କଣ୍ଠ ବଦଳାଇ ଫୋନ କରି ଲୁଟିନେଲେ ଟଙ୍କା। ମନ୍ତ୍ରୀଙ୍କ ନାଁରେ ବ୍ୟବସାୟୀଙ୍କୁ ଚୁନା ଲଗାଇଲେ ଡିପ୍ଲୋମା ପଢୁଆ ଯୁବକ।
କନକ ବ୍ୟୁରୋ: ସାର୍, ନମସ୍କାର
Kanak News is now on WhatsApp
Join and get latest news updates delivered to you via WhatsApp
ନମସ୍କାର, କିଏ କହୁଥିଲେ
ଆଜ୍ଞା ମୁଁ ମନ୍ତ୍ରୀଙ୍କ ପିଏ କହୁଥିଲି
କ’ଣ କହୁଥିଲେ ଆଜ୍ଞା?
ମନ୍ତ୍ରୀଙ୍କ ଘରେ ହୋମଯଜ୍ଞ ଅଛି । ଯାହା ଦରକାର ଟିକେ ବୁଝିବେ । ମନ୍ତ୍ରୀ ବାହାରେ ଅଛନ୍ତି । ଏଭଳି ଢ଼ଙ୍ଗରେ ପ୍ରଥମେ କଥା ହୋଇଥିଲେ । ଏହାର କିଛି ସମୟ ପରେ ପୁଣି ସେଇ ଯୁବକ ମନ୍ତ୍ରୀଙ୍କ ମା’ କହୁଛି କହି- ମହିଳାଙ୍କ ସ୍ୱରରେ ଟଙ୍କା ମାଗିଥିଲେ । ଆଉ ଲୁଟି ନେଇଥିଲେ ୩୧ ହଜାର ୫୦୦ ଟଙ୍କା ।
ସୌମ୍ୟରଞ୍ଜନ ପ୍ରଧାନ ଓରଫ୍ ମନୀଷା କିନ୍ନର । ଶିକ୍ଷାଗତ ଯୋଗ୍ୟତା, ଡିପ୍ଲୋମା ।ମନ୍ତ୍ରୀଙ୍କ ନାଁ ନେଇ ଚୁନା ଲଗେଇ ଦେଇଥିବା ଏହି ବୌଦ୍ଧର ଯୁବକକୁ ଗିରଫ କରିଛି ପୁଲିସ୍ । ଜଣେ ମନ୍ତ୍ରୀଙ୍କ ନାଁ କହି, ଭୁବନେଶ୍ୱରର ବିକାଶ ସେହଗଲ ନାମକ ଜଣେ ବ୍ୟବସାୟୀଙ୍କଠାରୁ ୩୧ ହଜାର ୫ଶହ ଟଙ୍କା ଲୁଟି ନେଇଥିଲା ଏହି ଚତୁର ଚୋର । ଏଇ ପ୍ରଥମ ଘଟଣା ନୁହେଁ, ଏହା ପୂର୍ବରୁ ରାଜ୍ୟର ବିଭିନ୍ନ ସହରରେ ସୌମ୍ୟରଂଜନଙ୍କ ନାଁରେ ରହିଛି ୮ଟି ମାମଲା ।
ଭୁବନେଶ୍ୱରରେ ୩ଟି ମାମଲା, ବ୍ରହ୍ମପୁରରେ ୨ଟି ମାମଲା, ସମ୍ବଲପୁରରେ ୨ଟି ମାମଲ. ଅନୁଗୁଳରେ ଗୋଟିଏ ମାମଲା ରହିଛି । ଏମିତି ବିଭିନ୍ନ ସ୍ଥାନରେ, ସମାନ ତରିକା ଆପଣାଇ ପ୍ରାୟ ଦେଢ଼ ଲକ୍ଷ ଟଙ୍କା ଲୁଟ୍ କରିଥିଲେ ଏହି ଠକ । ଏଥିରେ ତାଙ୍କୁ ବ୍ରହ୍ମପୁରର ତୁଷାରକାନ୍ତି ବାଇ ଏବଂ ସୁନୀଲ ସାମନ୍ତରାୟ ତାଙ୍କୁ ସହଯୋଗ କରୁଥିଲେ । ଯାହାଙ୍କୁ ଭାଗ ଆକାରରେ ମିଳୁଥିଲା ଲୁଟ ଅର୍ଥର ୧୦ ପ୍ରତିଶତ । ଏହି ଦୁଇ ସହଯୋଗୀଙ୍କୁ ବି ଗିରଫ କରିଛି ପୁଲିସ୍ ।
ସାଇବର ଥାନାରେ ଅଭିଯୋଗ ପରେ ସୌମରଂଜନଙ୍କ କଳା କାରବାରର ପର୍ଦ୍ଦାଫାସ କରିଛି କମିଶନରେଟ୍ ପୁଲିସ । ଆଉ ଲୁଟି ହୋଇଥିବା ଦେଢ଼ ଲକ୍ଷ ଟଙ୍କାରୁ ୫୦ ହଜାର ଟଙ୍କା ଜବତ କରାଯାଇଛି ।