ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ଜାନକୀବଲ୍ଲଭ ପଟ୍ଟନାୟକଙ୍କ ଆଜି ତୃତୀୟ ଶ୍ରାଦ୍ଧବାର୍ଷିକୀ !
କନକ ବ୍ୟୁରୋ : ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ତଥା ଆସାମର ପୂର୍ବତନ ରାଜ୍ୟପାଳ ଜାନକୀବଲ୍ଲଭ ପଟ୍ଟନାୟକଙ୍କ ଆଜି ହେଉଛି ତୃତୀୟ ଶ୍ରାଦ୍ଧବାର୍ଷିକୀ । ଶ୍ରାଦ୍ଧବାର୍ଷିକ ଉପଲକ୍ଷେ ଆଜି ସଂଧ୍ୟାରେ କଟକ ସାରଳା ଭବନରେ ଏକ ସଭା ଆୟୋଜନ କରାଯିବ । ସଭାରେ ଡ଼କ୍ତର ଗୋବିନ୍ଦ ଭୂୟାଁଙ୍କ ଲିଖିତ ‘ସାର୍ଥକ ସାରଥି ଜାନକୀବଲ୍ଲଭ’ ଜୀବନୀ ଗ୍ରନ୍ଥର ଇଂରାଜୀ ଅନୁବାଦ ‘ ଜେବି ପଟ୍ଟନାୟକ ଦି ଲିଡ଼ର ଅଫ ଏକ୍ସଟ୍ରାଅଡ଼ିନାରୀ ପୁସ୍ତକ ଉନ୍ମୋଚନ କରାଯିବ । ପ୍ରଫେସର ବିଜୟ କୁମାର ନନ୍ଦ ପ୍ରକାଶିତ ହେବାକୁ ଥିବା ଗ୍ରନ୍ଥର ଇଂରାଜୀ ଅନୁବାଦ କରିଛନ୍ତି । ସଭାରେ ମୁଖ୍ୟ ଅତିଥିଭାବେ ପ୍ରଖ୍ୟାତ କବି ପଦ୍ମବିଭୂଷଣ ରମାକାନ୍ତ ରଥ ଯୋଗ ଦେବେ ।
Kanak News is now on WhatsApp
Join and get latest news updates delivered to you via WhatsApp
ଏହାସହ ବିଜିନେସ ୱାଲ୍ଡର ମୁଖ୍ୟ ସଂପାଦକ ଅନୁରାଗ ବାତ୍ରା ମୁଖ୍ୟ ବକ୍ତା ଭାବେ ଯୋଗ ଦେବାବେଳେ ସମ୍ମାନୀତ ଅତିଥିଭାବେ ଯୋଗ ଦେବେ ସମ୍ବାଦର ସଂପାଦକ ତଥା ରାଜ୍ୟସଭା ସାଂସଦ ସୌମ୍ୟରଂଜନ ପଟ୍ଟନାୟକ । ଏହି ଅବସରରେ ପ୍ରତିବର୍ଷ ପରି ସମାଜସେବା, ସାହିତ୍ୟ ଓ ସାମ୍ବାଦିକତା କ୍ଷେତ୍ରରେ ଓଡ଼ିଶାର ୩ ଜଣ କୃତବିଦ୍ୟ ବ୍ୟକ୍ତିଙ୍କୁ ‘ଜାନକୀବଲ୍ଲଭ ସ୍ମାରକୀ ସମ୍ମାନ’ରେ ସମ୍ମାନିତ କରାଯିବ। ଏହି ସ୍ମୃତିସଭାରେ ଯୋଗ ଦେବା ପାଇଁ ଅନୁଷ୍ଠାନର ଉପସଭାପତି ପ୍ରଫେସର ବୈଷ୍ଣବ ଚରଣ ସାମଲ, ଇଂଜିନିୟର ପ୍ରଭାକର ସ୍ୱାଇଁ, ବରିଷ୍ଠ ଆଇନଜୀବୀ ଧରଣୀଧର ନାୟକ, ଇଂଜିନିୟର ମହମ୍ମଦ ମୋକିମ୍ ଓ ସାଧାରଣ ସଂପାଦକ ଡକ୍ଟର ଗୋବିନ୍ଦ ଭୂୟାଁ ଅନୁରୋଧ କରିଛନ୍ତି।