ପ୍ରଧାନମନ୍ତ୍ରୀ ଫସଲ ବୀମା ଯୋଜନାରେ ବିଜେଡ଼ିର ରାଜ୍ୟବ୍ୟାପୀ ବିକ୍ଷୋଭ । ଅର୍ଚ୍ଚନା ନାଗ ମାମଲାରେ ବିଜେପିରେ ନବୀନ ନିବାସ ଘେରାଉ
କନକ ବ୍ୟୁରୋ: ପ୍ରଧାନମନ୍ତ୍ରୀ ଫସଲ ବୀମା ଯୋଜନାରେ ଓଡ଼ିଶା ଚାଷୀଙ୍କୁ ହତାଦର କରାଯାଉଥିବା ଅଭିଯୋଗରେ ବିଜେଡିର ବିକ୍ଷୋଭ । ସବୁ ଜିଲ୍ଲାର ଜିଲ୍ଲାପାଳଙ୍କ କାର୍ଯ୍ୟାଳୟ ଓ ରାଜଭବନର ସମ୍ମୁଖରେ ଦଳ ବିକ୍ଷୋଭ ପ୍ରଦର୍ଶନ କରୁଛି ।
Kanak News is now on WhatsApp
Join and get latest news updates delivered to you via WhatsApp
ଦଳ ଅଭିଯୋଗ କରିଛି ଯେ, ପ୍ରଧାନମନ୍ତ୍ରୀ ଫସଲ ବୀମା ଯୋଜନାରେ ରାଜ୍ୟର ଲକ୍ଷ ଲକ୍ଷ ଚାଷୀଙ୍କୁ ବୀମା ରାଶି ପାଇବାରୁ ବଂଚିତ କରି ବୀମା କମ୍ପାନୀଗୁଡ଼ିକ ସମୟ ଗଡାଇ ଚାଲିଛନ୍ତି । ଯେଉଁଥିପାଇଁ ରାଜ୍ୟର ଗରିବ ଚାଷୀମାନେ ୫ ଶହ କୋଟି ଟଙ୍କାର ବକେୟା ବୀମା ରାଶି ନପାଇ ଦୁର୍ଦ୍ଦଶା ଭୋଗୁଛନ୍ତି । ଏନେଇ ମୁଖ୍ୟମନ୍ତ୍ରୀ ଗତ ଅଗଷ୍ଟ ୨୮ରେ କେନ୍ଦ୍ର କୃଷି ମନ୍ତ୍ରୀଙ୍କୁ ଚିଠି ଲେଖିଥିଲେ ମଧ୍ୟ କେନ୍ଦ୍ର ସରକାର ନିରବଦ୍ରଷ୍ଟା ସାଜିଛନ୍ତି । ଏହାକୁ ପ୍ରତିବାଦ କରି ବିଜେଡି ବିକ୍ଷୋଭ ପ୍ରଦର୍ଶନ କରୁଛି ।
ଅନ୍ୟପଟେ ଅର୍ଚ୍ଚନା ନାଗ ବ୍ଲାକମେଲିଂ ମାମଲାରେ ଆଜି ନବୀନ ନିବାସ ଘେରାଉ କରିବ ବିଜେପି । ବିଜେପି ବି ଏହି ପ୍ରସଙ୍ଗରେ ମୁଖ୍ୟମନ୍ତ୍ରୀ ମୁହଁ ଖୋଲନ୍ତୁ ବୋଲି ଦାବି କରିଛି । ଦଳ ଦାବି କରିଛି ମାମଲାକୁ ସିବିଆଇକୁ ହସ୍ତାନ୍ତର କରାଯାଉ । ସରକାର ଜାଣିଶୁଣି ଦୋଷୀକୁ ଘଂଟ ଘୋଡାଉଛନ୍ତି । ଏହାକୁ ନେଇ ବିଜେପି ନବୀନ ନିବାସ ଘେରାଉ କରିବ ବୋଲି ଘୋଷଣା କରିଛି । ମୁଖ୍ୟମନ୍ତ୍ରୀଙ୍କୁ କୁମ୍ଭକର୍ଣ୍ଣ ନିଦ୍ରାରୁ ଉଠାଇବା ପାଇଁ ଏହି ପ୍ରତିବାଦ ବୋଲି ବିଜେପି କହିଛି । ସମୀର ଦାସ, ସୂର୍ୟ୍ୟ ପାତ୍ର, ପ୍ରତାପ ଜେନା, ଦିବ୍ୟ ଶଙ୍କର ମିଶ୍ରଙ୍କର ଅର୍ଚ୍ଚନା ନାଗ ଗୋଟିଏ ପୋଷ୍ଟରରେ ଥାଇ ଏକ ହୋଡ଼ିଂ ତିଆରି କରିଛି ଦଳ । ତେବେ ଧର୍ମେନ୍ଦ୍ର ସାହୁ ଆତ୍ମହତ୍ୟା ଘଟଣାରେ ମନ୍ତ୍ରୀ ସମୀର ଦାସଙ୍କ ଉପରେ କାର୍ୟ୍ୟାନୁଷ୍ଠାନ ନେବା ଏବଂ ଅର୍ଚ୍ଚନା ନାଗ ପ୍ରସଙ୍ଗରେ ମଧ୍ୟ ପ୍ରଭାବଶାଳୀ ନେତାଙ୍କୁ ତଦନ୍ତ ପରିସରଭୁକ୍ତ କରିବା ପାଇଁ ବିଜେପି ଦାବି କରିଛି ।