କନକ ବ୍ୟୁରୋ : ମେଘାଳୟ ବିଜେପି ନେତା ବାର୍ନାଡ ଏନ ମାରକଙ୍କ ନାମରେ ପୁଣି ଏକ ସାଂଘାତିକ ଅଭିଯୋଗ ଆସିଛି । ପ୍ରଥମେ ସେ ତାଙ୍କ ଫାର୍ମ ହାଉସରେ ସେକ୍ସ ରାକେଟ ଚଳାଉଥିବା ନେଇ ପୋଲିସ ଖୋଲାସା କରିଥିଲା । ଏନେଇ ପୋଲିସ ମାରକଙ୍କ ଫାର୍ମ ହାଉସରୁ ୬ ଜଣ ନାବାଳିକାଙ୍କୁ ଉଦ୍ଧାର କରିବା ସହ ୭୩ ଜଣଙ୍କୁ ଗିରଫ କରିଥିଲା । ହେଲେ ମାରକ କେଉଁଆଡେ ଫେରାର ହୋଇଯାଇଥିଲେ । ଏହାପରେ ପୋଲିସ ତଦନ୍ତ କରି ତାଙ୍କୁ ଉତ୍ତର ପ୍ରଦେଶରୁ ଗିରଫ କରିଥିଲା । ପୁଣି ଏବେ ସେହି ଫାର୍ମ ହାଉସରେ ପୋଲିସ ଚଢାଉ କରି ବିସ୍ଫୋଟକ ଜବତ କରିଛି । ପୋଲିସର କହିବା ମୁତାବକ ମାରକଙ୍କ ଫାର୍ମ ହାଉସରୁ ୩୫ ଟି ଜିଲୋଟିନ ଛଡ ଜବତ ହୋଇଛି । ଏହାସହ କିଛି ପାରମ୍ପାରିକ ଅସ୍ତ୍ରଶସ୍ତ୍ର ଜବତ ହୋଇଥିବା କଥା ପୋଲିସ ସୂଚନା ଦେଇଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ପୋଲିସର ସୂଚନା ମୁତାବକ ମାରକଙ୍କ ଫାର୍ମ ହାଉସରୁ ୩୫ ଟି ଜିଲୋଟିନ ଛଡ, ୧୦୦ ଡିଟୋନେଟର୍ସ, ୪ ଟି କ୍ରସ ଧୁନଷ, ୧୫ ଟି ବାଣ ଜବତ ହୋଇଛି । ପୋଲିସ କହିବା ମୁତାବକ ସେଠାର ୬ ନାବାଳିକା ଉଦ୍ଧାର ହେବା ପରେ ପୋଲିସ ସେହି ଫାର୍ମ ହାଉସକୁ ନାବାଳିକାଙ୍କୁ ପୋଷାକ ଆଣିବାକୁ ଯାଇଥିବା ବେଳେ ଏଭଳି କିଛି ବିସ୍ଫୋଟକ ଓ ଅସ୍ତ୍ରଶସ୍ତ୍ର ଜବତ କରିଛି । ସେପଟେ ଉଦ୍ଧାର ହୋଇଥିବା ନାବାଳିକାଙ୍କ ମଧ୍ୟରେ ଜଣେ ନାବାଳିକା ତାଙ୍କ ବୟାନରେ କହିଛନ୍ତି କି ସେଠାରେ ତାଙ୍କୁ ଶାରୀରିକ ଶୋଷଣ କରାଯାଉଥିଲା ।
ଏସବୁ ଭିତରେ ଉଗ୍ରବାଦୀରୁ ଫେରି ମୁଖ୍ୟ ସ୍ରୋତରେ ସାମିଲ ହୋଇ ନେତା ହୋଇଥିବା ମାରକ କହିଛନ୍ତି କି ତାଙ୍କର ମୁଖ୍ୟମନ୍ତ୍ରୀଙ୍କ ସହ ଭଲ ସଂପର୍କ ନଥିବାରୁ ମୁଖ୍ୟମନ୍ତ୍ରୀ ତାଙ୍କ ମିଥ୍ୟା ମାମଲାରେ ଫସାଇ ପ୍ରତିଶୋଧ ନେବାକୁ ଏଭଳି ଯୋଜନା କରିଛନ୍ତି ।