ଗୁଇନ୍ଦା ବେଲୁନ ଉପରେ ବଢ଼ୁଛି ମହାଶକ୍ତିଙ୍କ ଭରସା । ଚୀନ୍ ପରେ ଏବେ ଗୁଇନ୍ଦା ବେଲୁନ ଉପରେ ପୁଟିନଙ୍କ ଆଖି । ୟୁକ୍ରେନ ରାଜଧାନୀ କିଭରେ ୬ଟି ବେଲୁନ ଉଡ଼ାଇଲା ଋଷ୍ ।
କନକ ବ୍ୟୁରୋ: ଋଷର ବେଲୁନ ରଣନୀତି । ଗୁଇନ୍ଦା ବେଲୁନକୁ ନେଇ ଆମେରିକା ଓ ଚୀନ୍ ମଧ୍ୟରେ ବିବାଦ ଲାଗି ରହିଥିବା ବେଳେ ୟୁକ୍ରେନ୍ ବିରୋଧରେ ବେଲୁନ୍ ରଣନୀତି ଆପଣେଇଛି ଋଷ । ୟୁକ୍ରେନ୍ ଆକାଶକୁ ଗୁଇନ୍ଦା ବେଲୁନ୍ ଛାଡି ବାୟୁ ଗୁଇନ୍ଦା ତଥ୍ୟ ଯୋଗାଡ କରୁଛି ୠଷ । ଏହାକୁ ଭିତ୍ତି କରି ଋଷର ସେନାର ବିଭିନ୍ନ ସ୍ଥାନରେ ମିସାଇଲ ମାଡ କରିଛି । ପୂର୍ବରୁ ଡ୍ରୋନ୍ ବ୍ୟବହାର କରି ୟୁକ୍ରେନ୍ର ଭିତ୍ତିଭୂମି ବ୍ୟବସ୍ଥା ଗୁଡିକୁ ଛାରଖାର କରିଦେଇଥିଲା । ଏବେ ପୁଟିନ୍ ବେଲୁନ୍ ରଣନୀତି ଆପଣେଇଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
- ୟୁକ୍ରେନ ବିରୋଧରେ ପୁଟିନ ରେସନାର “ବେଲୁନ’ ରଣନୀତି
- ବେଲୁନ ମାଧ୍ୟମରେ ଋଷ୍ ସଂଗ୍ରହ କରୁଛି ଗୁଇନ୍ଦା ତଥ୍ୟ
- ୟୁକ୍ରେନ୍ ରାଜଧାନୀ କିଭ୍ ଆକାଶରେ ୬ଟି ଗୁଇନ୍ଦା ବେଲୁନ୍
- ଖାଲି କିଭ୍ ନୁହେଁ ୟୁକ୍ରେନର ଅନ୍ୟ ଅଞ୍ଚଳରେ ମଧ୍ୟ ଠାବ
- ଋଷ୍ ଗୁଇନ୍ଦା ବେଲୁନକୁ ନଷ୍ଟ କରିଦେଲା ୟୁକ୍ରେନ ସେନା
- କ୍ଷେପଣାସ୍ତ୍ର ମାଡ଼ କରି ନଷ୍ଟ କଲା ୟୂକ୍ରେନ ସେନା
- ଆଗରୁ ୠଷ୍ ଗୁଇନ୍ଦା ତଥ୍ୟ ପାଇଁ ଡ୍ରୋନ୍ ବ୍ୟବହାର କରୁଥିଲା
- ଏବେ ଋଷ୍ ପାଖରେ ଡ୍ରୋନ୍ କମିଯାଇଛି
- ଫଳରେ ବେଲୁନ ଉପରେ ଭରସା କରିଛନ୍ତି ପୁଟିନ
- ଗୁଇନ୍ଦା ବେଲୁନ ପାଇଁ ଅପେକ୍ଷାକୃତ କମ୍ ଖର୍ଚ୍ଚ
- ଏହାକୁ ନଷ୍ଟ କରିବା ଏତେ ସହଜ ନୁହେଁ
- କ୍ଷେପଣାସ୍ତ୍ର ମାଡ଼ କରି ନଷ୍ଟ କରିବାକୁ ପଡ଼ୁଛି
- ଫଳରେ ୟୁକ୍ରେନ ପାଖରେ କ୍ଷେପଣାସ୍ତ୍ର ସଂଖ୍ୟା କମିଯିବ
- ୟୁକ୍ରେନର ପଡ଼ୋଶୀ ଦେଶ ମଲଡୋଭାରେ ବି ଋଷ୍ ଗୁଇନ୍ଦା ବେଲୁନ
- ଏକ ଘଣ୍ଟା ପାଇଁ ନିଜ ବାୟୁମାର୍ଗ ବନ୍ଦ କରିଥିଲା ମଲଡୋଭା
ତେବେ ଏହି ଗୁଇନ୍ଦା ବେଲୁନ କ’ଣ ଓ ଏହାର କିପରି ବ୍ୟବହାର କରାଯାଏ?
