୫ ଖଣ୍ଡରୁ ଅଧିକ ହୋଇଯାଇଛି କି ନୋଟ୍ ? ତଥାପି ବ୍ୟାଙ୍କ କରିବ ଗ୍ରହଣ, ଅସ୍ୱୀକାର କଲେ ଦେବାକୁ ପଡିପାରେ ୧୦ ହଜାର ଟଙ୍କାର ଫାଇନ୍, ଆରବିଆଇର କଡା ନିର୍ଦ୍ଦେଶ
ଯଦି ଆପଣ ପାଖରେ ପୁରୁଣା, ଚିରାଫଟା କିମ୍ବା ରଙ୍ଗ ଲଗାଯାଇଥିବା ନୋଟ ରହିଛି , ଯାହାକୁ ଆପଣ ବଦଳାଇବାକୁ ଚାହୁଁଛନ୍ତି ତେବେ ଆପଣଙ୍କ ଏହି କାମ ଏବେ ସହଜରେ ହୋଇପାରିବ । ରିଜର୍ଭ ବ୍ୟାଙ୍କ ଆରବିଆଇ ତରଫରୁ ଏଭଳି ନୋଟକୁ ବଦଳାଇ ପାଇଁ କିଛି ନିୟମ ଜାରି କରାଯାଇଛି । ଯାହାକୁ ମାନବାକୁ ମଧ୍ୟ ବ୍ୟାଙ୍କମାନଙ୍କୁ କଡା ନିର୍ଦ୍ଦେଶ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଆରବିଆଇ ନିୟମ ମୁତାବକ, କୌଣସି ବି ବ୍ୟାଙ୍କରେ ଚିରାଫଟା ନୋଟ ବଦଳାଯାଇପାରିବ, ଆଉ ବ୍ୟାଙ୍କ ମଧ୍ୟ ଏଭଳି ନୋଟକୁ ଗ୍ରହଣ କରିବାକୁ ବାଧ୍ୟ ଅଟନ୍ତି । ଯଦିଓ କିଛି ନୋଟ ଏଭଳି ବି ରହିଛି , ଯାହାକୁ ବଦଳାଇ ପାଇଁ ବ୍ୟାଙ୍କ ରୋକଠୋକ ମନା କରିଦେଇପାରନ୍ତି । ତେବେ ଆଜି ଆମେ ଆପଣଙ୍କୁ ଆରବିଆଇର କିଛି ଏଭଳି ନିୟମ ଏବଂ କିଭଳି ଆପଣ ଚିରାଫଟା ନୋଟକୁ ବଦଳାଇବେ ସେନେଇ କିଛି ଗୁରୁତ୍ୱପୂର୍ଣ୍ଣ ସୂଚନା ନିମ୍ନରେ ପ୍ରଦାନ କରିଛୁ । ତେବେ ଆସନ୍ତୁ ଜାଣିବା ଏସଂପର୍କରେ..
• ଆରବିଆଇ ନିୟମ ମୁତାବକ, ଏଭଳି ନୋଟକୁ ଆପଣ ଅତି ସହଜରେ ବ୍ୟାଙ୍କରେ ବଦଳାଇପାରିବେ । ଆଉ ବ୍ୟାଙ୍କ ମଧ୍ୟ ଏହି ନୋଟକୁ ଗ୍ରହଣ କରିବାକୁ ବାଧ୍ୟ । ଯଦି ଆପଣଙ୍କ ପାଖାରେ ଥିବା ନୋଟ ଦୁଇ ଖଣ୍ଡ ହୋଇଯାଇଛି ତେବେ ମଧ୍ୟ ଏଭଳି ନୋଟକୁ ବ୍ୟାଙ୍କ ଗ୍ରହଣ କରିବାକୁ ବାଧ୍ୟ ହେବେ । ଏଥିସହିତ ହିଁ ରଙ୍ଗ ଲାଗିଥିବା ନୋଟକୁ ମଧ୍ୟ ବ୍ୟାଙ୍କରେ ଆପଣ ବଦଳାଇପାରିବେ । ତେବେ ଏହି କାମ ସେତେବେଳେ ଯାଇ ସମ୍ଭବ ଯଦି ଆପଣଙ୍କର ଉକ୍ତ ବ୍ୟାଙ୍କରେ ଆକାଉଂଟ ରହିଥିବ । ସେହିପରି ବ୍ୟାଙ୍କ ବ୍ୟତୀତ ଆପଣ ଏଭଳି ନୋଟକୁ ଆରବିଆଇର ଅଫିସରେ ମଧ୍ୟ ଚେଂଜ କରିପାରିବେ ।
