‘ଯିଏ ଦଳ ଛାଡିଯିବାକୁ ଚାହାଁନ୍ତି ଯାଇପାରନ୍ତି, ମୁଁ ନୂଆ ଶିବସେନା ଗଢିବି’ : ସାମ୍ବାଦିକ ସମ୍ମିଳନୀରେ ଏପରି କହିଲେ ଉଦ୍ଧବ ।
କନକ ବ୍ୟୁରୋ: ମହାରାଷ୍ଟ୍ରରେ ଲାଗିରହିଥିବା ରାଜନୈତିକ ସଙ୍କଟ ମଧ୍ୟରେ ବିରୋଧୀଙ୍କୁ କଡା ଜବାବ ଦେଇଛନ୍ତି ମହାରାଷ୍ଟ୍ରର ମୁଖ୍ୟମନ୍ତ୍ରୀ ତଥା ଶିବସେନାର ଅଧ୍ୟକ୍ଷ ଉଦ୍ଧବ ଠାକରେ । ‘ଯେଉଁମାନେ ଯିବାକୁ ଚାହୁଁଛନ୍ତି ସେମାନେ ବିନା ଦ୍ୱିଧାରେ ଯାଇପାରନ୍ତି, ମୁଁ ନୂଆ ଶିବସେନା ଗଢିବି’ ବୋଲି ଉଦ୍ଧବ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କର୍ପୋରେଟରଙ୍କୁ ଭିଡିଓ କନଫେରନ୍ସିଙ୍ଗ ଜରିଆରେ ଉଦବୋଧନ ଦେବା ସମୟରେ ବିରୋଧୀଙ୍କ ପ୍ରତି ଏଭଳିି କଥା ମତ ଦେଇଛନ୍ତି ଉଦ୍ଧବ । ଉଦବୋଧନ ଦେବା ସମୟର ସେ ଆହୁୁରି ମଧ୍ୟ କହିଛନ୍ତି ଯେ, ସାଧାରଣ ଶିବାସେନା କର୍ମୀମାନେ ମୋର ସମ୍ପତ୍ତି । ସେମାନେ ଯେପର୍ୟ୍ୟନ୍ତ ମୋ ସାଙ୍ଗରେ ଥିବେ ଅନ୍ୟମାନଙ୍କ ସମାଲୋଚନାକୁ ମୋର ପରବାୟ ନାହିଁ । ଆପଣା ଲୋକେ ଶିବସେନା ପ୍ରତି ବିଶ୍ୱାସଘାତକତା କରିଛନ୍ତି । ଗୌହାଟୀରେ ଡେରା ପକାଇଥିବା ଏକନାଥଙ୍କ ସହ ଅଧିକାଂଶ ବିଧାୟକ ଯୋଗଦେଇଥିବାରୁ ମୋ ସରକାର ସଙ୍କଟରେ ପଡିଛି । ଆପଣମାନଙ୍କ ମଧ୍ୟରୁ ଅନେକ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଆଶାୟୀ ଥିବାବେେଳେ ଆମେ ଉକ୍ତ ବିଦ୍ରୋହୀଙ୍କୁ ଟିକେଟ ଦେଇଥିଲୁ । ଆପଣମାନଙ୍କ କଠିନ ପରିଶ୍ରମ ବଳରେ ବିଜୟୀ ହେବା ପରେ ସେମାନେ ଅସନ୍ତୁଷ୍ଟ ହୋଇ ଏବେ ନିଜ ପତିଆରା ଦେଖାଉଛନ୍ତି । ଏଭଳି ସଙ୍କଟ ସମୟରେ ମଧ୍ୟ ଆପଣମାନେ ଦଳକୁ ସମର୍ଥନ କରୁଛନ୍ତି । ସେଥିପାଇଁ ଯେତେ ପରିମାଣରେ କୃତଜ୍ଞତା ଜ୍ଞାପନ କରିବା କଥା ମୁଁ କରିପାରୁନାହିଁ’ ବୋଲି ଉଦ୍ଧବ କହିଛନ୍ତି ।
ସେ ଆହୁରି ମଧ୍ୟ କହିଛନ୍ତି ଯେ, ଯଦି ଜଣେ ଶିବସେନା କର୍ମୀ ମୁଖ୍ୟମନ୍ତ୍ରୀ ହେବେ ତେବେ ବିଜେପି ସହ ମେଣ୍ଟ କର । କିନ୍ତୁ ଜଣେ ଯଦି ଉପମୁଖ୍ୟମନ୍ତ୍ରୀ ହୁଅନ୍ତି ତେବେ ମୋତେ କହିବାର ଥିଲା । ମୁଁ ତାଙ୍କୁ ଉପମୁଖ୍ୟମନ୍ତ୍ରୀ କରାଇଦେଇଥାନ୍ତି । ବିଜେପି ସହିତ ମେଣ୍ଟ କରିବା ଛଡା ବିଦ୍ରୋହୀ ବିଧାୟକଙ୍କର ଅନ୍ୟ ଉପାୟ ଆଉ ନାହିଁ । ଯଦି ସେମାନେ ସରକାର ଗଢିବାରେ ସଫଳ ହୁଅନ୍ତି ସେ ସରକାର ବେଶି ଦିନ ତିଷ୍ଠିବ ନାହିଁ । କାରଣ ବିଦ୍ରୋହୀ ଗୋଷ୍ଠୀରେ ମଧ୍ୟ ଅନେକ ବିଧାୟକ ବାସ୍ତବରେ ଖୁସି ନାହାଁନ୍ତି’ ବୋଲି ଉଦ୍ଧବ ଠାକରେ କହିଛନ୍ତି ।