କନକ ବ୍ୟୁରୋ : ସଂସଦରେ ଅସାମ୍ବିଧାନିକ ଶବ୍ଦ ଉପରେ କଟକଣା ଲଗାଇବାକୁ ନେଇ ରାଜନୀତି ଜୋର ଧରିଥିବା ବେଳେ ଶୁକ୍ରବାର ସଂସଦ ଭବନ ପରିସରରେ ଧାରଣା, ବିକ୍ଷୋଭ ଉପରେ ମଧ୍ୟ କଟକଣା ଲଗାଯାଇଛି । ସଂସଦ ଭବନ ପରିସରରେ ପୂର୍ବ ଭଳି ଆଉ ଧାରଣା, ବିକ୍ଷୋଭ, ଉପବାସ ତଥା ଧାର୍ମିକ ଉତ୍ସବ କରାଯାଇପାରିବ ନାହିଁଁ । ଏସବୁ ରଦ୍ଦ ନେଇ ନୂଆ ବିଜ୍ଞପ୍ତି ଜାରି କରିଛନ୍ତି ରାଜ୍ୟସଭା ସଚିବ । ଜୁଲାଇ ୧୮ ତାରିଖରେ ସଂସଦର ମୌସୁମୀ ଅଧିବେସନ ଆରମ୍ଭ ହେଉଥିବା ବେଳେ ଏଭଳି ନୂଆ ନିୟମ ଲାଗୁ ହୋଇଛି । ଯାହାକୁ ବିରୋଧ କରିଛି କଂଗ୍ରେସ । କଂଗେସର ସାଧାରଣ ସମ୍ପାଦକ ତଥା ରାଜ୍ୟସଭାର ମୁଖ୍ୟ ସଚେତକ ଜୟରାମ ରମେଶ କହିଛନ୍ତି ଧାରଣା ମନା ନୁହେଁ ଡରିବା ମନା । ସେହିପରି ଟିଏମସି ସାଂସଦ ଡେରେକ୍ ଓବ୍ରେନ୍ କହିଛନ୍ତି ବିଜେପି ସରକାର ବିରୋଧୀଙ୍କ କଥା ଶୁଣିବାକୁ ରାଜି ନାହାଁନ୍ତି । ବିଜେପି ସଂସଦ ଭବନକୁ ଏକ ରବର ଷ୍ଟାମ୍ପ କରିଦେବାକୁ ଚେଷ୍ଟା କରୁଛି ବୋଲି ସେ କହିଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ସଂସଦରୁ ଅସମ୍ବିଧାନକ ଶବ୍ଦଗୁଡିକୁ ରଦ୍ଦ କରିବାକୁ ରାଜନୀତି ଜୋର ଧରିଥିବା ବେଳେ ସ୍ପଷ୍ଟିକରଣ ରଖିଛନ୍ତି ଲୋକସଭା ବାଚସ୍ପତି ଓମ ବିର୍ଲା । ସଂସଦରେ ଏହି ଶବ୍ଦଗୁଡିକୁ ରଦ୍ଦ କରାଯାଇନାହିଁ ବରଂ ପ୍ରାସଙ୍ଗିକତାକୁ ଦୃଷ୍ଟିରେ ରଖି ଏସବୁ ଶବ୍ଦକୁ ବାଦ୍ ଦିଆଯାଇଛି ବୋଲି ସେ କହିଛନ୍ତି । ବିଜେପି କହିଛି ବିରୋଧୀ ବିଶେଷକରି କଂଗ୍ରେସ ଅନାବଶ୍ୟକ ଭାବେ ସମସ୍ୟା ସୃଷ୍ଟି କରିବାକୁ ଚେଷ୍ଟା କରୁଛି । ସରକାର ଯାହା ବି କାମ କଲେ କଂଗ୍ରେସ ଦୋଷ ବାହାର କରିବାକୁ ଚେଷ୍ଟା କରୁଛି । କଂଗ୍ରେସ ଲୋକମାନଙ୍କ ମଧ୍ୟରେ ଭ୍ରମ ସଷ୍ଟି କରି ଅରାଜକତା ବଢାଇବାକୁ ଚେଷ୍ଟା କରୁଥିବା କହିଛନ୍ତି ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର ।
ବୁଧବାର ଲୋକସଭା ସଚିବ ନୂଆ ବୁଲଲେଟ୍ ଜାରି କରିବା ସହ ଉଭୟ ଲୋକସଭା ଏବଂ ରାଜ୍ୟସଭାରେ ‘ଜୁମଲାଜୀବୀ, ବାଲବୁଦ୍ଧି. କୋଭିଡ ସ୍ପ୍ରେଡର, କରପ୍ଟ, ଡ୍ରାମା ଭଳି କିଛି ଶବ୍ଦକୁ ଅସମ୍ବିଧାନ ଶବ୍ଦ ଘୋଷଣା କରିଥିଲେ ।