ଆସାମ-ମେଘାଳୟ ସୀମା ବିବାଦ ନେଇ ସୁପ୍ରିମକୋର୍ଟରେ ଶୁଣାଣି, ସିଜେଆଇ ହାଇକୋର୍ଟଙ୍କ ନିଷ୍ପତ୍ତି ଉପରେ ଲଗାଇଲେ ରୋକ୍ ।
କନକ ବ୍ୟୁରୋ: ଆସାମ-ମେଘାଳୟ ସୀମା ବିବାଦ ନେଇ ସୁପ୍ରିମକୋର୍ଟରେ ଶୁଣାଣି ଆରମ୍ଭ ହୋଇଛି । ଏହାର ଶୁଣାଣି ମୁଖ୍ୟ ବିଚାରପତିଙ୍କ ବେଞ୍ଚରେ ହେଉଛି । ପ୍ରଥମ ଦିନର ଶୁଣାଣିରେ ସବୋର୍ଚ୍ଚ ଅଦାଲତ ହାଇକୋର୍ଟଙ୍କ ରାୟ ଉପରେ ରୋକ ଲଗାଇଦେଇଛନ୍ତି । ଏଥିରେ ସରକାରଙ୍କ ଦ୍ୱାରା ପ୍ରସ୍ତୁତ ହୋଇଥିବା ଏମଓୟୁ ଉପରେ ରୋକ ଲଗାଇବାକୁ ଆଦେଶ ଦେଇଛନ୍ତି । ଆସାମ ଏବଂ ମେଘାଳୟ ମଧ୍ୟରେ ସୀମା ବିବାଦ ମାମଲାରେ ଏମଓୟୁ ଉପରେ ହାଇକୋର୍ଟ ରୋକ ଲଗାଇବା ମାମଲା ସଲିସିଟର ଜେନେରାଲ ତୁଷାର ମେହେଟ୍ଟା ମୁଖ୍ୟ ବିଚାରପତିଙ୍କ ସାମ୍ନାରେ ଉଠାଇଥିଲେ । ତେବେ ପ୍ରଧାନ ବିଚାରପତି ଆଶ୍ଚର୍ଯ୍ୟ ପ୍ରକାଶ କରି କହିଥିଲେ, ହାଇକୋର୍ଟ କଣ ଏହା ଉପରେ ରୋକ ଲଗାଇଛନ୍ତି କି? ଆପଣ ଏହାର ନକଲ ଦିଅନ୍ତୁ ଦେଖିବା ପରେ ମାମଲାର ଶୁଣାଣି କରିବୁ ।
Kanak News is now on WhatsApp
Join and get latest news updates delivered to you via WhatsApp
ଦୁଇ ସୀମା ବିବାଦକୁ ନେଇ ଦାୟର ହୋଇଥିବା ଆବେଦନରେ ଦାବି କରାଯାଇଛି ଯେ ସମ୍ବିଧାନର ଷଷ୍ଠ ଅନୁସୂଚୀର ଉଲ୍ଲଂଘନ ହୋଇଛି । ଏହା ଆଦିବାସୀ ଅଞ୍ଚଳରେ ପ୍ରଶାସନ ପାଇଁ ବିଶେଷ ନିୟମ ସମ୍ବନ୍ଧିତ । ନିକଟରେ ମେଘାଳୟର ମୁଖ୍ୟମନ୍ତ୍ରୀ କାନରାଡ ସାଙ୍ଗାମା ଏବଂ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା ମିଳିତ ଭାବରେ ଏକ ଚୁକ୍ତିରେ ସ୍ୱାକ୍ଷର କରିଥିଲେ । ଏଥିରେ ୧୨ବିବାଦୀୟ ସ୍ଥାନମଧ୍ୟରୁ ୬ଟି ସ୍ଥାନରେ ସୀମା ଚିହ୍ନଟ କରାଯାଇଥିଲା । ଏହି କାରଣରୁ ଅନେକ ସମୟରେ ସୀମା ବିବାଦ ଦେଖାଦେଉଛି ।