ନିମ୍ନମାନର ଖାଦ୍ୟ ପ୍ରଦାନ ଅଭିଯୋଗ : କୋଷାଗୁମୁଡା ବ୍ଲକ ବରଗାଁ ସ୍କୁଲର ୪୫ ଛାତ୍ର ଛାଡିଲେ ହଷ୍ଟେଲ
କନକ ବ୍ୟୁରୋ : ନିମ୍ନମାନର ଖାଦ୍ୟ ପ୍ରଦାନ ସହ ପ୍ରଧାନଶିକ୍ଷକ ଓ ରୋଷେୟାଙ୍କ ବ୍ୟବହାରରେ ଅତିଷ୍ଠ ହୋଇ ସ୍କୁଲ ହଷ୍ଟେଲ ଛାଡିଲେ ୪୫ ଜଣ ଛାତ୍ର । ଏଭଳି ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା କୋଷାଗୁମୁଡା ବ୍ଲକ ଅନ୍ତର୍ଗତ ବରଗାଁ ଉନ୍ନତି ଉଚ୍ଚ ପ୍ରାଥମିକ ବିଦ୍ୟାଳୟରେ । ଏହି ସ୍କୁଲରେ ୧୦୦ ଶଯ୍ୟା ବିଶିଷ୍ଟ ହଷ୍ଟେଲ ରହିଛି ।
Kanak News is now on WhatsApp
Join and get latest news updates delivered to you via WhatsApp
ହଷ୍ଟେଲ ପରିଚାଳନାରେ ତ୍ରୁଟି ସହ ଛାତ୍ରଙ୍କୁ ପ୍ରତ୍ୟେକ ଦିନ ପୋକରା ଚାଉଳର ଭାତ ସହିତ ନିମ୍ନମାନର ଖାଦ୍ୟ ପ୍ରଦାନ କରାଯାଉଥିବା ଅଭିଯୋଗ ହୋଇଛି । ସେହିଭଳି ସ୍କୁଲ ପ୍ରଧାନଶିକ୍ଷକଙ୍କ ବ୍ୟବହାରରେ ଛାତ୍ର ମାନେ ଅତିଷ୍ଠ ହୋଇଥିବାବେଳେ, ଦୀର୍ଘଦିନ ଧରି ହଷ୍ଟେଲର ପଙ୍ଖା ଚାଲୁନଥିବା ଓ ସନ୍ଧ୍ୟା ସମୟରେ ଖେଳିବା ପାଇଁ ଦିଆଯାଉନଥିବା ଅଭିଯୋଗ ହୋଇଛି । ପ୍ରଧାନଶିକ୍ଷକଙ୍କୁ ଏ ନେଇ ଅଭିଯୋଗ କଲେ ନାଲି ଆଖି ଦେଖାଉଛନ୍ତି ବୋଲି ଅଭିଯୋଗ ହୋଇଛି ।
ସେପରି ହଷ୍ଟେଲର ରୋଷେୟା ମାନେ ମଧ୍ୟ ଦୁର୍ବ୍ୟବାହାର ପ୍ରଦର୍ଶନ କରୁଥିବା ଅଭିଯୋଗ କରିଛନ୍ତି ଛାତ୍ରମାନେ । ଘଟଣା ବାବଦରେ ଅବଗତ ହେବା ପରେ ଅତିରିକ୍ତ ଜିଲ୍ଲା ମଙ୍ଗଳ ଅଧିକାରୀ ତଦନ୍ତ କରିଛନ୍ତି । ଅପରପକ୍ଷରେ ଛାତ୍ର ମାନଙ୍କ ଅଭିଯୋଗକୁ ଖଣ୍ଡନ କରିବା ସହିତ ଭଲ ପାଠ ପଢିବା ପାଇଁ କହିବା ପରେ ଛାତ୍ର ମାନେ ହଷ୍ଟେଲ ଛାଡିଥିବା ସ୍କୁଲ ପ୍ରଧାନଶିକ୍ଷକ କହିଛନ୍ତି ।