ବେଦାନ୍ତ ଆଲୁମିନିୟମ ଓଡ଼ିଶାକୁ ବିଶ୍ୱରେ ଆଲୁମିନିୟମ କ୍ୟାପିଟାଲରେ ପରିଣତ କରିବା ପାଇଁ ପ୍ରତିଶୃତିବଦ୍ଧ
କନକ ବ୍ୟୁରୋ : ବେଦାନ୍ତ ଆଲୁମିନିୟମ ଓଡ଼ିଶାର ଔଦ୍ୟୋଗିକ କ୍ଷେତ୍ରରେ ଏକ ଅଗ୍ରଣୀ ସଂସ୍ଥା । ଏହା ଭାରତ ତଥା ବିଶ୍ୱରେ ଓଡ଼ିଶାକୁ ଆଲୁମିନିୟମ କ୍ୟାପିଟାଲରେ ପରିଣତ କରିବା ପାଇଁ ସଂକଳ୍ପବଦ୍ଧ । ଏହାର ବ୍ୟାପକ କାର୍ୟ୍ୟକଳାପ ଏବଂ ରାଜ୍ୟର ଅପାର ସମ୍ଭାବନାକୁ ସୂଚୀତ କରିଛି । ୧,୦୦,୦୦୦ କୋଟି ଟଙ୍କାରେ ବେଦାନ୍ତର ଓଡ଼ିଶାରେ ମିଳିତ ପୁଞ୍ଜି ବିନିଯୋଗ ବିଶ୍ୱର ଯେକୌଣସି ସ୍ଥାନରେ ବୃହତ ବୋଲି ପରିଗଣିତ ହୁଏ ।
Kanak News is now on WhatsApp
Join and get latest news updates delivered to you via WhatsApp
ଆଲୁମିନିୟମ ହେଉଛି ଭବିଷ୍ୟତର ଧାତୁ, ସବୁଜ ପ୍ରଯୁକ୍ତି ପାଇଁ ଏକ ଗୁରୁତ୍ୱପୂର୍ଣ୍ଣ ଧାତୁ ଭାବରେ ଚିହ୍ନଟ ହୋଇଛି, ଯାହା ଭାରତର ନେଟ ଜିରୋ କାର୍ବନ ଯାତ୍ରାକୁ ଶକ୍ତି ଦେବ । ବେଦାନ୍ତ ଆଲୁମିନିୟମ ଏରୋସ୍ପଶ, ଜାତୀୟ ପ୍ରତିରକ୍ଷା, ଭିତିଭୂମି, ବିଦ୍ୟୁତିକରଣ ପରି ବହୁ ଗୁରୁତ୍ୱପୂର୍ଣ୍ଣ କ୍ଷେତ୍ରରେ ବ୍ୟବହୃତ ହୋଇଥାଏ । ଦେଶର ଆତ୍ମନିର୍ଭରଶୀଳତା ପାଇଁ ଅଟୋମୋବାଇଲ, ବୈଦ୍ୟୁତିକ ଯାନ ଓ ହାଇଟେକ ଉତ୍ପାଦନରେ କଂପାନି ନୂଆ ଉତ୍ପାଦ ଲାଇନ ସଂଯୋଗ କରିଛି ।
ଘରୋଇ ଆଲୁମିନିୟମ ଶିଳ୍ପ ଓ ଭାରତର ଶିଳ୍ପ ଓ ଅର୍ଥନୀତି ଭବିଷ୍ୟତକୁ ସମୃଦ୍ଧ କରିବାରେ ଓଡ଼ିଶା ପ୍ରମୁଖ ଭୂମିକା ଯୋଗାଉଛି । ଭାରତୀୟ ମିନେରାଲସ ଇୟର ବୁକ ଅନୁଯାୟୀ ଦେଶରେ ବ୍କସାଇଟ ସମ୍ବଳର ୪୧% ରାଜ୍ୟ ଅବଦାନ ଯୋଗାଇଥାଏ । ଆଜି ବିଶ୍ୱସ୍ତରୀୟ ଆଲୁମିନିୟମ ମୂଲ୍ୟ ଶୃଙ୍ଖଳାରେ ଓଡ଼ିଶା ଏକ ହବ ହୋଇଛି ।
