କନକ ବ୍ୟୁରୋ: ଶସ୍ତା ହେବ ଟ୍ରେନ୍ ଏସି ଟିକଟ । ବନ୍ଦେ ଭାରତ ସମେତ ସମସ୍ତ ଟ୍ରେନ୍ରେ ଏସି ଚେୟାର କାର, ଏକ୍ଜିକ୍ୟୁଟିଭ୍ ଶ୍ରେଣୀର ଟିକଟ ମୂଲ୍ୟରେ ୨୫ ପ୍ରତିଶତ ପର୍ଯ୍ୟନ୍ତ ଦର ହ୍ରାସ ହେବ । ଏହି ଟିକଟ ମୂଲ୍ୟ ସେହି ସବୁ କ୍ଷେତ୍ରରେ କମିବ ଯେଉଁଥିରେ ଗତ ୩୦ ଦିନ ମଧ୍ୟରେ ସିଟ୍ ପୂରଣ ହାର ୫୦ ପ୍ରତିଶତରୁ କମ୍ ରହିଥିବ । ଅନେକ ଟ୍ରେନ୍ରେ ୫୦ ପ୍ରତିଶତରୁ ଅଧିକ ସିଟ୍ ଖାଲି ପଡିବା କାରଣରୁ ସରକାର ଏକ ରିହାତି ଭଡା ସ୍କିମ୍ ଘୋଷଣା କରିଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଏସି ସିଟ୍ ବ୍ୟବସ୍ଥା ଥିବା ଟ୍ରେନ୍ ଗୁଡିକରେ ରିହାତି ମୂଲ୍ୟରେ ଟିକଟ ବ୍ୟବସ୍ଥାକୁ କାର୍ଯ୍ୟକାରୀ କରିବା କ୍ଷମତା ରେଳ ଜୋନ୍ ଗୁଡିକୁ ପ୍ରଦାନ କରାଯାଇଛି । ଯାତ୍ରୀ ସଂଖ୍ୟା ଆଧାରରେ ସେମାନେ ନିଜ ନିଜ ଜୋନ୍ରେ ଭଡା ନିର୍ଦ୍ଧାରଣ କରିପାରିବେ । ଏଥିରେ ରିଜରର୍ଭେସନ ଚାର୍ଜ, ସୁପରଫାଷ୍ଟ ସର୍ଚାର୍ଜ, ଜିଏସ୍ଟି ଆଦି ଅଲଗା ଭାବେ ଲଗାଯିବ । ଯାତ୍ରୀଙ୍କ ସଂଖ୍ୟା ଆଧାରରେ ଯେକୌଣସି ଶ୍ରେଣୀ କିମ୍ବା ସମସ୍ତ ଶ୍ରେଣୀରେ ରିହାତି ଦିଆଯାଇପାରିବ । ରେଳବାଇର ନିର୍ଦ୍ଦେଶ ଅନୁସାରେ ରିହାତି ଭଡାକୁ ତକ୍ରାଳ ଲାଗୁ କରାଯିବ । ହେଲେ ପୂର୍ବରୁ ବୁକ୍ ହୋଇଥିବା ଟିକଟ ଉପରେ ରିହାତି ଅର୍ଥ ଫେରସ୍ତ କରାଯିବ ନାହିଁ । ଛୁଟି ଓ ପର୍ବପର୍ବାଣୀ ସମୟରେ ଚାଲୁଥିବା ସ୍ୱତନ୍ତ୍ର ଟ୍ରେନ୍ ଗୁଡିକ ଉପରେ ଏହି ବ୍ୟବସ୍ଥା ଲାଗୁ ହେବ ନାହିଁ ।