ଟ୍ରେନ ଟ୍ରାକ ନିକଟରେ କାହିଁକି ରଖାଯାଇଥାଏ ଆଲୁମିନିୟମ ବକ୍ସ ? ଟ୍ରେନ୍ ଚଳାଚଳ ସହ କଣ ରହିଛି ଏହି ବାକ୍ସର ସଂପର୍କ ? ପ୍ରତି ବାକ୍ସ ମଧ୍ୟରେ କେତେ ରହିଥାଏ ଦୂରତା ?
କନକ ବ୍ୟୁରୋ : ଯାତ୍ରୀଙ୍କ ସୁରକ୍ଷା ପାଇଁ ଭାରତୀୟ ରେଲୱେ ସବୁବେଳେ ତତ୍ପର ରହିଥାଏ । ରେଲୱେ ଯାତ୍ରାକୁ ଦେଶରେ ଅଧିକାଂଶ ଯାତ୍ରା ପସନ୍ଦ କରୁଥିବାବେଳେ ଭାରତୀୟ ରେଲୱେ ମଧ୍ୟ ଯାତ୍ରୀଙ୍କ ସୁରକ୍ଷାକୁ ସବୁବେଳେ ଦୃଷ୍ଟିରେ ରଖି ବିଭିନ୍ନ ନିୟମ ମଧ୍ୟ କରିଛି । ତେବେ ଆପଣ ଯାତ୍ରା କରିବା ବେଳେ ରେଲୱେ ଟ୍ରାକ ପାଖରେ ଥିବା ଏକ ଆଲୁମିନିୟମ ବକ୍ସ ରହିଥିବା ଲକ୍ଷ କରିଥିବେ ନିଶ୍ଚୟ । ତେବେ କେବେ ଆପଣଙ୍କ ମନରେ ପ୍ରଶ୍ନ ଆସିଛି କି? କାହିଁକି ଏହି ଆଲୁମିନିୟମ ବକ୍ସ ଗୁଡ଼ିକ ରହିଥାଏ?
Kanak News is now on WhatsApp
Join and get latest news updates delivered to you via WhatsApp
ଆଲୁମିନିୟମ ବକ୍ସ ଗୁଡ଼ିକ ଟ୍ରେନର କୋଚ ଗୁଡ଼ିକ ଗଣନା କରିଥାଏ । ଏହା ସହ ଟ୍ରେନ କେଉଁ ଦିଗକୁ ଯାଉଛି ଏବଂ ଏହାର ବେଗକୁ ମଧ୍ୟ କହିଥାଏ । ସୁରକ୍ଷା ପାଇଁ ରହିଥିବା ଏହି ବାକ୍ସ ମଧ୍ୟ ଦୁର୍ଘଟଣା ରୋକିବାରେ ସାହାର୍ଯ୍ୟ କରିଥାଏ । ତେବେ ଏହି ବାକ୍ସଗୁଡ଼ିକ ୩ରୁ ୫ କିଲୋମିଟର ଦୂରରେ ରହିଥାଏ । ଏହି ବାକ୍ସଗୁଡ଼ିକ ମଧ୍ୟରେ ଏକ ଷ୍ଟୋରେଜ ଡିଭାଇସ ଫିଟ ହୋଇଛି । ଯାହାକି ସିଧାସଳଖ ଟ୍ରେନ ଟ୍ରାକ ସହ ସଂଯୁକ୍ତ ହୋଇରହିଛି । ଯେତେବେଳେ ବି ଟ୍ରେନ ପାସ କରେ, ଟ୍ରାକ ପାଶ୍ୱର୍ରେ ଥିବା ବାକ୍ସ ଗୁଡ଼ିକ ଟ୍ରେନର ଗତି ଗଣନା କରିଥାଏ ।
ବାସ୍ତବରେ ଏହି ବାକ୍ସ ଟ୍ରାକରେ ଥିବା ଏକ ତାର ସହ ସଂଯୁକ୍ତ । ଯେତେବେଳେ ଟ୍ରେନ୍ ବାକ୍ସକୁ ଛାଡ଼ି ଗତି କରେ ସେତେବେଳେ ଏହା ଟ୍ରେନର କୋଚ ଏବଂ ଚକାକୁ ଗଣିଥାଏ । ଯଦି କୌଣସି ଅଘଟଣ ଘଟେ ତାହେଲେ ଆଗାମୀ ବାକ୍ସକୁ ରିପୋର୍ଟ ଯାଇଥାଏ । ତେବେ ପରବର୍ତୀ ବାକ୍ସ ଏହି ସୂଚନା ପାଇବା ମାତ୍ରେ ରେଡ ସିଗନାଲ ଦେଇଥାଏ ଆଉ ଟ୍ରେନ ଅଟକିଥାଏ । ଏହାପରେ ପରବର୍ତୀ ରେଳ ଷ୍ଟେସନକୁ ମଧ୍ୟ ସୂଚନା ଯାଇଥାଏ । ଯଦି ଟ୍ରେନର କୌଣସି କୋଚ ଅଲଗା ହୋଇ ଯାଆନ୍ତି ତେଣୁ ବାକ୍ସ ସାହାର୍ଯ୍ୟରେ ସେମାନେ କେଉଁଠାରେ ଛାଡ଼ିଛନ୍ତିି ତାହା ଜାଣିବା ସହଜ ହୋଇଥାଏ । ଏହା ସେଗୁଡ଼ିକ ଖୋଜିବା ଏବଂ ଅନୁସନ୍ଧାନ କରିବାରେ ସାହାର୍ଯ୍ୟ କରେ । ଏହାସହ ଏହି ବାକ୍ସ ଗୁଡ଼ିକ ଟ୍ରେନର ଗତି ଏବଂ ଟ୍ରେନର ଦିଗକୁ ରେକର୍ଡ କରିଥାଏ ।