ଅନଲକ୍ ହେଲା ରାହୁଲ ଗାନ୍ଧୀଙ୍କ ଟ୍ୱିଟର, ଦିଲ୍ଲୀ ନାବାଳିକା ହତ୍ୟା ମାମଲାର ଫଟୋ ସେୟାର କରିବା ପରେ ହୋଇଥିଲା ଲକ୍
କନକ ବ୍ୟୁରୋ : ଟ୍ୱିଟର କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ଆକାଉଣ୍ଟକୁ ଅନଲକ୍ କରିଛି । ରାହୁଲ ଗାନ୍ଧୀ ଦିଲ୍ଲୀର କେଣ୍ଟ ଅଞ୍ଚଳରେ ଜଣେ ୯ ବର୍ଷର ବାଳିକାକୁ ଦୁଷ୍କର୍ମ ପରେ ହତ୍ୟା ଘଟଣାକୁ ପିଡୀତାଙ୍କ ପରିବାର ସହ ଫଟୋ ସେୟାର କରିବା ପରେ ଟ୍ୱିଟର ପକ୍ଷରୁ ରାହୁଲ ଗାନ୍ଧୀଙ୍କ ଆକାଉଣ୍ଟକୁ ଲକ କରାଯାଇଥିଲା । କେବଳ ରାହୁଲ ଗାନ୍ଧୀ ନୁହନ୍ତି କଂଗ୍ରେସର ଅନ୍ୟ କିଛି ନେତାଙ୍କର ଟ୍ୱିଟର ଆକାଉଣ୍ଟକୁ ବି ଲକ୍ କରାଯାଇଥିଲା । ଏହାକୁ ନେଇ ଶୁକ୍ରବାର ଦିନ ରାହୁଲ ଗାନ୍ଧୀ କହିଥିଲେ କି ଭାରତରେ ଟ୍ୱିଟର ସେବା ଯୋଗାଇବା ପରିବେର୍ତ୍ତ ଅଧିକ ରାଜନୀତିରେ ଧ୍ୟାନ ଦେଉଛି ।
Kanak News is now on WhatsApp
Join and get latest news updates delivered to you via WhatsApp
ଆଜି କଂଗ୍ରେସ ପକ୍ଷରୁ କୁହାଯାଇଛି କି ରାହୁଲ ଗାନ୍ଧୀଙ୍କ ସମେତ କଂଗ୍ରେସର କିଛି ନେତାଙ୍କ ଲକ ହୋଇଥିବା ଟ୍ୱିଟର ଆକାଉଣ୍ଟକୁ ଟ୍ୱିଟର ପକ୍ଷରୁ ସଚଳ କରାଯାଇଛି । ଅନ୍ୟପଟେ ଟ୍ୱିଟର ପକ୍ଷରୁ କୁହାଯାଇଥିଲା କି ଜଣେ ଦୁଷ୍କର୍ମ ପିଡୀତାଙ୍କ ପରିବାର ସହ ଫଟୋକୁ ସେୟାର କରିବା ସୋସିଆଲ ମଡିଆ ଆଇନର ଉଲଙ୍ଘନ ।
Twitter unlocked all accounts linked to Congress, including that of Rahul Gandhi today morning. This is the win of the people of India: Rohan Gupta, Chairman of Congress’ Social Media Department https://t.co/7k5dEerrwp
— ANI (@ANI) August 14, 2021
ସେପଟେ ଏକ ୟୁଟ୍ୟୁବ ଭିଡିଓରେ ରାହୁଲ ଗାନ୍ଧୀ ଟ୍ୱିଟର କମ୍ପାନୀ ଉପରେ ଅଭିଯୋଗ ଆଣି କହିଥିଲେ କି ଆକାଉଣ୍ଟ ଲକ କରିବା ଟ୍ୱିଟରର ଏକ ଖେଳ । ମାଇକ୍ରୋ ବ୍ଲଗିଂ ସାଇଟ ଏବେ ନିରପେକ୍ଷ ହୋଇ ନାହିଁ । ସେମାନେ ସରକାରଙ୍କ ଇଙ୍ଗୀତରେ କାର୍ଯ୍ୟ କରୁଛନ୍ତି । ତାଙ୍କ ଆକାଉଣ୍ଟ ଲକ୍ ହେବା ଲକ୍ଷ ଲକ୍ଷ ଫଲୋଅର୍ସଙ୍କୁ ଅପମାନ ବୋଲି ସେ କହିଥିଲେ ।