ମୋବାଇଲ ଫୋନ ନମ୍ବର ଭଳି ଏଣିକି ଆପଣା ଆପଣଙ୍କର ଗାଡିର ରେଜିଷ୍ଟ୍ରେସନ ନମ୍ବରକୁ ବି ବିନା ବଦଳାଇ ପୋର୍ଟ କରିପାରିବେ । ଦିଲ୍ଲୀ, ଚଣ୍ଡିଗଡ ଏବଂ ମହାରାଷ୍ଟ୍ର ଭଳି ଏବେ ଏହି ବ୍ୟବସ୍ଥା ଉତରପ୍ରଦେଶରରେ ବି ଲାଗୁ ହେବାକୁ ଯାଉଛି । ୟୁପି ଟ୍ରାନ୍ସପୋର୍ଟ ଡିପାର୍ଟିମେଂଟ ମଧ୍ୟ ଗାଡିର ରେଜିଷ୍ଟ୍ରେସନ ନମ୍ବରକୁ ପୋର୍ଟ କରିବାର ଅନୁମତି ଦେଇ ଦେଇଛନ୍ତି । ନିୟମ ଅନୁସାରେ, ଏଣିକି ଆପଣ ପୁରୁଣା ଗାଡିର ରେଜିଷ୍ଟ୍ରେସନ ନମ୍ବରକୁ ଅନ୍ୟ ଗାଡି ପାଇଁ ପୋର୍ଟ କରିପାରିବେ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରେ ପ୍ରକାଶିତ ଖବର ଅନୁସାରେ, ଯଦି ଆପଣ ଆପଣଙ୍କର ଗାଡିକୁ ବିକ୍ରି କରିଦେଇଛନ୍ତି ତେବେ ବି ଆପଣ ଚାହିଁଲେ ଆପଣଙ୍କର ପୁରୁଣା ନମ୍ବରକୁ ଅନ୍ୟ ଗାଡିରେ ପୋର୍ଟ କରିପାରିବେ । ତେବେ ଏହି ନିୟମକୁ ଖୁବ୍ ଶୀଘ୍ର ଲାଗୁ କରାଯାଇପାରେ । ଏହାକୁ ବି ଠିକ୍ ସେହି ଭଳି ଲାଗୁ କରାଯିବ, ଯେଭଳି ମୋବାଇଲ ନମ୍ବରକୁ ପୋର୍ଟ କରିବା ପାଇଁ ଟେଲିକମ ବିଭାଗମାନେ କରୁଛନ୍ତି ।
ତେବେ ଯଦି ଏହି ନିୟମକୁ ଆଧିକାରୀ ଭାବେ ଲାଗୁ କରିଦିଆଯାଏ, ତେବେ କୌଣସି ବି ବ୍ୟକ୍ତି ନିଜ ନୂଆ ଗାଡିକୁ ପୁରୁଣା ନମ୍ବରରେ ପଂଜିକୃତ କରିପାରିବେ । ଯାହା ପୂର୍ବରୁ ହିଁ ତାଙ୍କ ନାଁରେ ରହିଥିବ । ଖାସ୍ କଥା ହେଲା କି, ଗାଡି ପଂଜିକରଣ ସଂଖ୍ୟା ପୋର୍ଟେବିଲିଟି ସବୁ ପ୍ରକାରର ଗାଡି ପାଇଁ ଉପଲବ୍ଧ ହେବ ଏବଂ ଏହାକୁ ଗୋଟିଏ ଶ୍ରେଣୀରୁ ଅନ୍ୟ ଶ୍ରେଣୀକୁ ବି ସ୍ଥାନାନ୍ତରିତ କରାଯାଇହେବ ।
ସୂଚନା ମୁତାବକ, ଗାଡିର ରେଜିଷ୍ଟ୍ରେସନ ନମ୍ବରକୁ ପୋର୍ଟ କରିବା ପାଇଁ ଦୁଇ ଚକିଆ ଯାନ ପାଇଁ ୨୦ ହଜାର ଟଙ୍କା ଏବଂ ଚାରି ଚକିଆ ଯାନ ପାଇଁ ପାଖାପାଖି ୫୦ ହଜାର ଟଙ୍କା ଖର୍ଚ୍ଚ ଆସିପାରେ । କିନ୍ତୁ ଏସଂପର୍କରେ କୌଣସି ବି ଆଧିକାରୀକ ସୂଚନା ଏଯାବତ୍ ମିଳିପାରିବ ନାହିଁ ।