ଏହାର ବହୁମୁଖୀ ଗୁଣ ଯୋଗୁ ୨୦୩୦ ସୁଦ୍ଧା ଭାରତରେ ଆଲୁମିନିୟମର ଚାହିଦା ୪ଏମଟିପିଏରୁ ୧୦ ଏମଟିପିଏକୁ ଦ୍ୱିଗୁଣିତ ହେବା ଆଶା କରାଯାଏ ତେଣୁ ଏଥିପାଇଁ ୪ ଲକ୍ଷ କୋଟିରୁ ଅଧିକ ପୁଞ୍ଜିବିନିଯୋଗ ଆବଶ୍ୟକ ହେବ । ଭାରତର ମୁଣ୍ଡପିଛା ଆଲୁମିନିୟମ ବ୍ୟବହାର ମାତ୍ର ୩ କିଲୋଗ୍ରାମ, ଯାହା ବିଶ୍ୱସ୍ତରୀୟ ମୁଣ୍ଡପିଛା ୧୧ କିଲୋଗ୍ରାମରୁ କମ ଅଟେ । ଭାରତ ୫ ଟ୍ରିଲିୟନ ଡଲାରର ଅର୍ଥନୀତିରେ ପହଁଚିବା ସହ ଆଲୁମିନିୟମର ଚାହିଦା ବୃଦ୍ଧି ପାଇବ । ଏହି ସୁଯୋଗ ଅପେକ୍ଷାରେ ଓଡ଼ିଶା ନିଜକୁ ପ୍ରସ୍ତୁତ କରିସାରିଛି ।
ଓଡ଼ିଶାରେ ବେଦାନ୍ତ ଆଲୁମିନିୟମର କାର୍ୟ୍ୟ ଭାରତକୁ ଏକ ଆଲୁମିନିୟମ ଉତ୍ପାଦକ ଭାବେ ମାନଚିତ୍ରରେ ସ୍ଥାନ ଦେଇଛି । ଏହି ପରିବର୍ତନ ପଛରେ ରହିଛି ଓଡ଼ିଶାର ବେଦାନ୍ତର କାର୍ୟ୍ୟ । ବାର୍ଷିକ ୧.୮ ମିଲିୟନ ଟନ କ୍ଷମତା ସଂପନ୍ନ ଝାରସୁଗୁଡ଼ାର ମେଲଟିଂ ସୁବିଧା ବିଶ୍ୱର ୧ ମିଲିୟନ ଟନ କ୍ଲବରେ ଏକମାତ୍ର ଭାରତୀୟ ସ୍ମେଲଟର ଭାବରେ ଛିଡ଼ା ହୋଇଛି । କଂପାନି ଓଡ଼ିଶାର କଳାହାଣ୍ଡିର ଲାଂଜିଗଡ଼ରେ ଏକ ବିଶ୍ୱସ୍ତରୀୟ ୨ ଏମଟିପିଏ ଆଲୁମିନା ରିଫାଇନାରୀ ମଧ୍ୟ ପରିଚାଳନା କରୁଛି । ସବୁଜ ଧାତୁର ବଢୁଥିବା ଚାହିଦାକୁ ପୂରଣ ଲାଗି କଂପାନି ପ୍ରତିଯୋଗିତା ମୂଳକ ଭାବେ ଏହାର ଖଣିଗୁଡ଼ିକର କାର୍ୟ୍ୟଦକ୍ଷତା ବୃଦ୍ଧି ପାଇଁ ଧ୍ୟାନ ଦେଉଛି ।