• ଆପଣ ଚାହିଁଲେ ପୁରୁଣା ନୋଟକୁ ବଦଳାଇ ନୂଆ ନୋଟ ନେବା ପରିବର୍ତ୍ତେ ଏହି ନୋଟକୁ ଆପଣଙ୍କ ବ୍ୟାଙ୍କ ଆକାଉଂଟରେ ବି ଜମା କରିପାରିବେ ।
• ଆରବିଆଇ ସୁଚନା ମୁତାବକ, ଜଣେ ବ୍ୟକ୍ତି ଗୋଟିଏ ଦିନରେ ଏଭଳି ୨୦ଟି ନୋଟ କିମ୍ବା ସର୍ବାଧିକ ୫ ହଜାର ଟଙ୍କା ପର୍ଯ୍ୟନ୍ତ ବଦଳାଇପାରିବେ । ହେଲେ ଯଦି ଆପଣ ୨୦ ନୋଟରୁ ଅଧିକ କିମ୍ବା ୫ ହଜାର ଟଙ୍କାରୁ ଅଧିକ ନୋଟ ବଦଳାଉଛନ୍ତି ତେବେ ବ୍ୟାଙ୍କ ନିକଟରେ ଅଧିକାର ରହିଛି କି ସେ ଏହା ବଦଳରେ ଆପଣଙ୍କଠାରୁ ସର୍ଭିସ ଚାର୍ଜ ଆଦାୟ କରିପାରିବେ ।
• ଯଦି କୌଣସି ନୋଟ ୫ ଖଣ୍ଡ ହୋଇଯାଇଛି, ତେବେ ଏହି ନୋଟକୁ ଆପଣ ନନ-ଚେଷ୍ଟ ରେ ହିଁ ବଦଳାଇପାରିବେ । ବ୍ରାଂଚରେ ଉପଲବ୍ଧ ସମ୍ବନ୍ଧିତ ଅଧିକାରୀ ଏଭଳି ନୋଟକୁ ଯୋଡିବାକୁ ପ୍ରୟାସ କରିବେ ଏବଂ ପୁଣି ଏକ୍ସଚେଂଜ କରିବେ । ହେଲେ ଯଦି ସେମାନେ ଏଭଳି କରିବାର ଅସମର୍ଥ ହେବେ ତେବେ ନୋଟକୁ କରେନ୍ସି ଚେଷ୍ଟରେ ବି ପଠାଇପାରନ୍ତି । ଏଭଳି ପରିସ୍ଥିତିରେ ବ୍ୟକ୍ତିଙ୍କୁ ପୁରୁଣା ବଦଳରେ ନୂଆ ନୋଟ ୩୦ ଦିନ ମଧ୍ୟରେ ପ୍ରଦାନ କରାଯିବ । ସେହିପରି ଯଦି ନୋଟର ଖଣ୍ଡ ୫ରୁ ଅଧିକ ହୋଇଯାଇଛି ତେବେ ତାକୁ କରେନ୍ସି ଚେଷ୍ଟରେ ହିଁ ପଠାଯିବ ।
ବ୍ୟାଙ୍କ ନେବାକୁ ମନା କଲେ ଲାଗିବ ଫାଇନ
ଆରବିଆଇ ନିୟମାନୁସାରେ, ଯଦି କୌଣସି ବ୍ୟାଙ୍କ ଏଭଳି ନୋଟ ଗ୍ରହଣ କରିବାକୁ ଅସ୍ୱୀକାର କରନ୍ତି ତେବେ ସେମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ । ଏପରିକି ଉକ୍ତ ବ୍ୟାଙ୍କ ଉପରେ ୧୦ ହଜାର ଟଙ୍କାର ଫାଇନ ମଧ୍ୟ ଲାଗିପାରେ ।