ଲଂଚ ହେଲା ଟେଲିକମ୍ ଜଗତର ସବୁଠୁ ଶସ୍ତା ପ୍ଲାନ୍ ! ୧.୯୭ ଟଙ୍କାରେ ପ୍ରତିଦିନ ମିଳିବ ୧ଜିବି ଡାଟା
ଟେଲିକମ ଜଗତରେ ଜିଓ ଏଂଟ୍ରି ମାରିବା ପରେ ପରେ ଆରମ୍ଭ ହୋଇଯାଇଛି ଶସ୍ତା ଅଫରର ଲଢେଇ । ଜିଓକୁ ଟକ୍କର ଦେବା ପାଇଁ ଏବଂ ଗ୍ରାହକଙ୍କୁ ନିଜ ପ୍ରତି ଆକୃଷ୍ଟ କରିବା ଉଦ୍ଦେଶ୍ୟରେ ପ୍ରତିଦିନ ବିଭିନ୍ନ ଟେଲିକମ କଂପାନୀମାନେ କିଛି ନା କିଛି ଅଫରମାନ ଲଂଚ କରିବାରେ ଲାଗିପଡିଛନ୍ତି । ଇତି ମଧ୍ୟରେ ଏୟାରଟେଲ ଲଂଚ କରିଥିବା ୩୯୯ଟଙ୍କିଆ ପ୍ଲାନରେ ଡାଟାର ଲିମିଟକୁ ବଢାଇଦେଇଛି । ପ୍ରଥମେ ତ କଂପାନୀ ଏହି ପ୍ଲାନରେ ପ୍ରତିଦିନ ୧.୪ଜିବି ଡାଟା ଦେଇରଖୁଥିଲା । ତେବେ ମିଳିଥିବା ସୂଚନା ମୁତାବକ, ଏଣିକି କଂପାନୀ ଏହି ପ୍ଲାନରେ କିଛି ପରିବର୍ତ୍ତନ ଆଣିଛି ଏବଂ ଡାଟାକୁ ବଢାଇ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଏୟାରଟେଲ ନିଜ ୩୯୯ଟଙ୍କିଆ ପ୍ଲାନକୁ ଟିକିଏ ବଦଳାଇବାକୁ ଯାଇ ପ୍ରତିଦିନ ୨.୪ଜିବି ଡାଟା ଦେବା ଆରମ୍ଭ କରିଛି । ଯଦିଓ ଏହି ପରିବର୍ତ୍ତିତ ପ୍ଲାନର ଲାଭ ବର୍ତ୍ତମାନ କିଛି ମନ୍ନୋନିତ ଗ୍ରାହକଙ୍କୁ ଦିଆଯାଇଛି । ତେବେ ଏୟାରଟେଲର ଏହି ନିଷ୍ପତି ଜିଓକୁ ଟକ୍କର ଦେବାରେ ଖୁରାକ୍ ଯୋଗାଇବ । କାହିଁକି ନା କଂପାନୀ ଏହି ଦାମ ଉପରେ ୮୪ ଦିନ ପାଇଁ ପ୍ରତିଦିନ ୧.୫ଜିବି ଡାଟା ଉପଲବ୍ଧ କରାଉଛି ।
ଏୟାରଟେଲର ୩୯୯ ଟଙ୍କିଆ ବାଲା ପ୍ଲାନରେ, ୭୦ ଦିନର ବୈଧତା ସହିତ ଅସୀମ କଲ ମଧ୍ୟ ଦିଆଯାଉଛି । ଯଦିଓ ଏହି ଅଫର ଆଧାରରେ କିଛି ୟୁଜର୍ସଙ୍କ ପାଇଁ ୮୪ ଦିନର ବୈଧତା ଉପଲବ୍ଧି କରାଯାଉଛି ଏବଂ ଏଭଳି ୟୁଜର୍ସଙ୍କୁ ବର୍ଧିତ ଡାଟା ମଧ୍ୟ ପ୍ରଦାନ କରାଯିବ । ଅର୍ଥାତ୍ ଏହି ମନୋନିତ ଗ୍ରାହକଙ୍କୁ ୩୯୯ ଟଙ୍କା ବାଲା ପ୍ଲାନରେ ୮୪ ଦିନ ପାଇଁ ବୈଧତା ସହିତ ପ୍ରତିଦିନ ୨.୪ଜିବି ଡାଟା, ପ୍ରତିଦିନ ୧୦୦ଟି ଏସଏମଏସ ଏବଂ ଅସୀମ ଭଏସ କଲରୁ ସୁବିଧା ମଧ୍ୟ ଦିଆଯାଉଛି ।
ଏଭଳି ଭାବରେ ଗ୍ରାହକଙ୍କୁ ପ୍ରତି ଜିବି ପାଇଁ କେବଳ ୧.୯୭ ଟଙ୍କା ପେମେଂଟ କରିବାକୁ ପଡିବ । ଯାହାକି ବର୍ତ୍ତମାନ ସମୟରେ ଟେଲିକମ ଜଗତରେ ୧ଜିବି ଡାଟା ପାଇଁ ସବୁଠାରୁ କମ ଦାମର ଅଟେ । ବର୍ତ୍ତମାନ ଏହି ପ୍ଲାନରେ ବାକି ଗ୍ରାହକଙ୍କୁ ୭୦ ଦିନର ବୈଧତା ସହିତ ପ୍ରତିଦିନ ୧.୪ଜିବି ଡାଟା, ପ୍ରତିଦିନ ୧୦୦ଟି ଲେଖାଏଁ ଏସଏମଏସ ଏବଂ ଅସୀମ କଲର ସୁବିଧା ଦିଆଯାଉଛି ।