କୋଲକାତାରେ ବାଂଲାଦେଶ ସାଂସଦଙ୍କ ହତ୍ୟାର ଲୋମଟାଙ୍କୁରା କାହାଣୀ । ଅନୱାର ଅଜିମ ଅନାରଙ୍କୁ ହତ୍ୟା କରିବା ପରେ ଦେହରୁ ଅଲଗା କରିଥିଲେ ଚମଡା । ପରେ ପ୍ଲାଷ୍ଟିକ୍ ବ୍ୟାଗରେ କରିଥିଲେ ଭର୍ତ୍ତି ।
କନକବ୍ୟୁରୋ:କୋଲକାତାରେ ବାଙ୍ଗଲାଦେଶ ସାଂସଦଙ୍କୁ ହତ୍ୟା ମାମଲାରେ ଆସିଲା ଲୋମଟାଙ୍କୁରା କାହାଣୀ । ସାଂସଦ ଅନୱାର ଅଜିମ ଅନାରଙ୍କୁ ପ୍ରଥମେ ଦୁର୍ବୁତମାନେ କୋଲକାତାର ଏକ ଆପାର୍ଟମେଂଟରେ ହତ୍ୟା କରିଥିଲେ । ହତ୍ୟା କରିବା ପରେ ତାଙ୍କ ଶରୀରରୁ ଚମଡା ଅଲଗା କରିଥିଲେ । ପରେ ଯେପରି ଧରାନଡିବେ ସେଥିପାଇଁ ତାଙ୍କ ହାଡ ଓ ମାଂସକୁ କରିଥିଲେ ଛୋଟ ଛୋଟ ଖଣ୍ଡ କରିଥିଲେ । ଶରୀରକୁ ନଷ୍ଟ କରିବାକୁ ଛୋଟ ଛୋଟ ମାଂସ ଓ ହାଡକୁ ହଳଦୀ ଗୁଣ୍ଡ ପକାଇ ପ୍ଲାଷ୍ଟିକ ବ୍ୟାଗ କରିଥିଲେ ଭର୍ତି କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଆପାର୍ଟମେଂଟର ବାଥରୁମରେ ସେମାନେ ଏଭଳି କାର୍ଯ୍ୟ କରିବା ପରେ ଯେପରି ପୋଲିସ ହାତରେ ଧରାନଡିବେ ସେଥିପାଇଁ ବାଥରୁମରେ ଏସିଡ୍ ପକାଇ ଭଲ ଭାବେ ସଫା କରିଥିଲେ । ପୋଲିସ ସୂଚନା ମୁତାବକ, ଗତ ମେ ୧୧ ତାରିଖରେ ଅନୱାର ଅଜିମ ଅନାର ଜଣେ ମହିଳାଙ୍କ ସହ ଆପାର୍ଟମେଂଟ ଯାଇଥିଲେ । ପରେ କିପରି ତାଙ୍କର ହତ୍ୟା ହେଲା ଏବଂ ଏଥିରେ କେଉଁମାନଙ୍କର ସମ୍ପୃକ୍ତି ରହିଛି ସେନେଇ କୋଲକତାର ସିଆଇଡି ତଦନ୍ତ କରୁଛି । ବାଂଲାଦେଶର ସୁରକ୍ଷା ଏଜେନ୍ସିର ସହଯୋଗରେ ତଦନ୍ତ ଚଳାଇଛି କୋଲକାତା ସିଆଡି ।
ହତ୍ୟା ପଛରେ ବ୍ୟବସାୟୀ ଏମଡି ଅଖତ୍ରୁଜାମନ ମୁଖ୍ୟ ଭୂମିକା ଥିବା ସୂଚନା ମଳିଛି । ହତ୍ୟା ପାଇଁ ୪ କୋଟି ଟଙ୍କା ଅଭିଯକ୍ତମାନେ ନେଇଥିବା ସୂଚନା ମଳିଛି । ଅଭିଯୁକ୍ତମାନେ ସବୁ ବାଂଲାଦେଶର ଏବଂ ସେମାନେ ଆସି ହତ୍ୟା କରିବା ପରେ ବାଂଲାଦେଶ ଫେରିଯାଇଥିବା ପୁଲିସ କହିଛି ।