ସୁଶାନ୍ତଙ୍କ ମୃତ୍ୟୁକୁ ପୂରିଲା ୩ ବର୍ଷ । ଭାବପ୍ରବଣ ଭିଡିଓ ପୋଷ୍ଟ କଲେ ଭଉଣୀ ଶ୍ୱେତା, କହିଲେ ସୁଶାନ୍ତ ଏବେ ବି ଆମ ଭିତରେ ବଞ୍ଚିଛି ।
କନକ ବ୍ୟୁରୋ : ବଲିଉଡ ଅଭିନେତା ସୁଶାନ୍ତ ସିଂଙ୍କ ମୃତ୍ୟୁକୁ ଆଜି ୩ ବର୍ଷ ପୁରିଛି । ୨୦୨୦ର ଆଜିର ଦିନରେ ହିଁ ସୁଶାନ୍ତଙ୍କ ମୃତ୍ୟୁ ସମସ୍ତଙ୍କୁ ସ୍ତବ୍ଧ କରି ଦେଇଥିଲା । ଏବେ ବି ଅନେକ ଲୋକ ସୁଶାନ୍ତଙ୍କ ମୃତ୍ୟୁକୁ ସହଜରେ ଗ୍ରହଣ କରିପାରୁନାହାନ୍ତି । ଆଜି ତାଙ୍କର ଶ୍ରାଦ୍ଧବାର୍ଷିକରେ ପୁଣିଥରେ ସୁଶାନ୍ତଙ୍କୁ ସମସ୍ତେ ମନେ ପକାଇଛନ୍ତି । କେବଳ ତାଙ୍କର ପ୍ରଶଂସକ ନୁହନ୍ତି ବରଂ ଭଉଣୀ ଶ୍ୱେତା ସିଂ କୀର୍ତ୍ତି ମଧ୍ୟ ଏକ ଭାବପ୍ରବଣ ଭିଡ଼ିଓ ସେୟାର କରିଛନ୍ତି, ଯାହା ଏବେ ଭାଇରାଲ ହେବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
କେବଳ ଭଉଣୀ ଶ୍ୱେତା ନୁହନ୍ତି ବରଂ ରିୟା ଚକ୍ରବର୍ତ୍ତୀ ମଧ୍ୟ ସୁଶାନ୍ତଙ୍କ ଶ୍ରାଦ୍ଧବାର୍ଷିକୀରେ ସୋସିଆଲ ମିଡ଼ିଆରେ ଏକ ଭିଡ଼ିଓ ସେୟାର କରିଛନ୍ତି । ଯେଉଁ ଭିଡ଼ିଓକୁ ନେଇ ରିୟାଙ୍କ ଉପରେ ବର୍ଷିଛନ୍ତି ସୁଶାନ୍ତଙ୍କ ପ୍ରଶଂସକ । ଅନ୍ୟପଟେ ଭଉଣୀ ଶ୍ୱେତାଙ୍କ ଭିଡ଼ିଓକୁ ବେଶ ପସନ୍ଦ ମଧ୍ୟ କରିଛନ୍ତି । କିଛି ପ୍ରଶଂସକ ଭାବବିହ୍ୱଳ ମଧ୍ୟ ହୋଇପଡିଛନ୍ତି ।
ଭଉଣୀ ଶ୍ୱେତା ଭିଡ଼ିଓ ସେୟାର କରି ପ୍ରଶଂସକଙ୍କୁ କହିଛନ୍ତି ଯେ, ଯଦି ଆମେ ସୁଶାନ୍ତଙ୍କୁ ଆମ ଭିତରେ ବଞ୍ଚାଇ ରଖିବାକୁ ଚାହୁଁଛେ ତେବେ ତାଙ୍କର ଭଲ ଗୁଣକୁ ଆପଣାଇବାକୁ ପଡିବ । ଏକ ଛୋଟ ସୂଚନା, ଆମ ପାଖରୁ ସୁଶାନ୍ତ କୁଆଡେ ବି ଯାଇନି । ସୁଶାନ୍ତ ଏବେ ବି ଆମ ଭିତରେ ବଞ୍ଚି ରହିଛି । ଏଭଳି ଭିଡ଼ିଓ ଛାଡି ସୁଶାନ୍ତଙ୍କ ପ୍ରଶଂସକଙ୍କୁ ଭାବବିହ୍ୱଳ କରି ଦେଇଛନ୍ତି ଭଉଣୀ ଶ୍ୱେତା ।
୨୦୨୦ ଜୁନ୍ ୧୪ ତାରିଖରେ ସୁଶାନ୍ତଙ୍କୁ ତାଙ୍କ ବାସଭବନରେ ମୃତ ଅବସ୍ଥାରେ ଉଦ୍ଧାର କରାଯାଇଥିଲା । ସେତେବେଳେ ସୁଶାନ୍ତଙ୍କ ମୃତ୍ୟୁ ପାଇଁ ଗର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀଙ୍କୁ ଦାୟୀ କରିଥିଲେ ସୁଶାନ୍ତଙ୍କ ପରିବାର ଲୋକେ । ତେବେ ମୁମ୍ବାଇ ପୋଲିସ ଏହାକୁ ଆତ୍ମହତ୍ୟା ବୋଲି କହିଥିଲା । ଏହାସତ୍ତେ୍ୱ ମଧ୍ୟ ଏବେ ବି ଏହି ମାମଲାର ଯାଞ୍ଚ ଚାଲିଛି । ସୁଶାନ୍ତଙ୍କ ମୃତ୍ୟୁ ମାମଲାର ଯାଞ୍ଚ କରୁଛି ସିବିଆଇ ।