ଏଣିକି ଗୋଟିଏ ଆଇଡିରେ ମିଳିବ କେତୋଟି ସିମ୍ କାର୍ଡ? ଆଜି ବଡ ନିଷ୍ପତ୍ତି ନେଇପାରନ୍ତି ସରକାର ।
କନକ ବ୍ୟୁରୋ : ଦୂରସଞ୍ଚାର ମନ୍ତ୍ରୀ ଅଶ୍ୱିନୀ ବୈଷ୍ଣବ ସିମ କାର୍ଡକୁ ନେଇ ବଡ ଘୋଷଣା କରିପାରନ୍ତି । ଗୋଟିଏ ଆଇଡିରେ ମିଳୁଥିବା ସିମର ଲିମିଟ୍ କମାଇବା ନେଇ ଘୋଷଣା କରିପାରନ୍ତି ଅଶ୍ୱିନୀ । ଏବେ ଗୋଟିଏ ଆଇଡିରେ ୯ଟି ସିମ୍ ମିଳୁଛି । କିନ୍ତୁ ଏହି ସଂଖ୍ୟା ହ୍ରାସ ହୋଇପାରେ । ଏବେ ଗୋଟିଏ ଆଇଡିରେ ସର୍ବାଧିକ ୪ଟି ସିମ୍ ଇସ୍ୟୁ ହୋଇପାରେ । ତେବେ ହଠାତ୍ ସିମ୍ କାର୍ଡ ହ୍ରାସ କରିବା ପଛର କାରଣ କଣ?
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ସାଇବର ଠକେଇ କାରଣରୁ ଏହି ନୂଆ ଗାଇଡଲାଇନ ଆଣିପାରେ ଟେଲିକମ ବିଭାଗ । ଦେଶରେ ଏବେ ଲଗାତାର ସାଇବର ଠକେଇ ସଂଖ୍ୟା ବଢି ଚାଲିଛି । କଲ ଡ୍ରପ ଓ ସାଇବର ଠକେଇ ରୋକିବାକୁ ସରକାର ଏଭଳି ପଦକ୍ଷେପ ନେଇପାରନ୍ତି । ତେବେ ପୂର୍ବରୁ ଯେଉଁ ସିମ୍ କାର୍ଡ ଆକ୍ଟିଭ ଅଛି ସେଥିରେ କୌଣସି ସମସ୍ୟ ଦେଖାଦେବନି । ଅଥାର୍ତ ଯଦି ପୂର୍ବରୁ ଆଇଡିରେ ୪ରୁ ଅଧିକ ସିମ୍ ରହିଥାଏ ତେବେ ନୂଆ ସିମ୍ ମିଳିବନି । ଏହାପୂର୍ବରୁ ସାଇବର ଠକେଇକୁ ରୋକିବାକୁ ଭାରତ ସରକାର ସଞ୍ଚାର ସାଥୀ ପୋର୍ଟାଲ ଲଞ୍ଚ କରିଥିଲେ । ଯେଉଁ ପୋର୍ଟାଲରେ ଠକେଇ ବାବଦରେ ଅଭିଯୋଗ କରିପାରିବେ । ଉକ୍ତ ୱେବସାଇଟରୁ ହିଁ ଆପଣଙ୍କ ଆଇଡିରେ କେତୋଟି ସିମ୍ କାର୍ଡ ରହିଛି ତାହା ଜଣାପଡିଯିବ । ଆପଣଙ୍କ ଆଇଡିରେ କୌଣସି ସିମ୍ ଆକ୍ଟିଭ ଥାଏ ଏବଂ ଏହାକୁ ବ୍ୟବହାର କରୁନାହାନ୍ତି ତେବେ ଏଠାରେ ରିପୋର୍ଟ କରି ବନ୍ଦ କରାଯାଇପାରିବ ।