୧୯ରେ ବସିବ ବିଜେଡି ବିଧାୟକ ଦଳ ବୈଠକ । ଚୟନ କରାଯିବ ବିଧାୟକ ଦଳ ନେତା

648

କନକ ବ୍ୟୁରୋ: ଆସନ୍ତା ୧୯ ତାରିଖରେ ବସିବ ବିଜେଡି ବିଧାୟକ ଦଳ ବୈଠକ । ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଆସନ୍ତା ୧୯ ତାରିଖରେ ବିଜେଡିର ବୈଠକ ବସିବାକୁ ଯାଉଛି । ଯେଉଁଥିରେ କି ବିଧାୟକ ଦଳର ନେତା ଚୟନ କରାଯିବ । ତେବେ ମିଳିଥିବା ସୂଚନା ମୁତାବକ, ଅପରାହ୍ନ ୪ଟା ୩୦ ମିନିଟ୍ ସମୟରେ ଏହି ବୈଠକ ବସିବାକୁ ଅଛି । ଏହି ବୈଠକରେ ବିଧାନସଭାରେ କିଏ ବିରୋଧୀ ଦଳର ନେତା ହେବ, ତାହା ଚୟନ କରାଯିବ । ଖାସ୍ କରି ନବୀନ ପଟ୍ଟନାୟକ ନିଜେ ବିରୋଧୀ ଦଳର ନେତା ଆସନରେ ବସୁଛନ୍ତି, ନା ଅନ୍ୟ କେଉଁ ନେତା ବିରୋଧୀ ଦଳର ନେତା ହେଉଛନ୍ତି, ତାହା ଉପରେ ନଜର ରହିବ ।