ସାବଧାନ ! ଟ୍ୱିଟରରେ ଏମିତି କାମ କରନ୍ତୁ ନାହିଁ : ବନ୍ଦ ହୋଇପାରେ ଆପଣଙ୍କ ଆକାଉଣ୍ଟ
ବିଶେଷ –
୧ – ଅଭଦ୍ର ଭାଷା ଓ ଟ୍ରୋଲ୍ କରିବାକୁ ଚେଷ୍ଟା କରିବ ତ ବନ୍ଦ ହୋଇଯିବ ଆକାଉଣ୍ଟ
୨ – ୧୮ ଡିସେମ୍ବରରୁ ଟ୍ୱିଟରରେ କିଛି ନୂଆ ନିୟମ ସାମିଲ ହେବ
୩ – ଆଡଲ୍ଟ କଂଟେଟ ପାଇଁ ମଧ୍ୟ ବନ୍ଦ ହୋଇପାରେ ଆକାଉଣ୍ଟ
Kanak News is now on WhatsApp
Join and get latest news updates delivered to you via WhatsApp
ସୋସିଆଲ୍ ମିଡିଆ ଏବେ ଆମ ଜୀବନର ଏକ ଅଙ୍ଗ ପାଲଟିଗଲାଣି । କାହା ପାଇଁ ଟାଇମପାସ୍ ତ କାହା ପାଇଁ ଖୁବ୍ ଜରୁରି ଜିନିଷ ପାଲଟିଯାଇଛି । ଆଜିକାଲି ଲୋକେ ବ୍ୟବସାୟ ମଧ୍ୟ ସୋସିଆଲ୍ ମିଡିଆରେ କରୁଛନ୍ତି । ଯଥାର୍ଥରେ କହିବାକୁ ଗଲେ ଲୋକେ ଖୁବ୍ ନିର୍ଭରଶୀଳ ସୋସିଆଲ ମିଡିଆ ଉପରେ । ଖାଲି ଏତିକି ନୁହେଁ କାହାକୁ ଟ୍ରୋଲ୍ କରିବା ,ଖରାପ ଭାଷାରେ ଗାଳି କରିବା ସବୁ ଏମିତି କାମ ବି କିଛି ଲୋକ ସୋସିଆଲ ମିଡିଆରେ କରୁଛନ୍ତି । ଯାହା କି ଖରାପ ପ୍ରଭାବ ପକାଉଛି ଲୋକଙ୍କ ଭିତରେ । ଟ୍ୱିଟର ଏମିତି ଜିନିଷ ଆଣିଛି ଯେଉଁଥିରେ ଦୀର୍ଘ ସମୟ ଧରି ଟ୍ରୋଲିଂ ଶେଷ ହୋଇଯିବ । ୧୮ ଡିସେମ୍ବରରୁ ଟ୍ୱିଟରରେ କିଛି ନୂଆ ନିୟମ ସାମିଲ ହେଉଛି ।
ଜାଣନ୍ତୁ କେଉଁ କାମ କରିବେନାହିଁ ଟ୍ୱିଟରରେ !
ଅଭଦ୍ରା ଭାଷା ଓ ଟ୍ରୋଲ୍ କରିବାକୁ ଚେଷ୍ଟା କରୁଥିଲେ ବନ୍ଦ ହୋଇପାରେ ଆକାଉଣ୍ଟ । ଦେଖାଯାଏ ଯେ ଲୋକେ ଆଲୋଚନା କରିବା ସମୟରେ ବା କାହାକୁ ଥଟ୍ଟା କରିବା ବେଳେ ଖରାପ ଭାଷା ପ୍ରୟୋଗ କରିଥାନ୍ତି । ଯାହା ପ୍ରଥମେ ଡିଲିଟ୍ ହୁଏନାହିଁ । ଟ୍ୱିଟରର ନୂଆ ହେଟଫୁଲ୍ କଣ୍ଡକ୍ଟ ପଲିସ୍ ଅନୁସାରେ , ୧୮ ଡିସେମ୍ବରରୁ ଟ୍ୱିଟର ଅନୁସାରେ , ଯଦି କିଏ ଅଭଦ୍ର ଭାଷାରେ ଲେଖିବା ବା କାହାକୁ ଟ୍ରୋଲ୍ କରିବାକୁ ଚେଷ୍ଟା କରେ ଟ୍ୱିଟର ତାଙ୍କର ଆକାଉଣ୍ଟକୁ ସସପେଣ୍ଡ କରିଦେବ ।
ସସପେଣ୍ଡ କରିବା ପୂର୍ବରୁ ଦେବ ଚେତାବନୀ –
ଯଦି କିଏ ଏମିତି କରିବାକୁ ଚେଷ୍ଟା କରନ୍ତି ଟ୍ୱିଟରର ପଲିସ୍ ଅନୁଯାୟୀ ୟୁଜରକୁ ଟ୍ୱିଟ୍ ଡିଲିଟ୍ କରିବାକୁ ଚେତାବନୀ ଦେବ । ପୁଣି ଯଦି ଏମିତି କଲେ ଟ୍ୱିଟର ଆକାଉଣ୍ଟ ସସପେଣ୍ଡ ହୋଇଯିବ । ଏହାପରେ ୟୁଜର ଟ୍ୱିଟରରେ ପ୍ରବେଶ କରିପାରିବେ ନାହିଁ , ଯେବେ ଯାଏ ତାଙ୍କ ଆକାଉଣ୍ଟ ପୁଣି ଓପନ ନହୋଇଛି ।
ଏମିତି ଜିନିଷ କଲେ ବି ବନ୍ଦ ହୋଇପାରେ ଆକାଉଣ୍ଟ
୧ – ଇଂଟଲେକ୍ଚୁଆଲ୍ ପ୍ରପର୍ଟିର ଚୋରି କରିବା
୨ – ଗ୍ରାଫିକ୍ ଜରିଆରେ ଆଡଲ୍ଟ କଂଟେଟ
୩ – କୌଣସି ବ୍ୟକ୍ତିଙ୍କ ନାଁରେ ୟୁଜର ନେମ୍ କରିବା
ଏମିତି ଅନେକ ଥର ନଜର ଆସିଛି ଯେ , ଅଭଦ୍ର ଭାଷାରେ ଲେଖିବା ବା କାହାକୁ ଟ୍ରୋଲ୍ କରିବାକୁ ଚେଷ୍ଟା କରିବା ଭଳି କାର୍ଯ୍ୟ । ଯେଉଁଥି ପାଇଁ ଟ୍ୱିଟର ଏପରି ପଦକ୍ଷେପ ଉଠାଇଛି । ଅନେକ ଥର ବଲିଉଡ ସେଲିବ୍ରିଟିଙ୍କୁ ମଧ୍ୟ ଟ୍ରୋଲ୍ କରିବାର ଚେଷ୍ଟା କରାଯାଇଛି । ଏହାପରେ ଅନେକ ସୂଚନା ଦିଆଯାଇଛି । କିନ୍ତୁ ୧୮ ଡିସେମ୍ବର ଠାରୁ ବିନା କୈଣସି ଚେତାବନୀ ଦେଇ ପଦକ୍ଷେପ ନିଆଯିବ ବୋଲି ଟ୍ୱିଟର ସଂସ୍ଥା କହିଛି।