ଯୁଦ୍ଧ ଭିତରେ ୟୁକ୍ରେନ ଉପରେ ବଡ ଅଭିଯୋଗ ଆଣିଲା ରୁଷ : ପ୍ରତିରକ୍ଷାମନ୍ତ୍ରୀ କହିଲେ ରୁଷ ସୈନିକଙ୍କୁ ଟାର୍ଗେଟ କରି ୟୁକ୍ରେନ ବ୍ୟବହାର କରୁଛି ଡାର୍ଟି ବମ୍
କନକ ବ୍ୟୁରୋ : ୟୁକ୍ରେନ ଉପରେ ରୁଷ ଆଣିଲା ନୂଆ ଅଭିଯୋଗ । ରୁଷ ପ୍ରତିରକ୍ଷାମନ୍ତ୍ରୀ ଅଭିଯୋଗ କରିଛନ୍ତି କି ରୁଷ ସେନା ଅକ୍ତିଆର କରୁଥିବା ସ୍ଥାନରେ ୟୁକ୍ରେନ ଡାର୍ଟି ବୋମାରେ ଆକ୍ରମଣ କରୁଛି । ରୁଷ ପ୍ରତିରକ୍ଷାମନ୍ତ୍ରୀ ସଗେଇ ଶୋଝୁଙ୍ଗ ୟୁକ୍ରେନ ଉପରେ ଏହି ଅଭିଯୋଗ ଆଣିବା ସହ ବ୍ରିଟେନ, ଫ୍ରାନ୍ସ ଓ ତୁର୍କୀର ସମକ୍ଷକ ନେତାଙ୍କୁ ଫୋନରେ ଏହି ସମ୍ବନ୍ଧରେ ଜଣାଇଛନ୍ତି । ଏଥିସହ ଆମେରିକା ପ୍ରତିରକ୍ଷାମନ୍ତ୍ରୀ ଲାଏଡ ଆଷ୍ଟିନଙ୍କୁ ମଧ୍ୟ ଏହା ବିଷୟରେ ଅବଗତ କରାଇଛି ରୁଷ ।
Kanak News is now on WhatsApp
Join and get latest news updates delivered to you via WhatsApp
କେବଳ ୟୁକ୍ରେନ ଉପରେ ରୁଷ ଅଭିଯୋଗ ଆଣିନି ବଂର ଏକଥା ମଧ୍ୟ କହିଛି କି ୟୁକ୍ରେନ ପଶ୍ଚିମଦେଶମାନଙ୍କ ଇସାରାରେ ଏଭଳି କରୁଛି । ୟୁକ୍ରେନ ମଧ୍ୟ ରୁଷର ଏହି ଅଭିଯୋଗକୁ ଖଣ୍ଡନ କରିଛି । ଘଟଣାକୁ ନେଇ ମିଳିତ ଜାତିସଂଘର ପରମାଣୁ ନୀରିକ୍ଷଣ ସଂସ୍ଥା ଆଇ.ଇ.ଏ କହିଛି କି ରୁଷ ଯେଉଁ ଅଭିଯୋଗ ୟୁକ୍ରେନ ଉପରେ ଆଣୁଛି ତାର ପ୍ରମାଣ କିଛି ବି ଉପସ୍ଥାପନ କରୁନି । ତେଣୁ ନାଟୋ ଏହାକୁ ଖାରଜ କରୁଛି । ୟୁକ୍ରେନ ରାଷ୍ଟ୍ରପତି ଭୋଲଦମୀର ଜେଲେନକ୍ସି କହିଛନ୍ତି ରୁଷର ଅଭିଯୋଗ ପୂରା ମିଛ । ଏଭଳି ଅଭିଯୋଗ ଆଣି ପାଲଟା ୟୁକ୍ରେନ ଉପରେ ଡାର୍ଟି ବମର ପ୍ରୟୋଗ ପାଇଁ ପ୍ରୟାସ କରୁଛି ରଋଷ ମୌକା ଦେଖି କେତେବେଳେ ଡ୍ରୋନ ଜରିଆରେ ତ ପୁଣି କେତେବେଳେ ଡର୍ଟି ବୋମାରେ ୟୁକ୍ରେନ ଉପରକୁ ଆକ୍ରମଣ କରୁଥିବା ଅଭିଯୋଗ ହୋଇଛି ।
ଏହି ଡାର୍ଟି ବମ ବେଶ ବିପଦପୂର୍ଣ୍ଣ ହେବା ସହ ଏହା ଏକ ପରମାଣୁ ହତିଆର । ଯେଉଁଥିରେ ରେଡିଓ ରେଡିଆନ୍ସସ ରହିଥାଏ ଓ ଏହା ଆଖପାଖ ବହୁ ସ୍ଥାନକୁ ପ୍ରଭାବିତ କରେ । ଋଷ-ୟୁକ୍ରେନ ଯୁଦ୍ଧକୁ ପୁରିଛି ୯ମାସରୁ ଅଧିକ ସମୟ । ଯୁଦ୍ଧର ୯ମାସରେ ଉଭୟ ରୁଷ-ୟୁକ୍ରେନର ଅନେକ କ୍ଷୟକ୍ଷତି ହୋଇସାରିଲାଣି । ନିକଟରେ କ୍ରିମିୟା ବ୍ରିଜ ଧ୍ୱଂସ ପାଇବା ପରେ ୟୁକ୍ରେନ ଉପରେ ରକ୍ତମୁଖା ରୁଷ ଦୁଇ ଦୁଇ ଥର ବଡ ଧରଣର ଆକ୍ରମଣ କରି ବଡ କ୍ଷୟ ଘଟାଇଛି । ଏହା ଭିତରେ ପୁଣି ୟୁକ୍ରେନ ଉପରେ ରୁଷ ନୂଆ ଅଭିଯୋଗ ଆଣିଛି ।