବେ ଏହି ସୈ÷ନ୍ୟମାନେ ଯୁଦ୍ଧ ଜିତିବା ସମ୍ଭବ ନୁହେଁ ।