କଂପାନି ବିବିଧ ଉତ୍ପାଦ ପରିସର ସୃଷ୍ଟି କରି ୫୦+ ଦେଶକୁ ଯୋଗାଣ କରୁଛି । ଗୁଣବତା ପ୍ରତି ବିଶେଷ ଦ୍ୟାନ ଦେଇ ଏହା ବ୍ୟୁରୋ ଅଫ ଇଣ୍ଡିଆନ ଷ୍ଟାଣ୍ଡାର୍ଡ ପ୍ରମାଣ ପତ୍ର ଲାଭ କରିଛି । ବିଶ୍ୱ ପାଇଁ ଏକ ଉତ୍ପାଦନ ହବ ଭାବରେ ଉଭା ହେବାକୁ ସକ୍ଷମ ହୋଇପାରିଛି ।
ସ୍ଥିରତା ପାଇଁ କଂପାନିର ଅଦ୍ୟମ ପ୍ରଚେଷ୍ଟା ବିଶ୍ୱରେ ସ୍ୱୀକୃତି ଲାଭ କରିଛି । ଏହାର ଝାରସୁଗୁଡ଼ାର ସ୍ମେଲଟର ସମ୍ମାନଜନକ ଆଲୁମିନିୟମ ଷ୍ଟିୱାର୍ଡଶିପ ଇନିସିଏଟିଭ ପ୍ରମାଣପତ୍ର ଲାଭ କରିଛି । ଏହା ବିଶ୍ୱର ସ୍ଥିରତା ମାନକକୁ ସୂଚୀତ କରେ । ଅନ୍ୟ ପକ୍ଷରେ ଏହାର ଉତ୍ପାଦ ଗୁଡ଼ିକ ଆନ୍ତର୍ଜାତିକ ମାନର ହୋଇଥିବା ମଧ୍ୟ ପ୍ରମାଣିତ ହୋଇଛି ।
ବେଦାନ୍ତର କାର୍ୟ୍ୟ ପରିମାଣ ନିଶ୍ଚିତ କରେଯେ ଓଡ଼ିଶାରେ ମୋଟ ରାଜ୍ୟ ଘରୋଇ ଉତ୍ପାଦରେ ଏହାର ଅବଦାନ ମହତ୍ୱପୂର୍ଣ୍ଣ, ଯାହା ରାଜ୍ୟର ଜିଏସଡିପିର ପ୍ରାୟ ୪% ଅଟେ । ଅର୍ଥନୈତିକ କ୍ଷେତ୍ର ବାହାରେ ବେଦାନ୍ତ ଆଲୁମିନିୟମର ସମାଜିକ କାର୍ୟ୍ୟକ୍ରମ ପ୍ରାୟ ୨୦୦ଟି ଦୂରବର୍ତି ଗ୍ରାମରେ ପହଁଚିଥାଏ । ଯାହା ଦ୍ୱାରା ଭାରତର ଗାଁର ପ୍ରାୟ ୩ ଲକ୍ଷରୁ ଅଧିକ ଲୋକ ଉପକୃତ ହୋଇଥାନ୍ତି । ଶିକ୍ଷା, ସ୍ୱାସ୍ଥ୍ୟ, ଭିତିଭୂମି, ଜୀବିକା, କ୍ରୀଡ଼ା ଓ ସଂସ୍କୃତିର ବିକାଶ ପାଇଁ ଏହା ଧ୍ୟାନ ପ୍ରଦାନ କରିଆସୁଛି ।
ଭାରତକୁ ଏକ ବିଶ୍ୱ ଉତ୍ପାଦନ ଗୃହରେ ପରିଣତ କରିବାରେ ବେଦାନ୍ତର କାର୍ୟ୍ୟ ପ୍ରମୁଖ ଭୂମିକା ଗ୍ରହଣ କରିଛି ଓ ବୃହତ ଆଲୁମିନିୟମ ଉତ୍ପାଦନକାରୀ ଚୀନ ଓ ଋଷ ପାଇଁ ଏକ ବିକଳ୍ପ ହୋଇପାରିଛି । ବ୍ୟବସାୟିକ ଉତ୍କର୍ଷତା ଓ ନିରନ୍ତର ଅଭିବୃଦ୍ଧି ବଳରେ ବେଦାନ୍ତ ଆଜି ଆତ୍ମନିର୍ଭରଶୀଳତାର ପରାକାଷ୍ଠା ଦେଖାଇପାରିଛି ।