ଅନଲାଇନରେ ଏଫଆଇଆର କଲେ ସୁମିତଙ୍କ ବାପା : ଗତକାଲି ତପସ୍ୱିନୀଙ୍କୁ ନ୍ୟାୟ ଦେବା ଦାବିରେ ସୁମିତଙ୍କ ଘର ଗେଟ୍ ଭାଙ୍ଗି ଧସେଇ ପସିଥିଲେ ମହିଳା
କନକ ବ୍ୟୁରୋ : ବ୍ରହ୍ମପୁର ଡ଼କ୍ତର ସୁମିତ-ତପସ୍ୱିନୀ ପାରିବାରିକ ବିବାଦ ମାମଲା । ଥାନାରେ ଅଭିଯୋଗ କଲେ ସୁମିତଙ୍କ ବାପା । ସୁମିତଙ୍କ ବାପା ଅନଲାଇନ ଜରିଆରେ ଥାନାରେ ଅଭିଯୋଗ କରିଛନ୍ତି । ଗତକାଲି ଅଚାନକ ଘର ଭିତରକୁ ଧସେଇ ପଶିଥିଲେ ଉତ୍ୟକ୍ତ ମହିଳା । ସୁରକ୍ଷା ଦୃଷ୍ଟିରୁ ଡ଼ାକ୍ତର ସୁମିତଙ୍କ ଘର ଓ ଆଖପାଖ ଅଂଚଳରେ ୧୪୪ ଧାରା ଜାରି କରିଛନ୍ତି ପ୍ରଶାସନ । ବ୍ରହ୍ମାନଗର ଆରମ୍ଭ ଠାରୁ ଗୁରୁଦେବ ହସ୍ପିଟାଲ ଯାଏଁ ୧୪୪ ଧାରା ଜାରି କରିଛନ୍ତି ପ୍ରଶାସନ । ତପସ୍ୱିନୀଙ୍କୁ ନ୍ୟାୟ ଦେବା ପାଇଁ ଏଭଳି ଉଦ୍ୟମ କରିଥିବା ପ୍ରତିକ୍ରିୟା ରଖିଥିଲେ ଉତ୍ୟକ୍ତ ମହିଳା ।
Kanak News is now on WhatsApp
Join and get latest news updates delivered to you via WhatsApp
ତେବେ ପ୍ରଶ୍ନ ଉଠୁଛି, ମାମଲା କୋର୍ଟଙ୍କ ବିଚାରଧୀନ ଥିବା ବେଳେ, ନ୍ୟାୟ ଦେବା ପାଇଁ କାହିଁକି ଆଇନକୁ ହାତକୁ ନିଆଯାଉଛି । ବେଶ କିଛି ଦିନ ଧରି ବ୍ରହ୍ମପୁର ବ୍ରହ୍ମନଗରରେ ଚାଲିଥିବା ପାରିବାରିକ ବିବାଦ ଉଗ୍ର ରୂପ ନେବାରେ ଲାଗିଛି । ତପସ୍ୱିନୀ, ସ୍ୱାମୀ ସୁମିତଙ୍କ ନିକଟରେ ରହିବାକୁ ଦାବି କରି ଧାରଣାରେ ବସିଛନ୍ତି । ମାମଲା ମଧ୍ୟ କୋର୍ଟଙ୍କ ବିଚାରାଧୀନ ରହିଛି । ତପସ୍ୱିନୀଙ୍କ ପାଇଁ ଘରଭଡ଼ା ନେଇ ତାଙ୍କୁ ରଖିବା ପାଇଁ କୋର୍ଟ ନିର୍ଦ୍ଦେଶ ଦେଇଥିଲେ । ତେବେ ଅସୁସ୍ଥ ଥିବା ଦର୍ଶାଇ ଏବେ ଅନ୍ୟତ୍ର ରହୁଛନ୍ତି ସୁମିତ । ସେପଟେ ବ୍ରହ୍ମପୁର ଏସଡିଜେଏମ କୋର୍ଟରେ ଗତକାଲି ମାମଲାର ଶୁଣାଣି ହୋଇଛି । ତପସ୍ୱିନୀଙ୍କ ପାଇଁ ଘରଭଡ଼ା ନେଇ ତାଙ୍କୁ ରଖିବା ପାଇଁ ସୁମିତଙ୍କୁ ପୁଣି ଥରେ ନିର୍ଦ୍ଦେଶ ଦେଇଛନ୍ତି କୋର୍ଟ ।