କନକ ବ୍ୟୁରୋ : ଭାରତୀୟ କ୍ରିକେଟ ଟିମର ପୂର୍ବତନ ଖେଳାଳୀ ବିନୋଦ କାମ୍ବଲୀ ଏବେ ଆର୍ଥିକ ସମସ୍ୟା ଦେଇ ଗତି କରୁଛନ୍ତି । ଏହି କାରଣରୁ ସେ କାମ ସନ୍ଧାନରେ ଥିବା କଥା କୁହାଯାଇଛି । କାମ୍ବଲୀ କହିଛନ୍ତି କି, ଏବେ ସେ କେବଳ ବିସିସିଆଇ ଦ୍ୱାରା ଦିଆଯାଉଥିବା ପେନସନରେ ନିଜ ପରିବାରର ପ୍ରତିପୋଷଣ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିନୋଦ କାମ୍ବଲୀ କହିଛନ୍ତି କି ତାଙ୍କର ପୂର୍ବତନ ସାଥୀ ସଚିନତେନ୍ଦୁଲକର ତାଙ୍କ ଆର୍ଥିକ ସମସ୍ୟା ସଂପର୍କରେ ସବୁ ଜାଣିଛନ୍ତି । ହେଲେ ସଚିନଙ୍କ ଠାରୁ କିଛି ସାହାଯ୍ୟ ଆଶା କରିନାହାଁନ୍ତି କାମ୍ବଲୀ । କାରଣ କାମ୍ବଲୀ କହିଛନ୍ତି କି ପୂର୍ବରୁ ସଚିନ ତାଙ୍କୁ ଅନେକଥର ସାହାଯ୍ୟ କରିଛନ୍ତି ।
୫୦ ବର୍ଷିୟ କାମ୍ବଲୀ ଶେଷଥର ପାଇଁ ୨୦୧୯ ମସିହାରେ ଏକ ଟିମର କୋଚର ଥିଲେ । ସେତେବେଳେ ସେ ଟି-୨୦ ଲିଗରେ ମୁମ୍ବାଇ ଟିମ୍ ସହ ଯୋଡି ହୋଇଥିଲେ । ହେଲେ ତା ପରେ କରୋନା ସବୁକିଛି ବଦଳାଇ ଦେଲା । ଏବେ ସେ କେବଳ ବିସିସିଆଇ ଦ୍ୱାରା ଦିଆଯାଉଥିବା ମାସିକ ୩୦ ହଜାର ଟଙ୍କାର ନିଜ ପରିବାର ଚଳାଉଛନ୍ତି । ଏହା ବ୍ୟତୀତ ସେ ତେନ୍ଦୁଲକର ମିଡିଲସେକ୍ସ ଗ୍ଲେଶବାଲ ଏକାଡେମୀରେ ଟ୍ରେନିଂ ଦେଉଥିଲେ । ହେଲେ ଏହା ତାଙ୍କଘର ଠାରୁ ଅନେକ ଦୂରରେ ହୋଇଥିବାରୁ ସେ ଏହି ଚାକିରି ଛାଡି ଦେଇଛନ୍ତି ।
ଆପଣଙ୍କୁ କହିରଖୁ କି ବିନୋଦ କାମ୍ବଲୀ ଭାରତୀୟ ଟିମରେ ମୋଟ ୧୦୪ ଟି ଏକଦିବସୀୟ ମ୍ୟାଚ ଖେଳିଛନ୍ତି । ଏଥିଷର ୧୭ ଟି ଟେଷ୍ଟ ମ୍ୟାଚ ବି ସାମିଲ ଅଛି । ହେଲେ କିଛିଦିନ ପୂର୍ବରୁ ନିଶାରେ ଗାଡି ଚଳାଉଥିବା ବେଳେ ଧରାପଡି ସେ ଚର୍ଚ୍ଚାକୁ ଆସିଥିଲେ ।