ଯାହାକୁ ଖୋଜିବାକୁ ଭାରତୀୟ ନୌସେନା ଖର୍ଚ୍ଚ କରିଦେଲା ୧ କୋଟି ଟଙ୍କା , ଶେଷରେ ବୟଫ୍ରେଣ୍ଡ ସହ ମିଳିଲେ ନିଖୋଜ ଯୁବତୀ
କନକ ବ୍ୟୁରୋ : ଆନ୍ଧ୍ର ପ୍ରଦେଶର ବିଶାଖାପାଟନମରୁ ଦୁଇଦିନ ତଳେ ନିଖୋଜ ହୋଇଥିବା ଜଣେ ଯୁବତୀଙ୍କୁ ପୋଲିସ ଏବେ ସଂପୃକ୍ତ ଯୁବତୀ ଜଣଙ୍କ ତାଙ୍କ ବୟଫ୍ରେଣ୍ଡ ନିକଟରୁ ଉଦ୍ଧାର ହୋଇଛି । ହେଲେ ଯୁବତୀଙ୍କ ପରିବାର ପକ୍ଷରୁ ଅଭିଯୋଗ ପାଇବା ପରେ ଭାରତୀୟ ନୌସେନା ବିଭାଗ ଓ ତଟରକ୍ଷୀ ବାହୀନି ପକ୍ଷରୁ ପାଖା ପାଖି ୩୬ ଘଂଟା ଧରି ସମୁଦ୍ର ମଧ୍ୟରେ ସର୍ଚ୍ଚ ଅପରେଶନ ଜାରି ରଖିଥିଲା । ଏହି ଅପରେଶନରେ ପାଖା ପାଖି ୧ କୋଟି ଟଙ୍କା ଖର୍ଚ୍ଚ ହୋଇଥିବା କଥା କୁହାଯାଉଛି । ନିଖୋଜ ଯୁବତୀଙ୍କୁ ପାଇବାକୁ ସମୁଦ୍ରରେ ୩ ଜାହାଜ ସହାୟତାରେ ସର୍ଚ୍ଚ ଅପରେଶନ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ୨୩ ବର୍ଷିୟ ବିବାହିତ ଯୁବତୀ ସାଇ ପ୍ରିୟା ସୋମବାର ଦିନ ନିଜ ବିବାହ ବାର୍ଷିକ ପାଳନ କରିବାକୁ ବିଶାଖାପାଣର ଆରକେ ବିଚକୁ ଯାଇଥିଲେ । ସେଠାରେ ସେ ପ୍ରଥମେ ସିଂହାଚଳମ ମନ୍ଦିର ଦର୍ଶନ କରି ସମୁଦ୍ରକୂଳକୁ ଫେରିଥିଲେ । ଏହି ସମୟରେ ସ୍ୱାମୀଙ୍କ ମୋବାଇଲକୁ ଫୋନ ଆସିବାରୁ ସେ କଥା ହେବାକୁ ଟିକେ ଦୂରେଇ ଯାଇଥିଲେ । ବାଶ୍ ଏହି ସମୟରେ ଯୁବତୀ ଜଣଙ୍କ ତାଙ୍କ ବୟଫ୍ରେଣ୍ଡ ସହ ଫେରାର ହୋଇଯାଇଥିଲେ । ହେଲେ ସ୍ୱାମୀ ଫୋନରେ କଥା ହୋଇସାରି ଫେରିବା ପରେ ପତ୍ନୀଙ୍କୁ ନପାଇ ସ୍ଥାନୀୟ ଥାନାରେ ଅଭିଯୋଗ କରିଥିଲେ ।
ଅଭିଯୋଗ ପାଇବା ପରେ ପୋଲିସ ସନ୍ଦେହ କରିଥିଲା କି ଯୁବତୀ ଜଣଙ୍କ ସମୁଦ୍ରରେ ଭାଶିଯାଇଥାଇ ପାରନ୍ତି । ଏନେଇ ନୌସେନା ଓ ତଟରକ୍ଷା ବାହୀନି ପକ୍ଷରୁ ସମୁଦ୍ର ଭିତରେ ସର୍ଚ୍ଚ ଅପରେଶନ ଆରମ୍ଭ କରାଯାଇଥିଲା । ଦୀର୍ଘ ୩୬ ଘଂଟା ଧରି ୩ ଟି ଜାହାଜ ଓ କିଛି ଡଙ୍କା ସହାୟତାରେ ଏହି ଅପରେଶନ ଜାରି ରହିଥିବା ବେଳେ କିଛି ସୁଫଳ ମିଳିନଥିଲା ।
ସେପଟେ ହଠାତ ଯୁବତୀଙ୍କ ମାଙ୍କ ମୋବାଇଲକୁ ଏକ ମେସେଜ ଆସିଥିଲା । ଏହି ମେସେଜ ଯୁବତୀ ଜଣଙ୍କ କରିଥିଲେ । ସେ ଲେଖିଥିଲେ କି ସେ ସୁରକ୍ଷିତ ଭାବେ ନେଲ୍ଲୁରରେ ଅଛନ୍ତି । ଏହାପରେ ପୋଲିସ ସଂପୃକ୍ତ ଯୁବତୀଙ୍କୁ ତାଙ୍କ ବୟଫ୍ରେଣ୍ଡ ସହ ନେଲ୍ଲୁରରୁ ଠାବ କରିଛି ।