ଆଇଏଏସ୍ ପରୀକ୍ଷାରେ ପଛରେ ପଡିଲେ ପୁଅ । ସର୍ବଭାରତୀୟ ରାଙ୍କରେ ପ୍ରଥମ ୩ ଜଣ ଝିଅ ।
କନକ ବ୍ୟୁରୋ: ଶ୍ରୁତି ଶର୍ମା, ଅଙ୍କିତା ଅଗ୍ରୱାଲ, ଗାମିନି ସିଙ୍ଗ୍ଲା । ଶ୍ରୁତି ଶର୍ମା ଆଇଏଏସ୍ ଟପ୍ପର ହୋଇଥିବା ବେଳେ ଦ୍ୱିତୀୟ ଟପ୍ପର ହୋଇଛନ୍ତି ଅଙ୍କିତା ଅଗ୍ରୱାଲ । ୟୁପିଏସସି ପରୀକ୍ଷାରେ ତୃତୀୟ ରାଙ୍କ ହାସଲ କରିଛନ୍ତି ଗାମିନି ସିଙ୍ଗ୍ଲା । ଅର୍ଥାତ ଆଇଏଏସ ପରୀକ୍ଷାରେ ପ୍ରଥମ ତିନିଟି ରାଙ୍କ ଅଧିକାର କରିଛନ୍ତି ଝିଅ । ଜେଏନୟୁରେ ଶିକ୍ଷା ଲାଭ ପରେ ଜାମିଆ ମିଲିଆ ଇସଲାମିୟା ରେସିଡେନ୍ସିଆଲ୍ କୋଚିଂ ଏକାଡେମିରେ ସିଭିଲ୍ ସର୍ଭିସ ପରୀକ୍ଷା ପାଇଁ ପ୍ରସ୍ତୁତ ହେଉଥିଲେ ଆଇଏଏସ ଟପ୍ପର ଶ୍ରୁତି ଶର୍ମା ।
Kanak News is now on WhatsApp
Join and get latest news updates delivered to you via WhatsApp
ଓଡିଶାରୁ ଅଙ୍କୁର ଦାସ ୫୨ ନମ୍ବର ରାଙ୍କ, କାର୍ତ୍ତିକ ପାଣିଗ୍ରାହୀ ୬୩ ରାଙ୍କ, ଏବଂ ସୁନ୍ଦରଗଡର ଗୌରବ ଅଗ୍ରୱାଲ ୮୬ ରାଙ୍କ ରଖିଥିବା ସୂଚନା ରହିଛି । ସେହିପରି ଦୁର୍ଗା ପ୍ରସାଦ ଅଧିକାରୀ ୨୦୫ ରାଙ୍କ, ବିଶ୍ୱ ତ୍ରିପାଠୀ ୨୩୨ ରାଙ୍କ ରଖିଥିବା ବେଳେ ସୌମ୍ୟରଞ୍ଜନ ପ୍ରଧାନ ୩୦୬ ରାଙ୍କ ରଖିଛନ୍ତି । ୨୩୨ ରାଙ୍କ ରଖିଥିବା ବିଶ୍ୱ ତ୍ରିପାଠୀ ଏବେ ଓଏଏସ୍ ଅଫିସର ରହିଛନ୍ତି । ବିନା କୋଚିଂରେ ନିଜ ଉଦ୍ୟମରେ ପଢ଼ି ୟୁପିଏସସି ପରୀକ୍ଷାରେ ସେ ସଫଳତା ହାସଲ କରିଛନ୍ତି ।
ଆଇଏଏସ ପରୀକ୍ଷାରେ ୬୩ ନମ୍ବର ରାଙ୍କ ରହିଛନ୍ତି ସୋନପୁରର କାର୍ତିକ ପାଣିଗ୍ରାହୀ । କରୋନା ସମୟରେ କିଭଳି ଆଇଏଏସ୍ ପରୀକ୍ଷା ପାଇଁ ପ୍ରସ୍ତୁତ ହେଉଥିଲେ କହିଛନ୍ତି କାର୍ତିକ । ୟୁପିଏସସି-୨୦୨୧ ପରୀକ୍ଷାରେ ମୋଟ ୬୮୫ ଜଣ କୃତକାର୍ଯ୍ୟ ହୋଇଛନ୍ତି । ଏମାନଙ୍କ ମଧ୍ୟରୁ ୧୮୦ ଜଣ ଆଇଏଏସ୍, ୨୦୦ ଜଣ ଆଇପିଏସ୍ ଓ ୩୭ ଜଣ ଆଇଏଫ୍ଏସ୍ ପାଇଁ ମନୋନୀତ ହୋଇଛନ୍ତି ।