- ଗୁଇନ୍ଦା ବେଲୁନରେ ଗ୍ୟାସ୍ ଭରି ରହିଥାଏ
- ଏହା ଖୁବ୍ ଉପରେ ଉଡ଼ିପାରେ
- ଏହି ବେଲୁନରେ କ୍ୟାମେରା ଖଞ୍ଜାଯାଇଥାଏ
- ଏହି କ୍ୟାମେରା ଅତି ହାଇ କ୍ୱାଲିଟିର
- ବହୁ ଦୂରରୁ ଚିତ୍ର ଉତ୍ତୋଳନ କରିପାରେ ଏହି କ୍ୟାମେରା
- ଗୁଇନ୍ଦା ବେଲୁନରେ ଆଣ୍ଟିନା ମଧ୍ୟ ରହଥାଏ
- ଫଳରେ ଗୁପ୍ତ ତଥ୍ୟ ସଂଗ୍ରହ କରିପାରେ ଏହି ବେଲୁନ
ଏବେ ଗୁଇନ୍ଦା ବେଲୁନକୁ ନେଇ ଚର୍ଚ୍ଚା ବଢ଼ିଥିବା ବେଳେ ଏହା ପ୍ରଥମେ ଆମେରିକାରୁ ଆରମ୍ଭ ହୋଇଛି । ମୋଣ୍ଟାନାରେ ଚୀନ୍ ଗୁଇନ୍ଦା ବେଲୁନ ଠାବ ହେବା ପରେ ଏହାକୁ ନେଇ ଆମେରିକାରେ ହଲଚଲ ଖେଳିଯାଇଥିଲା । ଶେଷରେ କ୍ଷେପଣାସ୍ତ୍ର ମାଡ଼ କରି ଏହାକୁ ନଷ୍ଟ କରିଦେଇଥିଲା ଆମେରିକୀୟ ବାୟୁସେନା । ଏହାସହ କାନାଡ଼ାରେ ମଧ୍ୟ ଚୀନ୍ ଗୁଇନ୍ଦା ବେଲୁନ ଦେଖାଯିବା ପରେ ଏହାକୁ ମଧ୍ୟ ନଷ୍ଟ କରିଦିଆଯାଇଛି । ଏହାକୁ ନେଇ ଚୀନ୍ ଓ ଆମେରିକା ମଧ୍ୟରେ ଏବେ ଉତେଜନା ବଢ଼ିଛି । ଏପରିକି ଆମେରିକାର ବୈଦେଶିକ ସଚିବ ଆଂଟୋନି ବ୍ଲିଙ୍କେନଙ୍କ ଆମେରିକା ଗସ୍ତ ମଧ୍ୟ ରଦ୍ଦ ହୋଇଯାଇଛି ।
- ଗୁଇନ୍ଦା ବେଲୁନଙ୍କ ଉପରେ ମହାଶକ୍ତିଙ୍କ ଭରସା
- ଆମେରିକା ବିରୋଧରେ ଚୀନର ଗୁଇନ୍ଦା ବେଲୁନ ବ୍ୟବହାର
- ଆମେରିକାର ଗୁପ୍ତ ସାମରିକ ତଥ୍ୟ ସଂଗ୍ରହ କରୁଛି ଚୀନ୍
- ଚୀନ୍ ପରେ ଏହି କୌଶଳ ଆପଣାଇଛି ରୁଷ୍
- ୟୁକ୍ରେନରେ ଋଷର ଗୁଇନ୍ଦା ବେଲୁନ
- ଗୁଇନ୍ଦା ବେଲୁନର ବ୍ୟବହାର ନୂଆ ନୁହେଁ
- ଶୀତଳ ଯୁଦ୍ଧ ବେଳେ ଏହାର ବହୁଳ ବ୍ୟବହାର ହେଉଥିଲା
- ଉଭୟ ଆମେରିକା ଓ ରୁଷ୍ ଗୁଇନ୍ଦା ବେଲୁନ ବ୍ୟବହାର କରିଥିଲେ
- ପ୍ରଯୁକ୍ତିର ଉନ୍ନତି ସହ ଡ୍ରୋନ୍ ଆସିଲା
- ଡ୍ରୋନ୍ ଆସିବା ପରେ ଗୁଇନ୍ଦା ବେଲୁନ ବ୍ୟବହାର କମିଲା
- ଚୀନ୍ କିନ୍ତୁ ପୁରୁଣା ରଣକୌଶଳ ଆପଣାଇଲା
- ଗୁଇନ୍ଦା ବେଲୁନରେ ବ୍ୟବହାର କଲା ଅତ୍ୟାଧୁନିକ ପ୍ରଯୁକ୍ତି
- ବିଶ୍ୱର ବିଭିନ୍ନ ଦେଶରେ ଚୀନ୍ ଉଡ଼ାଇଲା ଏହି ବେଲୁନ
- ଭାରତର ଆଣ୍ଡାମାନ-ନିକୋବର ଉପରେ ଗୁଇନ୍ଦା ବେଲୁନ ଉଡ଼ାଇଥିବା ଅଭିଯୋଗ
- ଗୁଇନ୍ଦା ବେଲୁନ କଥାକୁ ଖଣ୍ଡନ କରିଆସିଛି ଚୀନ୍
- ପାଣିପାଗ ତଥ୍ୟ ସଂଗ୍ରହ କରାଯାଉଥିବା କହିଆସୁଛି ଚୀନ୍
- ହେଲେ ଚୀନ୍ କଥାକୁ କେହି ବିଶ୍ୱାସ କରୁନାହାନ୍ତି