ସାମୟିକ ଭାବେ ଅଚଳ ରହିଛି ଷ୍ଟେଟବ୍ୟାଙ୍କର ନେଟ୍ ବ୍ୟାଙ୍କିଙ୍ଗ ସେବା । ଶନିବାର ସକାଳ ଠାରୁ ଅଚଳ ଥିବାରୁ ଗ୍ରାହକ ଅସନ୍ତୁଷ୍ଟ
କନକ ବ୍ୟୁରୋ : ଭାରତୀୟ ଷ୍ଟେଟ୍ ବ୍ୟାଙ୍କର ଗ୍ରାହକମାନେ ଶନିବାର ଦିନ ଇଣ୍ଟରନେଟ୍ ବ୍ୟାଙ୍କିଙ୍ଗ ସେବାରୁ ବଞ୍ଚିତ ହୋଇଛନ୍ତି । ଏନେଇ ଇଣ୍ଟରନେଟ୍ ବ୍ୟାଙ୍କିଙ୍ଗ କାରବାର କରୁଥିବା ଗ୍ରାହକମାନେ ନାହିଁ ନଥିବାର ଅସୁବିଧାରେ ସମ୍ମୁଖୀନ ହେଉଛନ୍ତି । ହେଲେ ଷ୍ଟେଟ୍ ବ୍ୟାଙ୍କ ତରଫରୁ ଏନେଇ ପୂର୍ବରୁ ମଧ୍ୟ ସୂଚନା ଦିଆଯାଇଥିଲା । ନିୟନ୍ତ୍ରିତ ରକ୍ଷଣାବେକ୍ଷଣ କାର୍ଯ୍ୟ ପାଇଁ ନେଟ୍ ବ୍ୟାଙ୍କିଙ୍ଗରେ ଏହି ସମସ୍ୟା ଦେଖାଦେଇଥିବା କଥା ବ୍ୟାଙ୍କ ତରଫରୁ ସୂଚନା ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଷ୍ଟେଟ୍ ବ୍ୟାଙ୍କ ତରଫରୁ କିଛିଦିନ ତଳେ ନେଟ୍ ବ୍ୟାଙ୍କିଙ୍ଗ ସେବା କିଛି ସମୟ ପାଇଁ ବ୍ୟାହତ ହୋଇପାରେ ବୋଲି ସୂଚନା ଦିଆଯାଇଥିଲା । ବ୍ୟାଙ୍କ୍ ତା’ର ସୂଚନାରେ କହିଥିଲା କି ଅକ୍ଟୋବର ୧୪ ତାରିଖ ରାତି ୧୨.୪୦ ରୁ ମଧ୍ୟାହ୍ନ ୨.୩୦ ମିନିଟ୍ ପର୍ଯ୍ୟନ୍ତ ନେଟ୍ ବ୍ୟାଙ୍କିଙ୍ଗ୍ ସେବା ଉପଲବ୍ଧ ହେବ ନାହିଁ । ହେଲେ ଖବର ଲେଖା ହେବା ପର୍ଯ୍ୟନ୍ତ ମଧ୍ୟ ଷ୍ଟେଟ୍ ବ୍ୟାଙ୍କର ନେଟ୍ ବ୍ୟାଙ୍କିଙ୍ଗ ସେବା ଠିକ୍ ହୋଇନଥିବା ଦେଖିବାକୁ ମିଳିଛି ।
ଏହି ଅସୁବିଧା ମଧ୍ୟରେ ୟୁପିଆଇ ସହ ଲିଙ୍କ ହୋଇଥିବା ଷ୍ଟେଟ୍ ବ୍ୟାଙ୍କର ଖାତାଗୁଡିକର ପରିଚାଳନାରେ କୌଣସି ଅସୁବିଧା ହୋଇନାହିଁ । ଏହାସହ ବ୍ୟାଙ୍କର ଏଟିଏମ୍ ସେବା ମଧ୍ୟ ଜାରି ରହିଛି ।