କନକ ବ୍ୟୁରୋ: ପୂର୍ବ ସରକାରରେ ବିରୋଧୀ ଦଳ ମୁଖ୍ୟ ସଚେତକ ଥିବା ମୋହନ ମାଝିଙ୍କୁ ଦୁର୍ବ୍ୟବହାର ଦେଖାଇଥିଲେ ଆଇଆଇସି । ହେଲେ ମୋହନ ମାଝୀ ମୁଖ୍ୟମନ୍ତ୍ରୀ ହେବା ପରେ ଆଇଆଇସି ଛୁଟିରେ ଚାଲିଥିବା ଚର୍ଚ୍ଚା ହେଉଥିଲା । ଚର୍ଚ୍ଚାକୁ ଖଣ୍ଡନ କରିବା ସହ ଛୁଟିରେ ନୁହେଁ ଡ୍ୟୁଟିରେ ଥିବା କହିଛନ୍ତି ଆଇଆଇସି । ଆଉ ସେଦିନ କଣ ଘଟିଥିଲା, ସେନେଇ ସିଧା ସଳଖ କିଛି କହିନଥିଲେ ବି ଦୁଇ ଜଣଙ୍କର କଥାବାର୍ତା ବଢିଯିବାରୁ ଏଭଳି ପରିସ୍ଥିତି ଉପୁଜିଥିବା କହିଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ମୋହନ ଚରଣ ମାଝୀ ରାଜ୍ୟର ମୁଖ୍ୟମନ୍ତ୍ରୀ ହେବା ପୂର୍ବର ଅନେକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଆଉ ତା ଭିତରୁ ଏହି ଭିଡିଓ ବେଶ ଚର୍ଚ୍ଚାରେ ରହିଛି । ଥାନା ଭିତରେ ତକ୍ରାଳୀନ ବିଧାୟକଙ୍କୁ ଆଇଆଇସିଙ୍କ ଏଭଳି ବ୍ୟବହାରର ଭିଡିଓ ନିଆଁ ଭଳି ଭାଇରଲ ହେଉଛି । ଆଉ ଚର୍ଚ୍ଚା ହେଉଛି ମୋହନ ମାଝୀ ମୁଖ୍ୟମନ୍ତ୍ରୀ ହେବା ପରେ, କୁଆଡେ ଏହି ଥାନା ଅଧିକାରୀ ନିଜ ଆଡୁ ଛୁଟିରେ ରହିଯାଇଛନ୍ତି । ହେଲେ ପ୍ରକୃତ ସତ କ’ଣ ତାହାର ସତ ଜାଣିବାକୁ ଚାହିଁଥିଲା କନକ ନ୍ୟୁଜ୍ । ତ୍ରିନାଥ କୌଣସି ଛୁଟିରେ ଯାଇ ନାହାଁନ୍ତି ବରଂ ଡ୍ୟୁଟିରେ ଅଛନ୍ତି । ତେବେ ସେହି ମୁହୁର୍ତରେ କ’ଣ ଘଟିଥିଲା ସେନେଇ ସିଧାସଳଖ ଭାବେ ସ୍ପଷ୍ଟ କରି ନଥିଲେ ବି, ଦୁଇ ଜଣଙ୍କ ମଧ୍ୟରେ କଥାବାର୍ତା ବଢିଯିବାରୁ ଏଭଳି ପରିସ୍ଥିତି ଉପୁଜିଥିବା କହିଛନ୍ତି ।
ଥାନା କିମ୍ବା ଫାଣ୍ଡିରେ ଲୋକଙ୍କୁ ଉତ୍ତମ ବ୍ୟବହାର ଦେଖାଇବାକୁ ଗତକାଲି ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ନିଜେ ଅଙ୍ଗେ ନିଭାଇଥିବା ଘଟଣାରେ କିଭଳି ସୁଧାର ଆସିବ ଏବଂ ବ୍ୟବହାରରେ ସଂସ୍କାର ଆସିପାରିବ, ସେନେଇ ଡିଜିପିଙ୍କୁ ନିର୍ଦ୍ଦେଶ ମଧ୍ୟ ଦେଇଛନ୍ତି । ଅନ୍ୟପଟେ ଦେଖିବାକୁ ମିଳିଛି ନୂଆ ସରକାର ଆସିବା ପରେ, ଏକାଧିକ ପୁଲିସ ଅଧିକାରୀ ଛୁଟିରେ ପଳାଉଛନ୍ତି । ଏଭଳି ଛୁଟିରେ ନଯାଇ ପରିସ୍ଥିତିକୁ ସାମ୍ନା କରିବା ପାଇଁ ପରାମର୍ଶ ଦେଇଛନ୍ତି ପୂର୍ବତନ ପୁଲିସ ଅଧିକାରୀ । ସେହିପରି ଜଣେ ଆଇଆଇସି ହୋଇ ଥାନା ଭିତରେ ଆରଚଣ ଠିକ୍ ରଖିବା ଜରୁରୀ ବୋଲି କହିଛନ୍ତି ।
ବିଭିନ୍ନ ସମୟରେ ପୁଲିସ କର୍ମଚାରୀ, ଲୋକଙ୍କୁ ଖରାପ ବ୍ୟବହାର କରୁଥିବା ସାମ୍ନାକୁ ଆସିଛି । ମୋହନ ସରକାର ଆସିବା ପରେ, ପୁଲିସର ଆଚରଣ ଓ ଉଚ୍ଚାରଣରେ ପରିବର୍ତ୍ତର୍ନ ଆସିବ ବୋଲି ଆଶା କରାଯାଉଛି ।