ତେଲେଙ୍ଗାନାର ସବୁଠାରୁ କମ୍ ବୟସର ମହିଳା ଇଂଜିନିୟର : ୧୦ ବର୍ଷ ବୟସରେ କରିଥିଲେ ଦଶମ ଶ୍ରେଣୀ ପାସ୍, ଏବେ ସେ ଦେଶ ସେବା କରିବା ପାଇଁ ଆଗ୍ରହୀ
କୁହାଯାଏ କି କିଛି ପ୍ରତିଭା ଭଗବାନ ଦେଇଥାନ୍ତି । ଏମିତି ହିଁ ଏହି ଝିଅ ସହିତ ହୋଇଛି । ତେଲେଙ୍ଗାନାର କାସୀଭଟ୍ଟ ସଂହିତା କୈାଣସି ସାମାନ୍ୟ ଝିଅ ନୁହେଁ । ସେ ତାଙ୍କର ପ୍ରତିଭା ଦ୍ୱାରା ସମସ୍ତଙ୍କୁ ଆଶ୍ଚର୍ଯ୍ୟରେ ପକାଇଛନ୍ତି ଏବଂ ନିଜ ପିତାମାତାଙ୍କୁ ଗର୍ବ ଅନୁଭବ କରାଇଛନ୍ତି । ମାତ୍ର ୧୬ ବର୍ଷ ବୟସରେ ସଂହିତାଙ୍କୁ ତେଲେଙ୍ଗାନାର ସବୁଠାରୁ ଯୁବ ମହିଳା ଇଂଜିନିୟରର ସମ୍ମାନ ମିଳିଛି । ୧୦ ବର୍ଷ ବୟସରେ ସେ ୧୦ମ ଶ୍ରେଣୀରେ ୮.୮ ସଜିପିଏ ହାସଲ କରିଥିଲେ ଏବଂ ୮୯ ପ୍ରତିଶତ ଅଙ୍କ ରଖି ଦ୍ୱାଦଶ ପରୀକ୍ଷା ପାସ କଲେ । ଏବେ ସଂହିତା ତେଲେଙ୍ଗାନାର ସବୁଠାରୁ ଯୁବ ମହିଳା ଇଂଜିନିୟର ହୋଇଯାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ସଂହିତାଙ୍କ ପିତା ଏଲ.ଏନ କାସୀଭଟ୍ଟ ପରାମର୍ଶଦାତାର କାମ କରନ୍ତି ଏବଂ ତାଙ୍କ ମା’ ଗୀତା ଚତୁର୍ବେଦୁଲା ଟେକ୍ ମହିନ୍ଦ୍ରାରେ ପ୍ରୋଜେକ୍ଟ ମ୍ୟାନେଜର ଅଛନ୍ତି । ସଂହିତାଙ୍କ ମାତାପିତା ବର୍ଷ ୨୦୧୪ରେ ତେଲେଙ୍ଗାନା ସରକାରଙ୍କ ଠାରୁ ନିଜ ଝିଅର ଦାଖଲ ପାଇଁ ଅପିଲ କରିଥିଲେ । ମଂଜରୁୀ ମିଳିବା ପରେ ଚୈତନ୍ୟ ଭାରତୀ ଇଂଷ୍ଟିଚ୍ୟୁଟ୍ ଅଫ୍ ଟେକନୋଲୋଜିରୁ ଇଲେକ୍ଟ୍ରିକାଲ ଆଣ୍ଡ ଇଲେକ୍ଟ୍ରୋନିକ୍ସର ଡିଗ୍ରୀ ପୁରା କରିଥିଲେ । ସଂହିତା ପାୱାର ସେକ୍ଟରରେ କାମ କରିବାକୁ ଚାହୁଁଛନ୍ତି । ସେ ଏହି ସେକ୍ଟରରେ କାମ କରି ଦେଶର ସେବା କରିବାକୁ ଚାହୁଁଛନ୍ତି ।